係上年小瑟做左爸爸既時候, 我太太都經常上網來睇睇其他媽媽既 BLOG, 係無意中比佢睇到呢個 BLOG, 佢果時都有同小瑟講, 佢地一家真係既事, 本來開開心心一家三口子, 等著小生命既出生, 點知係產後竟然腦中風, 而呢個 BLOG就係果位非常非常之堅強既爸爸, 將呢件咁唔開心既事, 以文字作記錄, 而且積極地去面對種種困難, 而過程中大家都好難想像得到係幾咁辛苦, 難過, 小瑟雖然冇日日追呢個 BLOG, 不過就會久唔久就聽到夫人同我講返, 呢排佢地既新進展, 就好似係上年, 佢地既媽媽就訓左一段醫院之後, 希望可以返屋企繼續治療, 係攪完一大輪既手續同預備之後, 終於可以返到屋企, 但好可惜, 呢位媽媽既病情又再惡化, 又要再返入醫院了……..而果位媽媽因為全身已經唔郁得, 佢返到醫院時只可以以眼淚來作回應…………..小瑟聽到呢度, 眼睛都開始有D濕濕地了……..
而係早排, 就有發行商知道左呢個 BLOG既存在, 好希望可以幫佢地一家三口做點事, 所以就將 BLOG既內容出左書, 就係下面呢本勒.
 |
| Anthony一生的夢想是建立一個幸福家庭，原本一切一切就按他的劇本發展，一步一步走近這個終點。正當他為太太阿蚊誕下女兒霖霖滿心喜悅之時，太太卻突然腦中風，導致全身癱瘓，斷斷續續的時昏時醒。誰又會想過一個只有幾毫米大的血管泡能將一個平凡不過的願望粉碎？ 縱然這個不幸令他無比痛苦，但他仍不離不棄的照顧太太，並把眼前的悲歌寫到到個人網誌，期望每一個看完的網友，都可以為阿蚊祈禱，替他們一家人打氣。 「既然已發生的都已發生，我只好在此時盡我所能，做到最好。 既然不幸已降臨在阿蚊身上，我只好把握機會，幫阿蚊成為眾人的亮光。 既然霖霖不能再有一般的童年，那我就給她不一樣的驕傲！」 |
今日, 小瑟又再聽到夫人提及佢地既情況, 好似話又可以返屋企了, 當然返屋企唔係等於果位媽媽已經好返, 只係佢地可以唔洗再日日出入醫院罷了…..而當中既醫療費用, 日日都係以天文數字咁增加……..雖然小瑟同佢地一家三口素未謀面, 但我始終覺得, 我好希望可以出小小力, 幫一丁點, 那怕只係一個小小既心意, 我只係希望可以借到呢度呢個位置, 將呢件事比更多人知道, 睇下可以點樣幫到佢地, 人之所以最珍貴, 最值得開心既, 唔係金錢, 唔係權力, 而係互相幫助, 互相關心, 心靈上既支持, 往往先係最有義意, 最受用.
當然, 如果可以係金錢上支持佢地, 我個人覺得仲好啦, 不過暫時來講, 我就只係知道買佢地呢本書, 收益就應該可以幫到佢地既, 所以如果你都同小瑟一樣, 希望人間有情既, 就買本支持下. 再有咩其他既方法可以更好咁支持佢地既, 更加可以提出呢!!!!
◎以下呢個就係呢個 BLOG既第一篇文, 將成件事既起源都寫哂入去, 大家可以睇睇呢~
http://hk.myblog.yahoo.com/carmen-anthony/article?mid=1
◎而以下呢個就係出版社為佢地本書做既網頁勒~
http://www.openbooknet.com/promotion/2010/bookid_3099/index.html
