係 「HIFI 與 CAS 音響討論區」睇過 「兩聲道 Hi-Fi達人」“細B” 一編 「D Class 代表 – NuPRiME IDA-16 數碼多功兩聲道擴音機」的發燒友版友都知道身價 HKD$18,900 的 NuPRiME IDA-16 在功能、音質表現以至性價比上都係十分全面兼抵玩。究竟呢部 IDA-16 係咪真係堅成咁!? 個個用過都一致好評 ?! 今晚，版友終於有機會試真下勒… !!!
「NuPRiME擴音機體驗會」當晚本來只打算試玩 IDA-16 同 IA-18 兩部焦點型號。不過，Nuforce 代表眼見版友對其公司既新品咁有興趣，就加料試埋兩部P-20 前級以及Reference 20 後級，同埋玩晒 KEF R700 喇叭同新型旗艦揚聲器Reference 5啦 !!!
當晚既玩法係先玩全功能解碼既然 IDA-16，再玩 IA-18 (需 Nuforce DAC-9 解碼)。跟手再玩P-20 前級加Reference 20 後級。想補充一點既係，當晚「軟件」玩法係以筆記型電腦(Notebook) 播放「標準CD 格式曲目」。其接駁方法為Notebook經 USB 直出再經 Nuforce 「USB/同軸」轉換器入「解碼」。
對不太了解 「IDA-16 合併式擴音機」的新手而言，其最「低玩」既地方多數會係其可處理384K / DSD數碼訊源音頻解碼同埋可玩盡多種最新既高清音響數碼制式，又能夠支緩數碼 / 類比訊號輸入。
它內置每聲道200W的立體聲功率擴音機絕對夠晒力水火數，一定夠推。然而，識貨既玩家都或者會將視點方左去佢既幾乎「零噪音 / 失真」既驚人噪音能力上面。試聽過次機的發燒友都知道呢部及係設計上已考慮到「多合一」的各種考量，所以早在線路佈局上作「簡而精」處理。最終令機內的各類訊號通道都以最短 / 最高效的傳輸方法運作，更將「敏感零件」作重點屏敝，結果「自生噪音」同 「放大失真」做到人耳無法察覺之低。
玩家多數都同意其「超低噪音精準音量調控器」的精妙設計十分到家。例如它的音量調控就設計得十分細緻，將音量分成99級 (每級為0.5dB加 / 減)。它的「音量記憶功能」更會為不同輸入訊源的音量作記認，下次一開機或來回切換後又自動可搵返上次的自訂音量大小，一定岩晒中意 A/B 比較既發燒狂迷。電源上，其 「專利變頻切換開關供電(SPMS)放大技術」加上 「矩陣方式排列(CMA)的大型電容」儲電備用設計令全機有充足既電流作大線路「迅變」，即使曲中有突如其來的「爆棚位」此機都可能照顧週全。
好啦 !!! 終於黎到第一 Part 既試聽部分啦 !!! (此部分以 KEF R700 為喇叭)
此部分先以三首背景較平靜既慢歌作為小 Warm Up。
三首慢歌試出了 IDA-16 在低噪部分既手藝絕非吹噓。曲中的結他弦線迴蕩感、女聲的中高頻延伸感都相當不俗。鋼琴聲亦營做出一點擴散開去的敲擊擴散感，而女聲部分也算溼潤和細膩。此外，鼓聲獨奏部分都試出了其 watt 十足的迅變效果和迅間爆發力，以性價比來說, IDA-16絕對收貨有突 !!!
跟接其後既係玩高一班的 「Nuforce DAC-9」 解碼 加 IA-18 (純擴音機) 啦 !!!
此機為單件式合併立體聲擴音機，集合Nuforce頂級Reference系列產品的組成部份；內置最新P-20旗艦前級式前級線路，矩陣式(CMA)電容供電模組同埋兩組V3(第三代)功率輸出。IA-18又配備五組RCA輸入同Reference系列產品特有觸控式控制面板。其音量調控器用了薄膜電阻技術階梯式電阻群組，以切換式開關調控音量。
此測試部分以之前同一首鼓聲獨奏為 A/B 比較。就版友的回應所得，此 Set 玩法在 「音場」、「通透」、「離箱」感上都較抵玩 IDA-16 強，過然「一分錢、一分貨」，分水嶺十分明顯 !!! 三首曲試出了DAC-9 加 IA-18 在人聲方面的分析極強。如夏韶聲聲線的沙啞、Mariah Carey 高音部分的中氣足以及鍾式兄弟一曲錄音的細膩定位同富層次的音場在此玩法中都一一試晒出黎 !!!
當晚活動最尾一部分係「同場加映」既 P-20 旗艦前級擴音機 / Reference-20「單聲道後級擴音機」配搭 KEF Reference 5。值得一提的是Reference-20 「後級」其實可以按需要自行添置獨立的「單聲道處理板」(每塊約港幣三萬)。想多玩幾個 Channel 的人可以自己諗諗佢啦…
此部分測試試了鼓獨奏、一首慢歌 (鋼琴 / 女聲) 以及以及一小段Jazz。整體黎睇，P-20 / Reference-20 / KEF Reference 5 在迅變爆發力、低音下潛力、人聲分析力、高音的延伸同埋圓潤感上都表現得十分細密同富質感。連之前音場效果不俗的 IA-18 在次比較下都顯得略有欠「生命力」同「Live」Feel。果然一試就知龍與鳳。
活動尾聲小瑟仲提醒作想借機的版友一定要參加 「Nuforce試玩」活動。
在大既玩了一個半小時之後, 是次活動最終由大合照作結.
總結:
當晚活動雖然有多少花多眼亂，但總算證實了 NuPRiME IDA-16 在性價比之高係有眼見，絕對蠱惑唔黎。如果你未玩過 2-Channel 而家想小試牛刀，呢部機絕對係「穩陣」之選。由於有不少版友對當晚活動的 Song List非常有興趣, 小記向總被管小瑟了解之後, 列出當晚測試曲目讓大家了解呢.
Norah Jones – Come Away with Me
Olivia – First Of May
Mariah Carey – Hero
Alison Krauss & Union Station – It Doesn’t Matter
beyerdynamic – Drum-Solo “Drum-Mania”
鍾氏兄弟 – 說不出的未來
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
