坊間其實有唔少功能非常強橫既 Soundbar 可供大家選擇，不過對於蝸居或納米房既朋友，佢地選擇既 Soundbar 既理由最緊要係夠細夠實用！Philips TAB6305 Soundbar 最大特色是夠矮夠窄身，剛好攝入電視座底與電視櫃中間位置！對於 40 吋以下電視用家來講可謂 Good Fit ! 它對應 2.1 聲道輸出，內置 Racetrack 全頻單元，總輸出達 140W！
Soundbar 主體只有 3.5cm 高，用上棱形意念，凹位部分係為左方便大家可攝入電視底座位置，非常貼伏慳位！TAB6305 有 3 種音效模式供設換：電影，音樂，新聞，接駁端子上，自帶 HDMI ARC、光纖、3.5mm、SBC 及藍牙，USB 插孔則可支援歌曲播放，對應 MP3、WAV 及 FLAC 格式。Soundbar 頂部設實體操控鈕， 跟附送機小遙控，有指示燈可標示狀態！
實試用上 Netflix 上的《結叛同行》 及 《聖誕鈴鈴鈴》作測試，發現其左右單元可營造一定既立體感、聲音走向，人聲對白算清晰，音量足夠應付 100 餘呎空間使用！由於其喇叭為前向式設計，人聲與環境聲較立體 及所展現的聲音 Range 亦算可接受！ 其 60W 超低下向式單元所輸出的超低頻亦有一定擴散感，雖做算不上是下潛力，但視作為中低頻音補完亦算可以。藍牙聽歌方面，我地用上 Tidal 上的《Cold Heart》及 Moov 的《沙之戲》作測試，發現其音質尚算可以！總括而言，Philips TAB6305 系統，最吸引之處是齊集坊間所有接駁方案，加上支援 Wall-mount 及無線超低音，作爲電視聲音補完方案亦未為過！Hugo 較建議大家首選以 HDMI ARC 作接駁 ，一來大家可統一控制全局音量，二來電視自身會為聲壓作自動均衡化，減少不必要麻煩！Hugo 較建議大家將電視外部音效輸出訊號劃一設定為 PCM，以減低兼容性問題！ 如大家入手 Budget 較緊張 ，Philips 仲有 5105 (HK$799) 及 5305 兩款型號供選擇，當中 5105 的入手門檻更低，仲有埋 HDMI ARC 配套 ，岩曬蝸居玩家！
重點規格
♦ 聲道：2.1
♦ 總輸出：140W
♦ 輸入：HDMI（ARC）、光纖、3.5mm、藍牙（SBC）
♦ 售價：HKD $2,198
♦ 查詢：大昌影音（3193 9828）
