原來好多朋友都唔知道小瑟之前出既 105D 分享內, 已經有埋越獄軟體既分享, 今日小瑟就另開一個 POST, 等大家可以更易睇到小瑟個越獄過程啦!!!!
OPPO BDP-105D非官方越獄軟體
冇錯, 本身小瑟都會有部POPCRON C200來播FILE的, 不過部C200係上年壞過一次之後, 依家就開始有時會神神地, 尤其係NETWORK方面, 而105D依家既官方版本, 已經完全唔再支援BD ISO及藍光檔案重播, 咁部C200咪即係唔可以放棄??? 但我係要一部睇到碟, 睇到BD FILE, BD ISO, USB DAC聽歌, 食到CD同SACD仲要有埋耳擴既一體機喎, 咁點可以實現到呢?? 呢個時間, 係影音器材討論區上, 就有位師兄介紹左淘寶呢個地球上無所不賣既地方, 竟然有針對 OPPO 103, 103D 及 105, 105D 既越獄Firmware(韌體)可供買家購買, 仲聲稱可以做埋機頂盒睇國內的主流影片網包括PPS, PPLIVE, 土豆, !@#$%^&*((下刪數十款)等等, 不過小瑟對呢D影片網一D興趣都冇, 最吸引到小瑟既都只係 BDMV原盤及 BD ISO直讀呢二個功能, 而最正既就係呢個Firmware(韌體)說明中提及呢個版本係可以將105D的 Firmware, 升新回官方韌體版本, 即係話, 咁如果將來有機會部機要維修, 都可以FLASH返原廠韌體來做保養啦, 咁就玩得開心又放心啦!!! 不過話雖如此, 始終呢個動作都有一定既風險, 麻煩大家睇返以下免責, 有咩事我真係唔包架!!!!^^”
*免責聲明: OPPO BDP-105D越獄因涉及修改機內軟件，有可能會引起失去官方保用 , 同時機內的任何私人資料亦會被刪除，用家請自行評估風險。對此做成的任何損失，Post76或任何人士均不會負上任何責任，請各位自行承擔越獄之風險。
越獄程序
先上呢個淘寶網店主(好人阿飞), 再購買佢地既越獄固件服務(人民幣$200), 而購買時記得先將你的105D MAC Address 抄下來, 在拍下貨品時在留言中打下你的105D MAC Address. 當店主的客戶服務收到你的訂單之後, 就會提供一個E-Gift Card Codr的號碼給你, 詳情可到好人阿飛的購買帖內了解.
●以下係小瑟在105D內找出MAC 地址的方法, 紅圈內的數字就是MAC地址.
記得係淘竇店購買時, 一定要在留言中打入MAC地址及你的EMAIL呀!!!
購買程序完成之後, 48小時內, 店方就會EMAIL一個E-GIFT CODE比你, 到時再到 http://blurayplayerhelp.com/ 打下以下資料(圖片轉自淘竇越獄網店)
之後再到呢個網址(http://blurayplayerhelp.com/upload/BDP10X-67-1204%20jb3.rar)下載最新(到現時為止為第三版)的越獄Firmware到你的USB手指內, 最好先將你的USB手指FORMAT一次, 確保手指內無任何檔案較好. 留意, encryfile.dat的FILE是在淘寶店拍下越獄時, 由客服直接EMAIL發給你的, 你要一併加入到USB手指中的.
之後就直接將USB手指插入105D中, 就可以開始進行升級勒, 留意, 過程中會有4次問你係咪重新安裝, 記得全部都要按”是”的呀. 升級好之後, 系統就會提示105D要關機, 呢個時候就由得佢自己熄機就可以了!!!(係度要提提大家, OPPO的越獄方案, 有一個非常之關鍵要注意既地方, 就係一定要保持插入之USB手指內係保留有 encryfile.dat 這個越獄檔案先可以使用到越獄功能既, 當你冇將越獄手指插入105D, 所有既越獄功能都會消失的呢, 要插返入隻手指, 越獄功能先可便用架, 切記切記!!!)
確定熄機之後, 就可以重新開機勒, 而開機之後, 大家會見到105D會自動顯示音亮圖示約10秒, 呢個顯示係間接話比大家知, 破解已經成功了!!!好, 小瑟就立即試試由 Synology NAS內, 早前備份好既藍光ISO FILE先, 呵呵…正呀, 終於見到個FILE真身勒…^^”
一按”OK”, 相信大家都知道之後係做咩啦………睇戲啦喂!!!!
總結
OPPO BDP-105當年推出時, 小瑟都冇升級的意欲, 無他既, 當年對聽歌需求未有咁大, 加個DAC係103上基本上已經可以滿足, 但試過真正CD盤之後, 又發現其實聽歌呢家野, 亦都係一種不可多得的享受(尤其有小朋友之後, 唔係下下可以睇得哂成套戲), 但小瑟當然唔會放棄睇戲呢個活動啦, 咁又唔想咁多部機係度, 一來電位唔多, 二來亦都想方便一點, 今次105D係畫面上有咁明顯既增長, 正好比小瑟一次過將所有訊源統一處理, 試問依家市面上, 有邊部機可以一身做哂聽歌睇戲都有優質表現的呢??? 以萬多元既價錢來講, 可以比小瑟睇戲, 聽CD / SACD, 玩CAS, 做MEDIA PLAYER, 耳擴聽歌咁多功能, 效果仲要收哂貨, 唔入手真係唔知等幾時先岩呢~~~~~^^”
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=181721
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
