各位版友好, 呢個星期真係好忙, 又要預備明天星期六的活動, 因為第一次攪打機活動, 我地都要試好多不同的情況, 所以依家先有時間出PO比大家睇返當晚既相片, 今次係我地第十五週年的 Post76 台慶, 其實當晚最尾點解會有一個感觸位呢?? 一來今年大家既反應好好都係一個原因啦, 好多謝大家比左一個好難得, 好珍貴的晚上比小瑟, 十五週年台慶呢晚, 我會好好記住, 不如我地依家又睇返當晚的開心畫面先啦!!!!^^”
抽獎後的第一環節 勁飲大賽
今次我地預備左二個環節, 第一個係勁飲大賽, 呢個遊戲簡單又易玩, 我地分左二檯二次去玩, 最終來一個總決賽, 每人可得獎品之餘, 仲可以有檯獎. 所以大家都玩得非常緊張架!!!
勁飲大賽突發 即場挑機戰
呢個環節完全沒有預備, 更加沒有預備獎品, 唔知邊個(好似係我XD)無啦啦問台下有冇人枇挑我地冠軍人馬的機, 點知又真係有, 不過我地就冇預備獎品, 但『見義勇為』的 Cambridge 的好兄弟 Matt 即時二話不說地, 話會即時讚助多份獎品去支持呢個突發環節, 就係咁, 我地就多一個突擊的環節勒!!!^^”
返歸試玩體驗頒獎禮 – Onkyo x Pioneer 數碼隨身試得真
呢個活動係我地網上開始的一個試真D活動, 勝出的版友當晚都有出席我地台慶, 所以我地就即場頒個獎比呢位勝出的版友呢。
最後就當然係大獎時間啦, 今年我地就由 Onkyo TX-RZ3100 為15週年帶來最大的禮物, 究竟邊個人得到咁開心呢???? 答案就係我地既新力軍, 影片制作部的 Steven 得到, 但佢竟然問大家有邊個想換AMP??? 呢個時候, 完全係到達左當晚的高潮所在呀!!!!@@”
登登登登………..
呢個15週年, 對小瑟來講得來不易. 再一次長氣都要講, 小瑟對任何一位76的版友, 都係當朋友一樣看待, 果晚見到大家每圍檯的版友們, 都係老友記一樣, 有圍友得獎, 成檯都好開心, 就好似自己得獎一樣興奮, 老實講, 當年小瑟開 Post76的目的就係希望咁樣…..所以呢一刻小瑟非常感動. 有時做一個平台, 最開心就係大家因為呢個地方, 而可以真正開懷地暢飲, 說笑, 共同分享, 呢個係非常非常之難得的情景, 所以當晚大家比左一幅咁美麗的大合照小瑟, 小瑟有你地呢班好版友, 滿足了!!!!
特別嗚謝 : 一眾全力支持品牌好友力撐!!
小瑟係度好想多謝一眾全力支持我地 Post76玩樂網 的各大單位及人士, 有你地既支持, 我地先可以一直制作咁多好玩有趣的活動, 帶大家享受到影音給我們的樂趣. 而且有你地既支持, 我地台慶的週年晚會先可以讓大家有一個又一個難忘又開心的晚上, 係度小瑟再三向咁多個有份支持我地今年十五週年台慶版聚的品牌單位, 致上最衷心的感謝, 期望我地來年, 會大家一同為推廣香港的影音玩樂文化, 令廣大的版友都可以生活中可以有一刻的放鬆, 享受到影音帶來的樂趣, 我地下年見!!!!^^”
