【活動報導】Sony PHA-1 便攜耳擴體驗日

Post76 一向都為熱愛隨身聽用品的版友舉辦耳機活動的，是日就舉行了一連兩場名為「Sony PHA-1 便攜耳擴體驗日」的耳機、耳擴親身體驗活動。當日內容包括有專業玩家教路、版主心得分享以及 Sony 專員講解器材環節。當天的活動在位於尖沙咀港威大廈內的 Sony 尖沙咀辦公室舉行。而負責的主持活動的當然有我們的總版管小瑟及【達人探知】的艾域、以及耳機版主 Odin 哥啦。

器材列陣
由於這次活動是 Post76 首次與Sony 合作的隨身聽器材活動，所以對版主和班友來說都是新鮮感十足。在活動中登場的器材除了有贏盡口碑的 PHA-1 便攜式耳擴外，更同場加映的Walkman® Z1000 系列、 F800 系列、IC Recorder M10、MDR-1R、 XBA-40 以及全新推出的 MDR-XB920 耳機器材。

開場介紹
由小瑟帶領班友逐一自我介紹後，當日的活動就由自稱為耳機要「餐餐食樹皮」的版主 Odin 拉開序幕。

經 Odin 的億述所知，他當日之所以會「誤入」隨身聽的世界是全因父親的一句:「大喇叭太嘈吶，聽 Walkman 啦 !!!」。此外， Odin 亦分享了不少對耳擴的睇法，如「推得到，未必一定推得靚」等的耳擴、耳擴配搭心得。

心得分享
緊接 Odin 的心得分享環節的是「達人」艾域的耳擴、耳機教學時間。在教學環節中，艾域點出了耳擴在隨身聽配件中的必然性以及缺少耳擴的弊處。

Sony 產品介紹
經過一番用家心得分享後，當日活動的「東道主」Sony 代表就「Dick 哥」就開始向版友解說是日主角 –「Sony PHA-1 便攜耳擴」。以及多款耳機的規格和特點。在簡報會的尾聲部分，Dick 哥更向版友透露新耳機將會以獨家優惠價錢發售給各位出席者。

就簡報的內容介紹所得，Sony 這款 PHA-1 不僅擁有隨身耳擴的功能，還一併整合電腦 USB 音效卡及可充當 iOS 的數碼類比轉換機使用。說穿了就是當 iOS 設備的音效卡使用，也就是跳過 iOS 內建的音效晶片，直接將音樂以數位訊號傳遞給 PHA-1 再進行解碼的動作。在外觀方面，PHA-1採用了隨身耳擴的金屬盒造型，但細節部份亦相當講究。除了暗棕色的外殼，前後也額外加入用於防撞保護柵欄。正面部份特別蓋過外露音量旋鈕，可避免不慎掉落地面時旋鈕內部直接受損；另外機身四角向外突出以及機身上下方都有貼著橡膠膠條也是十分用心。

由於PHA-1 的目標消費客群是面向隨身音樂播放機、智能手機用家。為方便使用者把播放機、手機與隨身耳擴捆綁在一起，此隨身耳擴索性加上防滑膠條，並且附贈四條用來扣住播放機的綁帶，讓玩家省了麻煩。另外，機身正面亦配有音量旋鈕、 3.5 音訊輸入孔和耳機輸出孔，旋鈕上方紅燈為充電提示燈，下方則為耳擴啟動燈，快沒電時會由綠燈轉紅燈；至於後方為訊號源撥桿、 iOS 數碼輸入和 USB 輸入/充電的 micro USB 插槽，使用時一定要將撥桿撥到對應的訊號輸入，才可使用。

從官網的規格得知，PHA-1 採用的 DAC 晶片，是許多高階機種也採用的 Wolfson 製 WM8740。本產品採用 5V 電源，以隨身機種來說算是偏高，但這款晶片依然能提供優異的噪訊比。此外，在類比迴路方面，是採用低雜訊、低失真的TI製的高品質 OP AMP — LME49860。耳擴電子迴路則是採用擁有高迴轉率的電流迴授型高級晶片—TAP6120，因此 PHA-1 能擁有良好的 Rise/Fall 特性，在高頻部份也有良好的延展性。正負雙電源式的無電容式出力段，讓 PHA-1 能擁有強大的推力與高音質。

Sony PHA-1 可隨插即用，不需透過 Sony 自行開發的晶片，除了可達與 WM8740 同等的 24bit/96KHz 的規格，還可免驅動進行所謂的非同步傳輸，市面上不乏號稱可提供非同步傳輸的 USB 外接音效設備，不過多數都需要另行安裝驅動程式，當驅動程式不支援特定系統，就無法提供非同步傳輸的功能。雖然 WM8740 支援 24bit/96KHz，但如果使用iOS的系統，因蘋果限制了最高只可以支援 16bit/44.1KHz的輸出，所以如果想要收聽最高質素的音樂品質，使用電腦作訊源才會有最住的效果呢。

經過一輪器材規格及硬件特性講解，版友們終於可以一試臺上多款耳機，當日大會已預先安排好多首音樂的WAV及FLAC原檔供各位測試。

正式試玩
而當日活動第一個環節先測試全套 Sony ＂西裝＂的威力，之後就到各位大家的手提器材呢，而我們當日亦有個別開生面的活動，名叫＂留住至 FUN 一刻，大家只需要在自由試玩時段用手機拍一張同是日活動有關的照片，上載到Post76 Facebook 的專頁上，之後就會由 Sony 的工作人員選出最有＂感覺＂的二位去嬴取紀念品，所以大家除左試器材之外，仲會不停影相上載，都幾好玩的呢。

