而家D 電視、影碟、攝錄器材下下都標榜4K 格式，但係咪真係細緻靚畫就真係見人見智啦… 然而，向來係「影像科技」/ 「電視機界」甚有口碑的老牌子— Sharp 就「逆向」地返樸歸真，將 2K 電視的可塑性「用到盡」，推出擁有最新「Quattron Pro 技術」電視機 –AQUOS LX959H。此機可將像素「分割」為主 / 副像素。能在高階設定中增強「亮度 / 細節」。 真係估唔到「像素」原來可以咁玩 ?!
AQUOS LX959H 系列的起標尺吋為 60 吋，售價為HK$26,980。而=再玩上去就係70 吋，身家 HK$36,980。兩部型號的功能都係一致，全部擁有 3D Quattron 畫面優化技術。
今次 AQUOS 3D Quattron Pro Internet TV – LX959H。其影像優化功能「智能影像升頻」其實十分具心思。會場中更設有展區以「電子顯微鏡」試睇Sharp Quattron 技術是如何「運作」。
細睇下，你發現佢在舊有的RGB（紅、綠、藍色）螢幕三原色上加入副像素Y（黃色），以增大色域的可變化性。據知此設計對顯示「金屬」同「綠色」的影像特別明顯，買左之後記得試左呢樣先 !!!
運作原理上，Quattron Pro Drive 會先把 4 個副像素分割成上 / 下兩分，總數共 8 份的「子像素」，以提升畫面細膩豐富度。
雖話 LX959H 系列系物理解析度上只係得 1,920 x 1,080的全高清規格，但只要經過Quattron Pro 技術「升升佢」，，其可顯示「子像素」就變左為 1,600 萬點，為舊款 2K 電視 FHD 螢幕的 2.5 倍（600 萬點）。換句話說就係將2K 影像升 Lev 至「接近」4K 級數的細膩畫面程度，實際目測其實根本分唔同 「真4K」 有咩大差異。
即使係播放影像途中，用家都可以因應需要選擇 Quattron 「模式 1」 或 「模式 2」 來提升畫面的「最大明亮度」或 「最大精細度」。之前個D 「太暗 / 太朦」舊片源而家當堂靚仔晒 !!!!
身為旗艦電視機的LX959H早以通過 400 多項THX 實驗室的影像同音效嚴格測試，無論像素處理、動態表現、色準、屏幕性能等都過晒THX Display專業認證，識貨玩家都會知呢D 野一定唔系野小。
佢對THX 認證喇叭配備有 3 路前置喇叭單元。高、中、低三頻平衡絕對唔成問題。其喇叭總輸出功率達35W 加上Audio Engine 的設計令音域、低音、音準都得到了照顧。即使擴音機送貨仲未到都可以頂住先 !!!!
最後，除左一般既常用接駁端子，佢仲有各式 「無線功能」、如內置 Wi-Fi、「Miracast 無線分享」，仲有「藍牙」玩，可以駁埋藍牙喇叭 High 幾翻 !!!
試後感 / 小結:
Sharp 夠膽「逆流」推出 「2K 」同 「4K 電視」掙，好明係睇到 「2K 市場」其實仲有大把肉食。加上 2K 普及程度已經係「世界級」，同遲遲未有「實體」軟件推出既 4K比都係返璞歸真較「有數」。而且，呢部新機係畫面細膩、質材細緻度上都與4K 十分「近磅」。加上 THX 認證「光環」，鍾意「戲院認證級」享受的一定識得揀…
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
