自上次我們籌辦了一個電影之夜反應奇好後，我地就決定聯同香港最大藍光電影發行 “得利影視” 來個加碼活動。而今次藍光影片首影之夜既主角就系新鮮滾熱辣既港版藍光《異空戰士 3D+2D》。
今次活動最正既地方除左可以一邊嘆薯片零食、一邊用 B&W 最新CM S2 系列喇叭，和 DENON 最新擴音機睇戲，音效方面絕對唔需要擔心，而對畫質有要求既版友，我們亦找來頂級Epson EH-TW8200 投影機，再配以Kordz Lux HDMI 這條頂級線材，另畫面細節，光暗位得到大大提升． 而且，值得一提既係今次也 B&W 更用上左岩岩裝好既 Dolby Atmos 天花喇叭做 Extension，音場分部自然會更細密、定位感會較典型的 7.1 完整。
細心的得利影視知道現場仲有版友未入貨，所以專登預備左普通 2D 版及 3D+2D 變幻封套版 BD 俾佢地以優惠價選購…
未開 Show 前既開胃菜系 Dolby Atmos Demo 測試 BD 片段… 此段試片試出了 Dolby Atmos 在定位，音場及空間距離感的壓倒性優勢。片段如頭殼頂雨水兜頭淋同埋雀鳥繞場飛一週的感覺都令人精神為之一振，”嘩 !!!” 一聲叫左出來。
講返今次活動既主菜 2D版《異空戰士》。此片小編曾經在最普通的戲院睇過，發現此片在夜景 (特別在尾段部分) 方面對器材的要求特別考究。而片首至中段部分的搶灘環節亦十分取決於擴音級力水同喇叭在大型爆破、動作場面的聲壓和定位處理以及細節，所以全片其實多場戲可作試聲同試畫。
睇返男主角靚湯本身。自《職業特工隊 4》的玩命演出成功挽回人氣後，他其餘幾套巨製如《搖滾歲月》同《烈探狙擊》都顯得後勁不繼。而其同樣為科幻片的近作《攻．元2077》雖然拍得十分具後末世Feel，但故事玩得過份扭拎，搞到結局睇到 R 晒頭，最終淪為眼高手低作。而此新作雖未如《職業特工隊 4》般名利 “再” 雙收，但總算用行動證明＂做返場好戲＂!!!
不少影評人以用靚湯事業的起起跌跌來解讀片中主角 William Cage (威廉凱吉) 的遭遇。明知與奧斯卡有緣無份，但心知訓身、搏命才是影圈的 “生存法則”…
雖然類本片的電影早已被幾年前一套《危機解密》飲左頭淡湯，但《危》始終場景 “侷促”，佈局有限，即使概念新鮮，但零官能刺激。而《異》就是在其重生框架下補完，將二戰搶灘大型動作搬到打異形的科幻背景內，令玩腦同 Action 都齊齊升 “Lev”，有別於 <<異形侵略戰>> 的無腦混戰。
本片未如原名《All You Need Is Kill》般悲壯，返以喜劇手法折磨近年人氣大跌的靚湯，無疑都在博同情同博搞笑。此外，一眾配角在開首不斷遭質主角 Cage 亦拍得相當抵死通俗。翻用的鏡頭也剪接得宜，不會令人反感，算係 “Looping 電影類 “中處理得最好的一套。而最喜出望外的是以 “男仔頭” 見稱的Emily Blunt 與 Tom Cruise 一對戰地鴛鴦亦見新鮮感，十足一套異空版的《每天愛妳第一次》。搞笑得來也帶 “癡男單戀” 味 ，玩味甚濃。
聲 / 畫感受:
如小編開頭所說，此片的開首部分 (約20 分鐘處) 已有大型動作以大量爆炸戲。片段如機艙在一瞬間發生爆炸，機身迅速解體，零件四散都試出了零件四散、物件爆炸的空間散落感。而爆炸一刻也試出了瞬間高聲壓時的爆發力同低頻震攝感。片中大量砲火聲都顯得相當到位，子彈質感與物件穿透感 (如怪獸 MIMIC 的定位距離感) 都做得相當精準。浩瀚程度更勝當年《雷霆救兵》。而 Dolby Atmos 雖在本片的發揮機會不大 (因片源為 DTSHD-MA 7.1)，所以經 Extension 輸出的「頂聲道」始終欠活躍，相信真 Atmos 片會有較驚人表現。
畫面上，此片在 2D 畫面播放下都頗細膩，暗景亮度都處理得當，夜景視野都算清晰。但快速剪接加 Hand-Held 鏡頭真系睇到有少少眼花花…
得利影視除了在 BD 發行首日安排了今此發燒級的 “首映” 活動，更為參加者預備了三份小禮品，等答岩問題的版友可以作為一個小紀念。
活動完結之時．．．．．．．．．． 又是留住美好一刻的 “大合照”時間啦 !!!
結語：
《異》除了系聲 畫上落足料外，花絮部份其實都十分有睇頭。如接近四十分鐘的拍攝紀錄中就見識到導演 Doug Liman 如何為配合高體力消耗的拍攝工作鍛煉體能。而靚湯 Tom Cruise 也在花絮內展示了刻苦的一面，親身試做同預演每個高難度特技動作，毅力同專業精神絕對可嘉。
最後，向來硬淨的 Emily Blunt 在花絮中亦見到其專注投入，難怪男女主角在幕前的對手戲也演得火化四溢，絕對值得影迷回味！！！
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
