今年年尾特別多野玩, 上星期先岩岩玩完部O記5009, 一個星期唔夠, 又多部新野出台, Pioneer 呢部 VSA-LX55終於都係上星期, 入住左小瑟呢個”無星級的家”, 小住一星期, 今次小瑟都係帶著幾期待的心情去試機的, 事關身痕的小瑟, 玩O記都已經有好幾年了, 自從上年試玩過Pioneer 1020K之後, 對其高分析力及干淨清爽的聲底, 絕對係到依家都仲係記憶尤新的, 雖然呢部 LX55 只係中階機, 但小瑟都好想快D可以開機試聽一下, 以其身價要過萬既定價, 照理應該都會有不錯的效果表現呢!!!!
PIONEER 的 REMOTE到依家都未有任何改變, 起初用, 呢個 REMOTE 的外觀的確唔係咁討好, 而且第一次使用時, 都幾難理解 D 制既功能(可能小瑟個人比較蠢啦!!XD), 需要多小小時間去習慣一下, 不過用落都仲叫就手, 又未算有出現過什麼控制上的麻煩野, 係摸黑既環境下, 都唔會有搵唔到制既問題出現, 都算合格啦!!!!
而佢既夜光制設計係最右下角位置, 係黑麻麻既情況下, 都算係幾方便, 一按就搵到, 囉返小小分!!
Pioneer 近來係新出的擴音機內, 都強調加入支援 APPLE產品的功能, 而 LX55都唔例外, 支援 Apple AirPlay串流播放既功能, 可以將 IOS既裝置或者大家PC上的ITUNES內的音樂FILE, 經網絡串流到呢部 LX55 上, 換言之, 想無線操作聽下歌仔, 絕對係簡單容易勒.
另外 Pioneer 既 AV AMP的自家音場校正系統, Advanced MCACC, 係呢部中階機 LX55 身上, 當然都有齊啦, 而另外仲有 Phase Control Plus 相位控制功能, 都係對聲音既優化, 作出全面既提升的.
而影像處理方面, 呢粒 Marvell 88DE2750 VIDEO CHIP. 其實即係 QDEO既第二代影像處理晶片, 換句話講, 即係同OPPO BDP-93 及 OPPO BDP-95係屬於同一粒的視頻晶片, 效果如何?? 一陣話你知啦~~^.^
今次LX55係外型上, 其實的確係做得幾好, 因為一般有面蓋的都是高階型號先有的, 就如上代LX53, 都係冇面板設計的, 而今次 LX55既設計, 基本上就已經用上LX75同LX85的外觀設計, 另到一眾想有高階機外觀而又唔需要用到高階機既朋友, 對LX55多了一份莫名的好感呢(即係好似小瑟呢D勒~~XDDD)!!!!^^”
睇埋個機背先, 所有應該有既端子都齊哂, 不過大家當然最關心既係有幾多個 HDMI 出入啦, 呢部 LX55 係有6入2出的HDMI端子, 而LX55可能因為係中階機既關係, 係冇鍍金插頭的, 係Pioneer既世界內, 真係好難先會配上 RCA鍍金頭的, 就如上一代 LX83, 都未有配上鍍金端子, 究竟係廠方覺得冇用丫, 定係鍍金頭真係要玩上9 系先配有呢??? 真係摸不著頭…………………..奇怪奇怪!!!!!
機內結構排列都非常整齊, 中間一大片散熱片, 下方係信源處理線路板, 包括有處理聲同畫的晶片都一覽無遺!!!
呢粒就係 Marvell 88DE2750 VIDEO CHIP 即第二代QDEO視像處理器, 有左呢粒CHIP幫手, 另到 LX55的視像處理能力大大增強呢!!!
成部機, 最重就係呢隻牛牛勒~~
上面呢個就係模擬部份既電源電路勒!!!!
當然唔小得大大粒既電容器啦(水塘), 呢粒水塘係收埋係晶片板下的, 要用燈照先可以睇得到呢~~~
MCACC既自動收音咪!!!
好, 一開機就要進入MENU 做一些基本的設定先, Pioneer 的選單, 到呢代都係一D都冇改變, 黑底灰字, 死古古的設定界面呢!!!!
小瑟不嬲都唔係咁鐘意用 AV AMP內的自動設定系統的, 因為 AUTO SET出來的EQ同聲底, 感覺上太多味精, 唔係好夠原汁原味, 小瑟試機喜歡用最原始的聲底來決定部 AV AMP 效果的, 所以今次都係一樣, 直接入 SYSTEM SETUP 去設定所有野!!!
之前都有版友係討論區上問過, Pioneer 基本一定要SET D咩, 小瑟自己就一定第一樣野, 就入去睇睇呢個DRC OFF左未, 因為呢個DRC就即係”動態範圍控制”, 開左呢個就會自動將整個音場的高低削去, 音低頻的申延性即時大減呢!!!! 情況就好似ONKYO既NIGHT MODE咁勒~~~
視頻設定上, 有 V.ADJ功能, 可以比你選定來優化你的視像器材, 可選擇既包括有<<PDP>>,<<LCD>>,<<FPJ>>.<<PRO>>, 當然亦有為個人喜好而設的<<MEMORY>>啦!!!
