2011年既AV影音展下個星期就到, MS HD POWER方面, 就特別製作左一張 Alloy Gold CD，係今年既影音展, 送比係影音展首1000名支持佢地既用戶(因為此碟只限量壓制1000隻), 而呢日, MS POWER方面就係旺角既添置 9 樓, 昌業音響既門市, 為我地 76-FriendClub 既黑鑽會員, 作一次既優先試播, 除左一眾黑鑽卡會員之外, 當晚仲有好幾位嘉賓名人到臨, 包括有香港首名 SACD資深錄音師 Terence Lai 先生, 風行唱片 Andy Lam 先生, 資深名音樂人 Ander g. Nelsson聶安達先生, 位位都係係HIFI界有一定地位既資深人士, 由佢地來為此碟既制作作出分施, 就最合適不過了!!!!
當晚活動既喇叭就係呢對美國 LEGAGY CLASSIC HD座地喇叭, 4Ω, 功率可達 300W, 而頻應就係28-25K, 當日碟內其中一首色士風, 真係連樂器上的口水聲, 都可以聽得非常清楚, 真係好誇張!!!
呢張就係CD既海報, 當然封面就一定係MS既產品啦~~~XDDD
活動開始, 當然就係由 MS方面的 SIMON介紹是晚活動, 之後就係到小瑟例牌傳統介紹大家啦~~~~
場中除左我地 76-FriendClub會員之外, 仲有好多影音雜誌既記者編輯們都係現場, 直頭係人頭湧湧呀~~~
呢位就係風行唱片發行既負責人 Andy, 佢就係同大家介紹一下, 當日同 MS HD POWER方面, 點解會有呢個出發燒碟係影音展送比用家呢個概念呢!!!!
之後當然就係要搵返呢隻碟既制作部份, 錄音師 Terence Lai 先生出黎同大家分享一下, 當日佢做呢隻碟時一此用電上, 前後既效果!!!!
而當晚高潮位, 就係資深名音樂人 Ander g. Nelsson聶安達先生, 佢一出黎, 已經得到唔小掌聲, 佢仲同大家分享返, 好多年前, 佢已經同佢唱片界既朋友講, 電源對做唱片時既重要性, 當年冇人信佢, 仲當佢講笑, 佢話依家好勒, 過左咁多年, 始終都有人真正識”電”係可以另到音樂出黎既效果係有正面既提升呢.
而最強既係, 佢竟然即慶就係現場同大家開唱一曲, 唱左二首經典英文歌, 為現場既氣氛推上高峰呢~~~~~~^^!
而就係一片拍掌聲中, 呢次既活動好快就係一小時左右就完成左了, 今次活動真係好多謝MS HD POWER方面可以比一個優先試聽呢隻發燒天碟既機會, 而係活動之後, 亦都問過 SIMON, 佢話佢地只係做 1000隻, 另外仲需要留返一部份比廣州既音響展, 即係話呢隻碟係我地香港影音展既第一日, 比人搶哂就冇架勒(小瑟叫佢整隻來佢都唔肯!!~_~), 如果大家都想可以囉到呢隻碟, 就記得係8月5日影音展既第一日, 去MS HD POWER既展位, 買返件玩具囉返隻碟玩下勒~~~~~
番外篇 – 玻璃CD
當日同風行唱片既Andy傾開計, 佢話佢地就快會出一隻玻璃CD, 小瑟一路以來都未真正囉過玻璃CD上手, 上次張學友果次就只係知道我地有版友大拿拿成萬蚊買左一隻, 但真係未見過, 呢日有機會見到, 當然叫Andy比小瑟開下眼界啦, 隻碟囉上手, 係重好多好多既, 感覺就似一隻硬碟內既磁片, 不過仲要重D, 感覺好實在, 不過因為當日時間真係好蚊, 所以未有機會好好細聽, 希望係好快, 就有機會可以親身聽一下, 玻璃版既CD究竟同普通既CD, 音色上既分別, 係咪真係咁明顯呢~~~~~
HIFI與CAS音響硬件討論區之會後討論 – http://www.post76.com/discuss/viewthread.php?tid=79910&fromuid=4
