小瑟大大話話都冇買野成個月了, 自從上次換左喇叭之後, 一路都用緊 Edmond兄放比小瑟既 Oyaide MTS-6, 用左都有3個月, 小瑟一路就覺得聲底仲係唔係好夠靜, 睇戲同聽歌都會不時感覺音染太重, 什聲效多, 本來一心諗住去搵個 SINA 30A作為家中既電源處理器, 不過反正都係買野, 何不試下其他品牌呢?? 30A既效果我就試過, 的確係電源既處理上係有D料到, 不過本住試下聽下其他牌子既拖板睇下有咩好野. 就係因為咁, 所以睇睇下, 試試下就試中左呢隻台灣出品既好野勒!!!
四四正正，非常堅固咁喎。
呢隻拖板其實係DIY野來, 不過好彩老友記太子KEN, 亞KEN哥怕毒小瑟唔死, 專門做左二款不同架構既拖板比小瑟, 二款既走線都係以並聯方式接駁, 不過一隻係”直走式”, 而另一隻KEN哥就用盡心機, 同我攪左個”線圈式”既走法, 據KEN講, 呢個做法比直走難得好多, 事關係咁短既空間內要圈到接線好似一個彈弓咁, 都咪話唔用心機, 而呢”線圈式”做法更加可以形成一個FILTER, 對電源既過濾性有一定既幫助呢.
KEN哥做功非常講究, 唔係好野唔比小瑟, 淨係呢個IEC插, 都堅持最小一定要用到古河先收貨.
小瑟折開佢黎影相比大家睇, 果然係成件野實心咁”鑄造”出來架喎, 成隻拖板真係勁重手呢!!!!
呢個係”直走式”並聯方式接駁, 基本上唔係手拖手方式咁駁法, 效果已經好好, 夠力夠獨立.
而以下呢隻就係小瑟非常想快D測試既”線圈式”JB勒, 小瑟快快影完相就分別插起二隻試一試同大家分享下先!!!
大家可以見到, 排插都絕對唔係著通插來, 都經過左泠涷處理架!!
“直走式”聽感
小瑟將手上既Oyaide MTS-6換哂6個位插SO入PSC-6上, 器材分別有 LCD TV, MTV3600機頂位口盒, OPPO BDP-93 BLU-RAY PLAYER, ONKYO 5509前級, 囉返N年前睇慣睇熟既 蝙蝠俠黑夜之神出黎, 睇返劫車一段, 事關小瑟貪佢IMAX畫面, 用佢來做個標準就最好不過了, 換上左PCS-6之後, 成個畫面好似玩PHOTOSHOP咁, 落左USM成個畫面 SHARP左一個圈, SHARP得來邊位都唔見有起炸, 而畫面既NOISE就比之前小, 不過又唔係小好多, 而聲音既定位走向, 以及連貫性都有明顯不同, 小醜開槍打架車一段咪有個位會成車打哂, 咁大家既屋企一定會由左前喇叭一路快速咁中置, 右前, 右後, 左後咁兜一個圈既, 換左 PCS-6之後, 兜呢個圈位比之前真係明顯左好多, 我可以數得出成個圈既形係咁, 包圍感非常正呀,
“線圈式”聽感
睇完一次之後, 就快快換拖板, 因為記憶時間有限, 唔想忘記感覺, 所以好快就換上呢個”線圈式”PCS-6″, 一試佢究竟可以做到咩效果, 又會多左D咩先?? 先講畫面, SHARP同光度同頭先差唔太多, 不過 NOISE 既控制更為明顯, 對比度同色深都明顯睇到強左, 成個畫面好似變得更有層次, 同埋感覺比之前好似多左景深咁, 呢一點不嬲係LCD TV上, 係好難可以出現到的, 真係堅呀, 而聲效方面,又係去到小醜開槍打架車時, 呢次除左定位同之前一樣可以數得出位置之外, 竟然連個低頻都清晰明快左, 子彈雖然又多又快, 不過竟然可以感覺到有一野野低頻快速咁向小瑟沖埋來, 而之後 BATMAN發圍轉渣BATPOD電單車之後, 背景音樂一起, 成個劇院既氣氛出哂黎, 上次係EDMOND兄屋企聽過30A既一致性戲劇式包圍感終於都可以實現了, 好感動呢!!!!!!@@”
總結
呢個JohnBlue PCS-6 美式拖板雖然話就話係台仔產物, 如果你係對老外野情有獨鍾既, 咁你當小瑟篇野係娛樂新聞好了, 小瑟唔知呢件野既二手能力有幾高, 放出去好唔好價, 不過小瑟插左上去之後, 最後只可以打比KEN哥講, 同佢講SORRY, 蚊唔返比佢勒, 小瑟最多都只係還返個直走式比佢先, 線圈式果個真係唔捨得蚊, 事關呢D野好衰既, 插左試過真係好難返轉頭, 一轉返頭個心硬係形住差D差D咁, 所以呢次既中毒記, 又冇左小瑟5K野了!!!!!!~_~
>
歡迎進入我們的影音玩樂討論區發表意見.
http://www.post76.com/discuss/viewthread.php?tid=123261
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
