小瑟一向手上所有既器材既線材, 唔係 Northwire 都係 PE Lab, 成日聽人講什麼單晶銅有幾強, 有幾勁, 始終未玩過都唔敢比意見, 上次同版友們傾開影音經, 講開 Neotech 既單晶銅的確係有料到的, 仲成晚比人毒到死死下, 攪到小瑟成個身痕到不得之了, 所以就問代理借來呢條 NEP-3001 Ultra 7N來試試, 睇睇究竟大家成日講既單晶銅, 係咪真係有料到, 又可以再睇下, 究竟千元以上既電源線, 係咪真係值回票價的呢???
此線包裝都幾精美, Neotech 可以好多人都知道究竟係咩來頭, 它就是台灣萬隆公司自家的產品, 佢地最出名就係 UPOCC, UP 代表(Ultra Pure), 而OCC就係專有名詞(大家可以GOOGLE一下就知係咩來), 而最終 UPOCC 的技術係包括左三個含意 [1. 超高純度 2. 單結晶 3. 單方向性], 目前標榜自己係 OCC 線材既品牌, 一個係日本古河的PCOCC, 另一個就是 Neotech 的UPOCC勒.
總之簡單D講, UPOCC 係以獨特的及超高溫度的鑄造技術, 做到可以縮小金屬內結晶的縫隙, 從而達到傳導效能提升的目的啦!!!!!……………. 不過理論就歸理論, 插左入去有冇料到先係最重點既一環, 我理得你用過千人精制煲練啦, 冇效果就咩技術都係假既, 好, 一於就插入去小瑟家中既 ONKYO PR-SC5507前級處理器, 去試試究竟效能會有什麼樣的增長啦!!!
小瑟好鐘意呢 D 網網, 因為就係希望係所有既運送過程中唔會整花個插頭, 先會用呢 D 網網包好佢, 感覺好珍貴呢~~~~@@!!
而呢隻美式蘇頭亦有專用套去包好, 防止擺放時會產生氧化之問題!!!
線身做工非常精細, 感覺非常扎實!!!
一渣上手呢條線, 粗就唔係話蛇咁粗, 不過就真係硬得很, 原來單晶銅既線材都真係幾硬的, 要屈佢都唔係咁易, 係機後要預留既位置, 比一般用開既電源線, 需要留多好多位置比佢”轉身”, 小瑟開始有小小擔心, 究竟5507後面, 有冇足夠位置比佢”轉身”呢?!??!
最後都順利插入, 不過大家可以見到, 預留既空間比我之前既要多一倍位置, 由 IEC頭去到牆身, 起碼都 “六吋” 以上先開始轉到灣呢!!!
好, 正式入戲玉勒, 今次小瑟就拿來岩岩由 KEN版大手上買返來的變形金剛2的一場森林大戰 IMAX 來做一個測試先~~~
小瑟先用返自己本身既線材, 由森林大戰開始睇, 睇完一次之後, 就換線再睇多一次, 估唔到係我冇做任何設定, 只係換左呢條線, 整個音場都好似”打開”左咁, 竟然係高音通透哂, 好似全部喇叭除哂罩咁(先此聲明, 不嬲小瑟5隻喇叭都絕不含糊的!!) 細緻度豐富同細膩左好多, 柯柏文囉住棵樹一野”班”落去麥加登度既時間, 樹枝既折斷聲清脆利落, 而低頻方面改善亦都非常明顯, 低音干淨左唔小, 但依然係雄渾有勁, 但就小了一份胡亂混濁既感覺, 而此線比小瑟最深感受既, 絕對係人聲方面, 對白之清晰度, 明顯係比到我絕不含糊, 清清楚楚咁一粒一粒字咁由我既中置喇叭讀出來, 真係估唔到, 原來前人們口中講的單晶銅線係好野, 今次真係可以完完全全感受到果份”有D料到”係咩一回事呢, 以往好多 HIFI界既朋友會比較多用呢條線材的, 但今日小瑟囉佢來套上我既 5007前級處理器, 來睇戲炸機, 原來一樣可以有咁明顯既提升.
依家, 小瑟心目中, 又有另一煩惱……………..究竟我應唔應該乖乖比錢, 留返條線比自己用呢???? 係小瑟再三提問之下, 代理回覆價錢原來都要上2千元以上的, 雖然一條好既線材, 絕對值呢個價錢, 不過小瑟機後既位置, 又的確係唔係好夠位比佢”轉身”, 睇來, 小瑟只有二條路可以選擇, 一, 就係攪大佢, 換哂廳中既成套機架連櫃. 二, 就係當咩都冇都發生過, 強迫自己接受返原本既聲音呢!!!!!!
歡迎進入我們的影音玩樂討論區發表意見.
http://www.post76.com/discuss/viewthread.php?tid=84096
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
