唔經唔覺都用左 HD-838有一個星期多了, 基本上咁耐以黎, 係 HANG過一次機, 畫面定哂, 按 REMOTE就咩都冇反應, 最後都係熄左機後既丙電制再開返就冇事勒. 而其他既功能好似錄影呀, 重播呀, 都可以話合格好正常. 係接駁硬碟有小小問題發生左姐.
小瑟依家用緊既 FIRMWARE版本係 2008年4月3日既版本, 其實依家係我打呢篇BLOG時, 已經出左新版, 就係 2008年5月9日既新版, 功能都係係預效錄影上作出左優化, 同 TIME SHIFT功能(不過聽講呢個功能會有小小 HANG).第一次小瑟係搵左一個 2.5″既 IBM 40GB既硬碟(無需插電), 再配以係旺電買既幾十蚊外置USB硬碟盒, 經由 SALES哥哥教過我之後, 教我記得一定一定要將所有接駁 HD-838既 HD都一定要由 STB黎 FORMAT既, 咁我當然都照做啦, 過程都好順利, 而我當日就試下錄星期六晚既”天與地”, 不過當我出完街返來, 想睇返個錄影之制, 竟然只可以睇到個檔案既頭5秒, 之後就出左 “重播完整” 呢四個大字……心諗, 唔係卦, 我好想睇 “天與地” 架喎……….就係咁, 我又跟住 SALES哥哥教我既方法, 入 MENU, 先卸除左 HD先, 之後就拆個 HD出黎放入電腦睇下究竟部機, 錄唔錄到野先.
果然係電腦入面係睇到D FILE既, 而 FILER FORMAT係 *.trp, 會以每 2GB為一個 FILE既方式去分開你所錄既檔案, 原因係 HD838只支援 FAT32既檔案格式, 所以只可以支援每個檔案為 2GB, 而呢個 *.trp既檔案, 我就試過用 MEDIA PLAYER CLASSIC來睇, 係睇唔到既, 最後要用 KMPLAYER都可以正當睇到, 好彩, 咁起碼我錄既野都仲係度…..之後我就搵左另一個陳年 3.5″ 80GB BUFFALO外置硬碟(需要插電), 再接上 HD-838, FORMAT一次, 再將 BUFFALO HD接駁返係電腦, 將之前係 2.5″HD錄左既 FILE, 抄返到 BUFFALO上, 再接返上 HD-838, 終於成功睇到勒, WOW,好彩呢!!!
部機已經用左咁耐, 因為小瑟屋企既天線升級工程仲未完成, 所以依家只係睇到3個台, 不過好彩呢3個台入面都有高清翡翠台, 咁我就可以每日都試下佢呢個台黎睇下 “同事三分親”, “銀樓金粉”果D節目, 不過先從睇過由英國 BBC出品既天與地之後, 睇返無線既所謂高清劇集, 先知道起步即係起步, 無論係畫面既清晰度, 顏色, 光度, 都真係非常之咁陽春, 不過點都好, 有起步先有進步, 依家睇 TV都好過之前睇模擬信號既, 咪當就咁睇電視, 唔好加入”高清”二個字係腦, 會睇得開心好多呢!!!!!^^”
如果要我講出呢部機既不足之處, 我會首先講講字幕既問題, 唔知係 TVB既問題定話係 HD-838既問題, 我覺得D字幕既解像度好似比較差, 起哂角明顯唔係高清字幕應有既質素, 另外有時係一句字幕既前面, 會多左一個 “|” 既邊出黎, 比較礙眼, 如果呢個部份係屬於解碼器可以控制既地方, 我希望 HD-838可以係不久既將來改善一下. 另外順帶又講下呢個預錄既 EPG功能, 希望電視台可以準確小小 D時間同埋節目, 如果有更改就盡快作出更新, 同埋 D時間最好準D, EPG錄影係好方便, 不過如果下下都唔岩時間既, 就好易睇唔哂成個節目架勒, 我上次睇新聞透視就係咁……真係好冇引呢!!!!!
以下係官方網站比大家用戶參考既 “高清機頂盒小貼士”
1. 移除USB硬盤前一定要用機頂盒Menu-附件-卸載之程序
2. 在第一次使用硬盤時，請使用機頂盒提供之格式化功能把硬盤格式化一次。我們用的格式是FAT32。
3. 請選用最簡單功能的硬盤，同時請不要把此硬盤作其他用途，以免發生操作沖突。2.5吋或3.5吋，160G至500G之USB硬盤都可以。
4. 如有在升級時出現記憶體分配失敗等問題時，你可嘗試把USB Flash Disk留在機頂盒USB Port上，然後關上電源, 再重新開啓，繼續升級程序。
5. 如升級後有問題，可以嘗試重新下載firmware，請不要用已下載的檔案以防此firmware在下載時已受損，然後再升級一次，最重要是應該跟隨每次之升級指示，例如須否返回出廠設置，重新搜台，reboot，等等。
6. 用EPG錄影可選擇一次、每天或每周。每周可以選擇任何組合如每周四或每周之二、三及六等等。
7. 五月九號之firmware因附加了多項功能而令到轉台等反應有所延遲，但這是正常的，如用户覺得不習慣，可以用四月三號之firmware我們會盡快作出改善。以下是五月九號之firmware的一些基本附加功能
8. 如覺得機頂盒輸出的顏色不合要求，可嘗試按搖控上的〝A.RATIO〞去調整。
9. 60Hz是給有特別需要的人士使用，一般在香港市面買的電視機應使用50Hz。
10. 按搖控上的〝TIMER RECORD〞可以直接調整〝Timeshift〞等等功能。一般請選用〝暫定〞設定，按〝暫定〞便會啓動Timeshift功能直至你轉台才停止。如選用〝Always〞，Timeshift功能便會不停運作，你的硬盤亦會同時不停運作，敬請留意。Timeshft時間通常是十五分鐘左右(高清)
11. 預定開始時間偏移：設定預設錄影開始時間之偏移。如選擇 ’ -4 Min’， 高清接收機會比原定開始的錄影時間提前4分鐘開始錄影
12. 預定停止時間偏移：設定預設錄影結束時間之偏移，此功能有助解决因電視台節目延誤而導致能在EPG時間內完成整個節目錄影的問題。如選擇 ‘+4 Min’高清接收機會比原定結束的錄影時間延後4分鐘才定止錄影
想一齊討論下其他影器設備? 進入本站之影音討論區啦!^.*
本文章只反映筆者之個人意見, 絕非任何專業角度之評論, 多謝觀賞.