先來用 <<EASON DUO>>演唱會的一曲陀飛輪作首試, 今次會以 DTS-HDMA 來做測試, 一開聲, Pioneer清爽既聲音, 又再係小瑟既屋企出現了, 人聲干淨清爽, 感覺毫無雜音, 分析力好強, 絕對係數碼聲底的示範, 而這部 LX55 的同之前小瑟聽過的 Pioneer 唔同既地方, 應該係低頻上的表現了, LX55 係低頻上, 明顯係偏向量感同質感都豐厚左, 係正常設定低音喇叭的情況下, 整個低頻都比較偏厚, 潛得深同做出有層次感, 但小瑟就覺得量感有時會過大左小小, 需要在設定低音時加以慢慢微調去得到更佳的低頻效果, 否則聽歌時, 會有小小過肥及太慢的情況出現!
而畫質方面, 果然有 QDEO 的幫助, 畫面上的細緻, 色深, 及立體感, 都有著非常出色的表現, 尤其黑白二位的處理, 更加係絕不含糊, 對比分明, 而在黑位上, 係小瑟的 42″ LCD的表現下, 都可以清楚見到有不小的間位細節重現, 相信睇過QDEO 畫面的朋友, 都係認同好難返轉頭去睇返沒有 QDEO優化過的畫面呢!!!!^^”
再黎我地就換一換一套比較舊既電影,<< 變形金剛第一集>>, 第一場狂派機構人現身大鬧軍營一幕, 今次LX55的低頻絕對大派用場了, 因為剛才講到的量感低頻, 係呢場勁密集的槍火大炮環境中, 絕對可以幫手提升整體刺激性, 而音場細緻感及包圍度, 都有比緊緊扣住的感覺, 而當中好多畫面以外的細碎聲音, 都係左右二隻後置不停穿插, 再由後置子彈沖返向前, WOW, 好過引呢~~~~@.@!
而再找來另一幕, 男女主角比狂派跑車追殺, 小瑟真係非常之鐘意第一同第二集的女主角 Mage Fox, 尤其係 LX55 處理過的畫面上, 古銅色皮膚的及性感的咀唇, 充滿火爆的性格, 每一幕都足以令小瑟目不轉睛地要睇下去, 而當中的跑車引擎聲, 大家都知道低頻係何等深沉有勁, 而係LX55演繹出來, 更加係有力而不肥膩, 當整個環境都比豐富既低頻佔有著, 又點可以唔投入左去戲中呢???
而今次小瑟就借左呢個機會, 去睇一套, 唔係咁多人話好睇既電影, 就係<<天姬戰>>勒, 大家都知道, 呢套戲既導演係<<戰狠300>>及<<保衛奇俠>>同一個導演, 以特別既視覺效果配以強勁既音樂去另各位觀眾投入佢既世界的, 雖然好多人都唔係咁鐘意呢套電影, 不過小瑟個人就係非常鐘意, 就以以下一段, 女主角第一次”變身”成為美少女戰士, 由音樂課室內, 播出的收音機式的音樂聲, 慢慢轉變為第一身的埋身音樂聲, 呢個氣氛, 的確可以將每一位觀眾, 一同帶入女主角的幻想世界, 而在女主角開始同大大件既日本侍衛開戰時, 每一刀劈下, 整個地板同沙發都有強烈既震動, 而大刀在畫面右而左劈過時, 感覺就正正好似在我既廳中間橫過, 真係想避一避添呀XD, 之後既機關槍掃射, 更加係五隻喇叭馬不停蹄地不停抽動, 果一刻真係有小小擔心, 究竟小瑟會唔會好快就有門鐘響呢. 呵呵!!!!!!
到第三個侍衛出現時, 有一個畫面係由上而下慢鏡咁PAN落去既, 果個侍衛件甲的條紋, 質感, 絕對係非常之細緻, 層次亦好鮮明, 由此可見, LX55的影像處理, 的確係非常唔錯, 值得一讚呢!!!
後話: 短短一星期唔夠既試玩時間., 其實小瑟只係正式玩左二日唔夠, 一日SET機, 一日真正試機, 雖然時間好小, 不過今次終於比小瑟可以真真正正咁試下 Pioneer LX 系的中階 55, 小瑟覺得以此價位上, 可以有此力量控制小瑟5隻書架式喇叭, 都叫交足功課, 如果閣下的家庭影院同小瑟差唔多, 係100-200尺以內, 小瑟相信以此LX55作為大家步入高階機前的試金石, 此機絕對係勝任有餘的, 而當小瑟試完呢部LX55之後, 令我有更大的衝動, 去問代理借埋 LX85來作詳細既測試, 不過小瑟希望今次可以多過超過一星期, 等我可以慢慢睇多幾套戲, 咁就最好呢~~~~哈哈!!!!
歡迎進入我們的影音玩樂討論區發表意見.
http://www.post76.com/discuss/viewthread.php?tid=87767
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
