一年一度既香港高級視聽展, 係影音界既一件大事, 大家都知我地Post76總動員出發去為大家作第一手既報導啦, 但係開幕當日, 小瑟因為公事而未能跟各位版主跟特攻們一同出發, 真係非常失望, 係第二日, 小瑟就有3小時既空閒, 就借呢個位 ‘立’ 行架生, 單人匹馬咁殺入會展, 睇睇究竟今年又有D咩新鮮野先得!!!!
一入會場, 唔洗講野, KEF就大大對咁放左係大家面前, 好明顯就已經收到”先聲奪人” 既效果啦~~~^^”
KEF方面仲請來二位非常之有氣質既女仔來為現場觀眾吹奏一曲, 不過在場人士就好唔識趣, 睇完都唔拍手, 小瑟見咁, 就拍左二野以示支持勒. 最後仲有位媽咪抱住佢既小朋友同二位靚女影左張相添~~^^”
之後行過隔離小小, 就到大昌既展區勒. 佢地今年都係力推佢地既 Monster耳機為主要, 後面就仲有D影音既野, 當然就唔小得既就係模特兒妹妹啦!!!!
而今年有個幾唔同既現象, 就係多左好多耳機既品牌係現場有幾大既展區, 好似以下二個品牌就非常落本咁勁谷宣傳勒~~
之後小瑟就行左去其他展區參觀勒.
再行過小小, 我就到左今年唯一一間, 仲可以係頭位有個咁大個既展區的 MAGIC TV機頂盒品牌度勒.^.^
係影音展既第一日, 小瑟睇到FORUM上, 阿定報導既網上預錄功能, 起初以為只有 IPHONE版主, 點知原來係以網頁形式運行, 好彩~~^^” 而當日, 小瑟就好多事咁走埋去問一問現場既工作人員, 叫佢SHOW一次究竟呢個預錄功能係點玩, 好開心, 呢位工作人員用既手機, 正正就係同小瑟一樣既 GOOGLE N1, 好咯好咯, 唔洗比 IPHONE玩哂咯XDDD, 小瑟就係度同大家以 N1手機介紹一下呢個 MAGIC TV既最新功能, 網上預錄程序先啦~~~哈哈!!^.*
*以下內容只係工作人員口述比小瑟知, 而小瑟再以絕無僅有既理解能力去轉述比大家知架炸, 唔代表MAGIC TV既官方教學架~~XDDDD
1. 首先你部 MTV機頂盒要插左 LAN CABLE線, 可以上到網先啦.
2. 之後就要預先上 MAGIC TV既官網登記一個戶口.
3. 登記左之後, 就可以上 MAGIC TV既指定網頁, 登入後就可以睇到 EPG既表架勒.
4. 之後就選擇你想要錄影既節目, 一CLICK….攪掂!!!
5. 返屋企睇電視~XDDDD
*暫時來講, 會先以佢地既最新型號 MTV7000D 最先可以享用呢個功能, 其他既型號就要等待新版既 FIREWARE推出就可以玩到呢!!!
好勒, 問完一大輪之後, 當然就係周圍行下啦, 小瑟上網睇第一日既情況, MTV方面有位都算幾唔錯既小妹妹負責睇住個場架喎, 點解到左小瑟黎到呢日…………..會變左樣架!?!?! 唔通, 連個天, 都唔鐘意我~~~~@.@
不過好彩, 呢日呢位模特兒小姐又別有另一番氣質, 所以我不嬲都話, 個天其實係幾關照我就真~~~XDDDDD
好勒, 行行下, 小瑟就行到去 ”昇和” 既展區勒, 第一個既當眼位, 就SHOW左呢套電腦用既2.1喇叭組合, 真係非常豪華呀!!!!^.^
之後再行過小小, 就到左年年都最多人排隊既米樂影音勒. 佢地既設計係以小組形式分享既……..即係點呢??? 即係用左二個唔同既 Session 去展示左二套系統比大家欣賞….不過老實講, 因為二個系統唔可以同時試到聲, 所以有點兒顧此失彼勒, 而現場就主力係聽緊學友既最新演唱會 BLU-RAY勒!!!
