上回講到, 火麒麟問代理借來 Sony ZX1 來玩, 聽完之後感覺不俗, 但在同價位, 當然要搵多部來比較一下, 故所以身痕又再發作, 眼見4千多 5 千元的 DAP 都有好幾部, 但講注目度高的, 當然要提到近年上位整快的國產 HiFiMAN HM-802, 其可玩性非常之高, 原因在於可換卡來提供不同音色, 的確令人有一點期待, 於是火麒麟就向小瑟大王申請, 找來這部跟 ZX1 價錢相約的 802 來把玩一下, 而今次除了火麒麟之外, 我還找了靚女 Debby 試聽, 看看佢又有什麼感覺呢.
對於火麒麟來說 802 都算是 DAP 中的中階機, 除了價錢外, 可換式耳放卡設計都是其得意之地方, 另外 24bit/96kHz “支援格式 Apple Lossless、FLAC、wav (16bit/44.1kHz~24bit/192kHz)、AIFF、AAC、APE、mp3 (16bit/44.1~48kHz)” 播放亦都為高清音樂要求之人士帶來方便性, 再加上火麒麟測試中, 連 DSD 檔 (.dff) 都可以直接播放, 的確是非常方便.
HM-802用上的是近年什多解碼器都會便用的 Wolfson WM8740，而為了可以有更精準的音色, 採用了左右頻道各一粒來作解碼, 以 4 千多元的身價來講, 的確有一點抵食夾大件的感覺呢!!! 而運放 (Op-amp) 方面就使用 BurrBrown OPA627, 跟上代 HM-801 一樣, 原因相信其廠方希望可以將 801 的 Hi-End 甜美潤澤感覺帶到新一代的 802 上呢.
記憶卡用上 SD 卡來作儲存媒體, 可以說是好事, 亦可以說是壞事, 好事就是想入歌非常方便, 插入 Card Ready 在電腦就可以入歌仔, 但壤事就是火仔有二次都忘記了將 SD 卡插回 802 中, 導致帶了出街都沒有歌聽……~_~
可換式耳放卡
HM-802提供可換式耳放卡設計, 等大家可以就你自己的個人喜好而更換耳放卡, 而今次火麒麟手上就有 IEM 卡、平衡卡、Mini-Box 卡、經典卡 (其實應該都係有齊了的 XD), 一陣同大家分享一下, 每張卡在聽歌中的不同特性. 此外, HM-802 亦有一個新功能, 就是機身上, 有「HD/Vintage」兩個輸出模式, 用以方便用家可就自己的不同喜好來選擇聽歌的風格, 但火麒麟測試當日, 反覆更改設定, 發覺較果未如想像中的明顯呢.
親身試聽
【經典卡】– 火仔首先只用上基本跟機的【經典卡】作測試, 再試都是跟上次 ZX1 一樣的 Frozen 電影原聲大碟中的 【Let it Go】, 先試, 以 HiFiMAN HM-802 夾 Sony H3 耳機來試聽, 【經典卡】音樂來得比較平板, 而高音部份有一點點給低頻覆蓋了的感覺, 用來試女聲絕非其強項. 而當換上 Paul 哥的【Paul Wong Collection】的天與地後, 就開正其性格, 一下一下的低頻孔武有力, 讓人可以投入其 Rock & Roll 的音樂感.
【Minibox 耳放卡】 – 之後再試【Minibox 耳放卡】, 播放【Frozen – Let it Go】時, 音樂感強, 人聲比較討好, 但其音質都是以注重低頻為主, 有一點點味精, 不夠干淨, 聽電子音樂應該比較合適.
【IEM 耳放卡】 – 來到【IEM 耳放卡】播放【Frozen – Let it Go】時, 女人聲清爽, 低頻有力但彈性欠缺了一點點, 不過亦都可以比火仔有一點追聽感, 故換上綺貞老師的【時間的歌 – 雨水一盒】, 整體空間感不俗, 雖然音場未算十分廣闊, 但勝在音樂連貫感豐富.
