文/圖: 小瑟
前言 –
TaraLabs 呢個品牌既線材基本上已經係好多 HIFI發燒友心目中的不二之選, 而早前, 美國 TaraLabs方面已經正式將中國, 香港, 澳門三地既總代理, 轉交新代理負責, 而新代理接手後, 亦都有其新既推廣理念, 佢地希望可以將一路以來 TaraLabs『高不可攀』的形象來一個大革新,以雅俗共賞, 人人可及的價錢及態度, 去從新讓大眾認識呢個美國優質品牌既線材品牌.
所以, 我地 Post76 6月第一炮活動就聯同華仁影音方面, 舉辦了一個”TaraLabs超時空新紀元線材全面鑑賞會”活動, 讓一眾76 HIFI版, 都可以一同參加, 而只要已經參加 76-FriendClub 之會員，都可以優先報名出席呢個活動。
活動詳情 –
活動地點: 九龍旺角西洋菜街51號友誠商業中心10樓全層(華仁影音)
日期: 2011 年 6 月 8 日 (星期三)
時間: 19:30 – 20:30
費用: 全免
人數: 全場 20 人
示範器材:
CD 機
MERIDIAN G 08.2
前级
PRIMARE PRE-30
後级
PRIMARE A-32
書架音箱
HEIL A.M.T Aulos II
座地音箱
XAVIAN Preludio
線材
TARA Labs THE 25 LE
TARA Labs RSC PRIME Series
TARA Labs RSC AIR Series 2
TARA Labs RSC ISM Onboard series
TARA Labs Top Extreme Series – ZERO IC and Omega Spk cable
當然, 呢次其實都算係showoff既活動, 我地當然可以一次過睇哂所有 TaraLabs 品牌現有既所有線材, 唔影相咪好浪費???
而今次我地仲請來 “HIFI音響以及影音極品既主筆” WINSON NG 為當日鑑賞會內既主講嘉賓, 希望可以透過真正既 HIFI 高手, 可以比大家了解更多有關線材與及大家玩HIFI既一D分享, 而當日, WINSON仲即慶地, 為大家親身教授左喇叭擺位既一D心得同分享, 我地已經錄起哂整個過程, 希望大家可以作為一個參考, 呢D分享真係非常珍貴架, 事關好多高手都唔願意將呢D技術同其他人分享, 但WINSON好好人,佢見大家真係非常之有興趣去玩好HIFI, 聽好音樂, 所以佢竟然一口答應, 真係非常難得呢~~~^^”
而當日既演示會, 佢仲做足哂功課, 帶哂所有佢覺得非常之有價值同埋好多已經絕哂版既靚聲 CD同大家逐一分享呢!!!!^.^
華仁同3T音響方面, 都對我地 76 既版友算唔話得了, 除左每位現場既版友每人有二隻CD, 一本影音極品雜誌送比大家之外, 幾有心思咁整定D抽獎紙, 用意就係我地聽完活動之後, 仲可以有獎抽, 而份獎仲係非常之唔野小(起碼對小瑟來講, 係非常之想要的呢~~~@@!) 真係非常之貼心呢~~~
…………………………話時話, 我竟然唔記得影果二隻CD同影音極品……….各位師兄可有返屋企影張相POST出來比我睇多次嗎?? 果日囉上手真係興奮到唔記得影相呢~~~~@_@!!!
好勒, 時間已經去到7點有多, 開始有D師兄已經到場, 難得人唔多, 當然就係埋去睇睇D機既PAT PAT啦, 呢D心態, 小瑟又何嘗唔係呢, 所以我都好清楚大家既心情呢~~XDDDDD
鑑賞會正式開始 –
好勒, 話咁快, 所有師兄都歸位勒, 例牌地, 小瑟又係介紹下呢個, 介紹下果個, 介來介去, 目的都係想大家可以唔洗你眼望我眼, 連隔離果個都唔知係邊個打邊個咁啦~~XDDDDD
終於都到我地既主講嘉賓 WINSON 出場勒, 其實小瑟唔係識好多真正既 HIFI 高手, 原因好簡單, 好多高手都非常高……高到有一點高傲, 而小瑟聽個名都知, 只係小朋友一個, 有時都好怕高手們不屑同小瑟傾二句, 莫講話分享, 但 WINSON師兄比小瑟感覺非常親和, 係聽每一隻既CD聽播時, 佢都會同大家分享一下點解佢要選呢首同想大家留意既係咩野, 而最正既係, 當我地有一PART係試舊版線同新版線既分別個SESSION上, 佢聽舊版線時試到一半, 突然 STOP 左, 原來係因為佢自己都覺得隻舊版線出黎既聲音場同聚焦點縮哂入去, 佢都頂唔順, 所以就中途STOP 機, 呢下野真係估佢唔到呢~~~^,^!
剛才小瑟提及由3T音響送出既抽獎禮物, 就由我地既新仔與資深共治一爐既版友 kickass 抽中, 大家睇佢印堂發哂光, 就知佢果日行運啦~~XDDDDDD
WOW~~~~原來抽獎既禮物竟然係 TARALABS PRIME M3 RCA 1.0m一對, 我要再一次係度講…..做版友好過做版主勒~~~~~~~~~~_____~~~~~~~~~!!!!
後記 –
當日既短短一個鐘, 小瑟真係可以講係獲益良多, 老實講, 小瑟玩咁耐都只係有幸玩過一條 TaraLabs 既HDMI 線, 已經覺得呢個牌子做線質素之高, 係同個價錢成正比的, 本來一心都冇諗過可以自己可以買得起呢個牌子既線, 但經過當晚 Raymond 既講解, Winson 既分析, 對 TaraLabs 呢個品牌就從新定義過來, 了解埋佢地既做線理念, 就更加係帶有多三份既 “愛” 意呢 ^.^
當活動一完, 大家都爭相去囉出手機去影底當晚 Winson大哥同大家分享既CD, 事關原來大家都想即時殺落信和睇下會唔會搵得到D碟返屋企慢慢試呢~~~XDDDDD
當日係我地Post76團隊第一次可以擁有自己既團隊制服, 著左件POLO SHIT上身, 真係份外感覺親切呢~~~~^.*!!!
呢個報導, 依家先正式開始呀~~XDDDDD
拿拿拿, 你睇呢個報導, 以為已經去到尾聲呀????? 哈哈~~~SORRY左勒, 以下既視頻分享, 先係當晚既精華呀. 如果你都想聽下 Winson大哥分享喇叭擺位心法, 又想了解多d TaraLabs既做線理念, 咁你就一定唔可以錯過呢個 8:48秒既是日精華勒……呵呵呵呵~~~去片啦~~~~^^”
#TaraLabs 超時空新紀元線材全面鑑賞會-會後討論
http://www.post76.com/discuss/viewthread.php?tid=74273&fromuid=4