不過小瑟就反而係想睇最新既 EASON LIVE喎, 見佢 PLAY緊, 就坐左係度睇左一陣添呢~~
再行個轉, 竟然見到買投影機送月Blu-Ray機呢D卓頭野係米樂出現喎~~
而係米樂坐底睇 EASON其間, 原來佢地有個新 PRODUCT SHOW左係現場既, 就係呢個用 IPAD去操縱整個 AV系統既東西, 佢個原理應該就係用”紅外線發放器”(有線果條就係勒!)去貼住每部機既REMOTE紅外線接收既位置, 之後就有個 BOX集中處理用戶既要求, 再借家中既無線路由器去控制所有AV系統, 係現場我就見過佢用IPAD去選過EASON 隻 BLU-RAY既歌, 都幾得意呀!!!!^.^
咁行得米樂, 大家都預左一定一定有妹妹仔睇架啦, 不過瑟當日就只見到二個, 仲有一個就未見到…~~~____~~~
而係我坐底休息睇 EASON期間, 我仲可以欣賞埋D影音展既精彩花絮呢~~~哈哈~~~XD
以往, 小瑟都會同大家一樣, 排隊入去米樂既 SHOWROOM去欣賞佢地既精心示範, 不過今年因為時間關係, 因為唔可能再排隊慢慢睇呢……….MK……..BYE BYE勒~~~~~__~~~~~
鏡頭一轉, 就行左去會場既左手邊既展區, E~~~往年好似唔多覺有豐澤架喎, 今年又會整個區既?? 而佢地既展區就以 LCD TV為主要展覽, 情況就同你係某某商場睇佢地既 PROMOTION差唔多, 小瑟行左一個轉就走左了!!!
係豐澤後面, 就到左同我地 76 非常交情非淺既 ”信和音響” 勒, 係現場仲見到ERIC兄, 好開心呀, 好有他鄉遇故知既感覺呀, ERIC兄係小瑟唯一一位係現場認識既工作人員, 小瑟行左咁耐終於都搵到朋友可以傾返二咀勒~~XDDDDDDD
佢仲順手介紹埋佢地最新既家庭影院智能系統, 下面見到既成 ”抽” SERVER就係負責操控整個屋企既所有野既, 包括AV器材呀, 燈呀, 乜乜呀, 同物物啦咁….XDDDD. 呢排都聽好多人都講緊 ”智能家居” 睇黎, 智能家居真係好快可以普及係家用層面喎~~!
黎得信和, 點可以唔同二隻 Triangle超級喇叭影返張相呀. 而我地 76 亦都已經同 Triangle既負責人做左一個專訪, 遲小小就會出街比大家睇, 大家記得拭目以待勒~~~^.*
行下行下, 就行左去軟件區勒, 今年既軟件區同上年都差唔多, 只係由右邊展區轉左去左邊咁解.
我地就去環球睇下先……..好多演唱會既 BLU-RAY喎…..不過價錢都冇咩平到既, EASON DUO LIVE都係 $239既~!!~_~
之後就行過洲立果邊睇睇先, E~~~都OK平喎, 本來小瑟都諗住買返幾隻返屋企看下門口, 不過最衰又冇帶現金, 本來諗住D鋪頭應該可以收CARD或 EPS架啦, 點知洲立果邊要滿 $1000蚊就可以碌CARD………老實講, 我真係買唔到咁多碟呢. 所以最後都係………..冇買到!!!XDDDDDD
最後, 小瑟見時間都差唔多, 灰姑娘係時候夠鐘校腳勒, 所以就快快咁行埋剩下最另小瑟感興趣既地方, 就係 OPTOMA既3D投影機勒, 現場所見, 除左影妹妹仔既人群之外, 都有唔小師兄係對呢個 3D投影有興趣既, 而小瑟都唔執書, 囉左佢副3d立體眼鏡來試一試 3D左既變形金剛究竟會唔會好激先.^_^
小瑟試左 1分鐘左右, 就小瑟個人黎講 3D效果唔太明顯, 冇用眼鏡時就有疊影, 而帶左就會正常返, 但就唔多覺有立體感, 可能前面人太多, 我企得太後卦, 所以試唔真, 如果有機會, 真係試下搵 OPTOMA睇下可唔可以攪個3D投影試影會, 等我可以真係親身慢慢試先得~~^^!
試完野, 又係例牌菜, 同現場模特兒小姐影返張相先.
去到呢度, 今次呢個小瑟遊記已經去到尾聲勒, 小瑟今次真係可以講得話係”來沖沖, 去沖沖”, 基本上我連 4樓同2樓既展館都冇認真行過, 但係咁多間展館中, 比到小瑟最印象深刻既就一定係呢對 MBL既喇叭, 果日我一行入去, 聽佢開聲, 真係好立體, 好從容, 絕對唔覺得D聲係由喇叭出黎既, 而係似真係有個人企係度唱比你聽咁, 如果小瑟有一天可以有個地方可以有呢對喇叭聽歌既話…….我一定會學人做下 HIFI 發燒友先得~~~哈哈!!!! ……………………………..夢醒!!!
一連三日既影音展亦都係小瑟寫呢個BLOG既時候已經曲終人散勒, 今年小瑟雖然行得好急, 好趕, 不過就反而覺得幾開心, 點解, 因為我覺得呢D SHOW如果可以比我一D新鮮既科技, 新奇既Product既話, 可觀性會大大提高, 今年小瑟就同大家報導到依度, 下年再見勒~~~~BYEBYE!!!!!^.^P