【平衡耳放卡】 – 最後來到【平衡耳放卡】, 再試【Frozen – Let it Go】, 今次真的對辨了, 音樂一響起, 已經有一陣陣的高清感出來了, 立體感豐富, 連音場亦都打開了不少, 廣闊了很多, 在此情況下, 火仔都會推大聲一點來享受的, 唯一就是在大音壓的情況下, 就會有一點點失真, 控制力方面可能需要加個耳擴來加持一下會更好, 但試了多張卡之後, 呢張真係最好的一張, 難怪原來最貴佢係 (火麒麟專登唔睇價錢就逐張測試的 ^^”), 之後再聽埋綺貞老師的【雨水一盒】, 老師把聲就好似企係我前面 2 尺左右唱歌似的, 人聲同音樂配合好好, 定位同樂器分離感岩岩好. 不過都係果個問題, 一大音壓就出事了.
Debby試聽
火仔今次找來靚女 Debby同大家試聽一下部 HiFiMAN HM-802, 看看由女仔角度去看這台 HM-802 的感覺如何呢.
Debby: 這台機的手感比較大, 女仔拿上手比較難以掌握, 而機身亦都幾”足料”, 感覺好”硬淨”, 而操作上, 如果單手操作的話, 始終有點勉強, 但其界面亦算簡單易用, 要設定的東西沒有太多, 亦不花巧, 算是幾好用, 雖獨操作反應有時會比較慢, 要按二次方能操作. 而聽歌來說, 音樂層次好清楚, 歌手好像企在我面前唱歌的, 可做到現場的效果, 音色感到非常滿意呀.
總結
火仔測試了 HiFiMAN HM-802 二個星期, 發覺此機需要一定時間的煲練方可進入狀態, 而其可換卡的高可玩性, 適合一眾貪玩貪新鮮的用家, 而就以 基本跟機來的經典咭來說, 其性格偏向聽 POP & Rock 會比較適合, 如果以聽人聲或古典來說, 換卡基本上都是必須要的呢, 而操作上, 火仔跟 Debby 的感覺都一樣, 有時反應不算太敏感, 應該可在 Firmware 上更新可以解決 (不過唔知有冇新出呢), 而 802 的可取之處, 在於任何音樂格式都可以通殺, 就連市場上大家最享往的DSD檔都可以照播可也, 都算係一個幾唔錯同功能全面既的播放器, 而音質上, 以 4 千多元的身價, 如果你是聽開 J-POP, K-POP 或 HK-POP 的朋友, 相信都可以滿足到你的 “一路行, 一路 UN” 的需要, 但如果要推動一些比較大食的耳機, 相信加一個耳擴效果會更加耐聽. 另外如果同ZX1比較的話, 火仔認為二部屬於不同性格的播放器, 802 屬打仔格, 聽 POP Music 會有不錯效果, 而 Sony 就像一個書生, 用來聽人聲及輕音樂會來得比較舒適, 這些都是火仔在測試中的小心得, 最後, 大家當然就係去親身一試, 耳聽為實啦.
規格
● DAC芯片：Wolfson WM8740 x 2
● 儲存格式：SDXC (最高支援 128GB)
● 對應bit/取樣率：16bit-24bit、44.1kHz – 192kHz
● 對應音樂格式：Apple Lossless、FLAC、wav (16bit/44.1kHz~24bit/192kHz)
、AIFF、AAC、APE、mp3 (16bit/44.1~48kHz)
● 輸出端子：3.5mm耳機 (支援平衡)
● 總諧波失真：0.0035% (Line-out 輸出)
● 訊噪比：105dB~110dB
● 連接介面：專用底座 (可作 Line-out、數碼同軸)
● 電源：鋰電池、可換
● 播放時間：約11小時
● 屏幕：2.5吋LCD
● 體積：117 x 72 x 29mm
● 重量：250g (連電池)
● 附件：充電器、USB線、3.5mm Line out、數碼同軸輸出
售價：$4,998 (HM-802 連經典咭)
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=185570
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
