新戲院規模、舊戲院價錢 !!! 咁抵既事竟然可以發生系今時今日既香港 ?! 無錯 !!! 真相就係影癡落腳點 — 「九龍灣國際展貿中心」 的 「星影匯 The Metroplex」。此戲院雖話岩岩開幕，但其實早於今年2月時開幕營業。此舉一來可以俾各個部門員工 Warm up 下，又可以「煲下」喇叭、Projector ，一舉兩得。
講真，位於「九展」的The Metroplex 其實真系俾想像中更「就腳」，真系在 「德福」廣場「訂」個彎就到。環保又唔想揸車的可以先坐港鐵 「九龍灣站」 再上手扶電梯轉右搵到到一間加啡店…
跟住會繼續向前行就見到 2 樓原來有間軟件迷落腳點 … H記，跟住就行出去商場外面。
… 發現原來自己身處 「德福廣場」– Plaza 1 的出口處。
望返正面原來左手邊有間隻「勞」既 Logo 系 11 點鐘方向，跟手行過去再向左轉…
… 見到間 OK 系右手邊… 之後繼續向前行…
見到「德福廣場」字眼既標語係右手…
左手邊抬頭見到大大隻「德福廣場」系商場外牆。
然後繼續向前行到盡就會見到…
傳說中既 Shuttle Bus 候車處… 「恆生中心」門口。
如果你見到以下咁「盞鬼」既小巴，你黎岩地方啦 !!!
記得回程時搭返商場門口個架 Shuttle Bus 呀 !!!
其實「九展」早已經成為民娛、消費活動熱點多年，其中多位與 Post76 甚有交情的歌手都有在「九展」內的大型表演場館 – 「匯星」（Star Hall）中搞過大型個人音樂會，氣氛一樣萬人空巷。而「星影匯」搞得較出色的是其揀片種類同品味。負責人指，除一般的荷里活、本土商業大片外、國際得獎名片、國家獨立電影、本土獨力港產片甚至為業界舉辦電影節對可以在「星影匯」 作放映安排，可知此戲院在配套上以是世界級標準。
售票處位於戲院入口的左手邊…
排隊時有大屏幕可看到院內座位情況及欣賞預告片。
中意自己慢慢 「督」的可以到右手邊的自助機買飛，八達通同信用卡都一樣用得。
等入場前見口乾的可以去入口右手邊的小食走返轉…
影院介紹
設施上，全院超過1,100個座位 (共9個影院) 的 The Metroplex 擁有九間設備完善的 4K / 3D 影院，所有最新播放格式「通殺」。而近年人氣音效格式 – 杜比全景聲(Dolby Atmos)音響系統同 「體感互動系統」- 「震動座椅」都可以在此戲院中玩到。一次過滿足晒所有觀影享受。
以下是各院的設備及支援的系統。
【1號影院】講真，此戲院的「大院」 — 更可容納超過400位觀眾的 「1號院」真的十分有「霸氣」，一般市區的戲院好難有空間可以騰出於此大的位置作「巨幕式」的「大型」放映。多人睇自然氣氛也特別好。而4k放映系統及杜比®全景聲 + 杜比7.1 環繞聲一定唔會走雞，再配合震動座位，睇咩戲都冇得輸啦！
【VIP貴賓影院】然而，鍾意三五知己，老友聚舊的私人放映就一定要 Book 7 至 9 院的 「VIP貴賓影院」House 啦 !!! 「VIP House」的播放器材規格雖與 1、3 院大致相同 (1、3、VIP 院為全景聲)，但座位只20個。而配套服務貼心，如「客製化」小食、飲品 Menu 都可以額外要求，服務之極，以「200 蚊起」的票價其實都未算為過。大家可以睇到，我們的二位總管級人馬都在此打返個靚餅(打蛇餅=偷懶) 呢XDDD
PS: 另外，今天還有一個帖＂Post76猛片呈獻 – 《兩個小生蛇去睇好戲!!!》(請您睇好戲!)＂會送出《星影匯》2D 贈券共24張，喜歡看電影的您，又點可以錯過呢？？快D入去【MOVIE 電影討論區】回帖啦！
星影匯設備及特色包括：
1. 共有九間影院，包括三間尊貴的 VIP 影院
2. 全院共提供超過 1,100 個座位，最大的 1 號影院可容納超過 400 位觀眾，更設有舞台及獨立化妝間，適合舉辦各類型活動
3. 全院配備 3D 及 4K 放映系統，為觀眾帶來更清晰流暢的視覺享受
4. 杜比全景聲(Dolby Atmos)音響系統及震動座椅，給觀眾極致的聽覺享受
5. 全港首設專業宴會團隊，為 VIP 影院觀眾提供餐膳預訂服務，配合特闊及可調較角度的震動座椅及杜比全景聲系統，給觀眾味覺、視覺、聽覺及觸覺的多角度享受
6. VIP 影院特設獨立貴賓室及專用通道，給觀眾最私人、尊貴及豪華的觀影體驗
交通網絡
星影匯位於九龍灣國際展貿中心的 E-Max 內，備有約 400 個時租車位，除提供免費穿梭巴士往返港鐵九龍灣站，更有多條巴士及小巴線途經各地。
停車場
時租︰每小時港幣 15 元（約 400 個車位）
停車場優惠：現凡於九龍灣國際展貿中心 E-Max 消費滿指定金額，即可享有免費泊車優惠，最多可獲免費 2 小時。
免費穿梭巴士
每天免費穿梭巴士往返港鐵九龍灣站 （服務時間由上午 7 時至晚上 11 時 45分）
公共交通公具
巴士：215X、219X、224X、98D、296D
小巴來回 E-Max 及旺角先達廣場（通菜街）
專線小巴：110 調景嶺站 – 九龍城（循環線）
地址: 香港九龍灣展貿徑 1 號九龍灣國際展貿中心地下
網址: www.metroplex.com.hk