經過第一輪試玩之後，嘉賓艾域就跟在場的版友們分享一下他玩PHA-1時的一點感受及一些玩耳機或耳擴時需要留意的地方。

Ｑ：在什麼情況下需要使用耳擴?
Ａ：個人覺得，乜野情況之下，配合乜野耳機，都係可以加耳擴既，因為依家普遍既人都係用智能手機或者一般 DAP (Digital Audio Player) 去聽歌，正如 Odin 所講，呢類隨身設置既推動力一般都係不過不失，就算推得郁隻耳機，都可能係部 Player 已經出盡晒力，加耳擴就可以避免左呢個問題，推一 D 大路既耳機時，就可以將佢既潛力發揮到盡。

Ｑ：耳擴點分類? 點樣選擇耳機及耳擴?
Ａ：大致可分為便攜式同座檯底兩種，至於點樣選擇產品，首要條件一定係認清自己既需要。舉我一個親身例子，我有一隻好鍾意既動鐵耳機，我覺得佢人聲好有感染力，低頻量雖然唔係好勁，但係就有層次，我俾我同事聽，佢問我隻野幾錢，點解好似街邊個d幾廿蚊既貨色，結果原來佢係鍾意低頻量感強勁既人，我個隻耳機根本就唔合佢口味。認清左自己既需要之後，買任何產品之前，都一定要親身試聽，唔好只係聽人講話好就買，網上討論以至雜誌推介都只可以當參考，因為你想要乜野既效果，只有你自己知。

除左音色要求外，功能要求你亦要係買機前做足功課，以我個人為例，我最常聽歌既時間係係公司，而我用既又係 Notebook，無得加 Soundcard，因此就要用一部有埋 USB DAC 功能既耳擴喇，而 Sony 早前亦借左部 PHA-1 俾我試用，佢其中一個我最鍾意既功能，就係佢可以做到 USB DAC 連耳擴，我基本上只係插一條線去電腦就可以用到佢最重要既功能。至於其他既優點，不如我地交番俾 Sony 既代表簡單介紹一下啦。

Ｑ：點樣為之推得好?
Ａ：大前題就係唔會覺得出黎既聲模糊不清，之後就可以留意人聲夠唔夠穿透力，即係會唔會令你聽到覺得感動既，背景乾唔乾淨，會唔會有雜訊啦，低音量感夠唔夠之餘，最重要係有無層次，高音就要聽到會唔會覺得刺耳唔舒服，聽歌最緊要 Enjoy，呢幾點就係試聽時要留意既野。

Ｑ：音樂檔簡介
Ａ：MP3、AAC 係有損壓縮，好處係 File 細，但係聲音質素係明顯較差，特別係低頻紮實度同高音延伸，會較為鬆散無損音樂檔就好多啦，大路既有 WAV、AIFF、FLAC、ALAC，偏門 D 既又有 Monkey Audio 既 APE，同埋呢期好 hit 既 DSD，大路既 WAV 同 AIFF，係無壓縮無損檔，情況類似家庭影院既 PCM，而 FLAC 同 ALAC，就係有壓縮既無損檔，情況就好似 DTS Master Audio 或者 Dolby TrueHD。

Ｑ：試玩 PHA-1 後的感受嗎?
Ａ：個人覺得加左呢隻耳擴，音色取向係偏暖既，因此聽落去就更加耐聽，另一特點係背景好明顯乾淨左好多，三頻都更為仔細突出。功能方面，佢側邊有個 Gain 制，要推高阻抗既 Headphone 就有用啦，不過依家好多 Headphone 個 Spec 都係只供參考，最重要都係自己聽落覺得點。另外，佢除左可以駁電腦播 24/96 高清音樂檔外，亦可以駁 iOS 產品，就連用最新既 lightening 頭既產品都支援到，咁就可以跳過呢 d 機內部既 DAC，由 Sony PHA-1 做埋解碼同功率放大，音色當然就更加好啦。

聽過一輪咁有用的技術性分享之後，第一階段的測試，大家就用返自己既器材作自由測試了。

Sony PHA-1 作 24bit/96KHz 解碼
場中為左可以比各會員實測由 PHA-1 跟電腦作 24bit/96KHz 解碼的威力，大會預先安排好二部手提電腦讓各位可以以電腦經由 USB 連接到 Sony PHA-1 作 24bit/96KHz 解碼的效果。

小記實測聽感
由於當日的試聽環節反應太踴躍，所以小記只為 Sony PHA-1 和 MDR-XB920 稍作測試。就當天以平板電腦加耳擴配耳機而言，24bit/96KHz 規格音樂檔案中三頻的表現去得十分盡且勁道十足。只要為耳擴稍作音量調整就已經有齊澎湃感和壓逼感。動態方面都被耳擴大幅提升，發揮出 24bit/96KHz 檔案應有的原貌。

總結
話咁快，Sony PHA-1 便攜耳擴體驗日的活動又已經來到尾聲了，而當日二場活動中的＂留住至 FUN 一刻＂亦選四位得獎版友，今次活動我們可以有咁充足的器材可以讓咁多版友同一時間試玩，絕對可用前無古人來形容，除了器材充足之外，還有艾域為大家講解一些耳機及耳擴上的基本知識，又可讓大家更了解玩 CAS 時各式各樣的音樂檔之不之處，絕對非常充實。而 PHA-1 的實力當日大家都經已對它有更深入的了解，就小記而言，搭配效果如以 PHA-1與 MDR-1 的搭配性較高，讓 MDR-1 的人聲更暖和有生命。已購入MDR-1 系列的版友不妨到 Sony Store 的耳擴專櫃一試，可能真的有新體驗。