【實況報導】藤田惠美《Melodic Best》發燒精選分享會

如果大家有咁上下既年紀，應該會記得十九年前係日本有一套電視劇，當時熱爆全球，尤其是該電視劇既插曲。講到呢到，相信好多師兄都知道筆者係到講緊 D 咩野啦。對，果套電視劇就係《同一屋簷下 II》，而當中既插曲《溫暖的詩句》呢首歌曲更係紅透半邊天，單曲總銷量高達 180 萬，更連續橫行排行榜第一名長達 34 個星期! 講左禁耐，禁究竟呢首歌既主唱係邊個？佢就係被尊稱為「天籟美聲」、「日本歌姬」的藤田惠美小姐 (ふじたえみ)。咁點解我地要特別介紹藤田小姐呢? 哦，原來最近藤田小姐在東亞南地區，發行了最新專輯《Melodic Best》HQCD 版。而我地 Post76 真係 (x10) 好榮幸，可以透過唱片公司Forward Music，邀請到藤田小姐本人親身出席我地 Post76 舉辦的【藤田惠美《Melodic Best》雙碟發燒精選 HQCD 專輯分享會】。

今次真係 Post76 天大勁爆絕響正到無倫 …… 既活動，因為今次係我地第一次同海外唱片公司合作，而據閒今次原來亦係藤田小姐第一次和網站版友一齊參與聚會活動，另外原來今次又係日本藝能界首次與海外網站合作舉辦活動，所以今次活動報名既人數又係最多既一次…有成 100人! 你話幾難可以係同一個活動，搵到禁多個第一次呢。

7 月 16 日星期一當晚，我地就係 KEF 既銅鑼灣 Cubus 旗艦店陳列室，舉辦今次擁有著好多個第一次既活動「藤田惠美《Melodic Best》雙碟發燒精選 HQCD 專輯分享會」，是日活動的準備功夫非常的多，而我們一眾工作人員亦為今次的活動人人都做足 120 分以回饋反位版友的積極參與，而當晚各位就與一眾 36 位幸運兒版友一齊共賞「藤田」之光，聽聽「惠美」之聲。

今次場地雖然冇上次係劉美君專輯分享會既大昌影音禁大，不過都可以容納到 36 位版友、11 位工作人員、藤田小姐、翻譯員同攝影師。所以座位 Set up 一定要整齊。唔講都唔知道，我地除左邀請到本地四間媒體採訪之外，原來連日本五大電視台之一既東京電視台，都特意跟隨藤田小姐來臨香港，採訪及報導今次藤田小姐既分享會，換句話說，在場有份出席既版友及工作人員都會上鏡，同埋係東京電視台出現架 @@。當然啦，為左一陣播放藤田小姐既大碟時有最好既聲音，工作人員都不斷換線試音 (讀者可先估估用左咩器材，一陣先開估)。

而就在藤田惠美小姐未到場之前，我們一眾版主版友都特地為藤田惠美小姐準備了一份小小心意，希望在分享會之後給藤田惠美小姐一個小小的驚喜，就係送上有我們當日所有有份參與既版友的簽名 76TEE 恤一件，雖然我們的簽名都沒有惠美小姐的那麼值錢，但希望籍著這份小小的心意，讓惠美小姐可以在是次活動中，有一個小小的回憶呢。

望望出面，原來已經開始有唔少師兄在門外等著了，佢地大多都係到討論緊一陣可以見到藤田小姐心情好緊張，有師兄更拎住幾張藤田小姐既珍藏大碟黎，特意與其他師兄分享。不過講到今日既活動主角 (唔係藤田小姐^^」，而係藤田小姐既最新專輯《Melodic Best》)，絕大部分師兄仍然未入手，所以在場已經一早設置位置，擺放多隻《Melodic Best》的 HQCD，俾各師兄即時入手。當然眾多師兄見到亦不敵「美人計」，紛紛掏出荷包，換取「美人歸」。

既然我地可以有幸邀請到藤田惠美小姐黎我地活動，當然我地唔可以錯過禁難得既機會，要邀請藤田惠美小姐幫我地做一個簡單但隆重既專訪先啦，所以當藤田小姐於當日六點半黎到會場後，我地就係活動開始前事先同藤田小姐進行左一次專訪。係專訪中，首先小瑟多謝藤田小姐特意來港參加 Post76 舉行的專輯分享會，藤田小姐亦向香港樂迷致意，多謝Fans支持藤田小姐禁耐。跟住小瑟提及《同一屋簷下 II》的插曲《溫暖的詩句》單曲總銷量高達 180 萬，並問到藤田小姐對此成績有何感想。藤田小姐回覆話，佢本人都覺得呢首歌好有Melody同好有詩意，不過藤田小姐最估唔到既係，原來呢首歌禁受年青人歡迎，佢都覺得好意外。藤田小姐亦覺得有禁好既成績，可以係日本至全世界流行，真係好開心。最後藤田小姐幫我地 Post76 做左一個 Tag Video，原來藤田小姐想為 Post76 10 週年送上祝福，講聲 Happy Birthday，我地 Post76 在此十分感謝藤田小姐。

話禁快就到左 7 點 40 分，在場外既會員入哂試音室內，活動正式開始啦! 首先當然有我地既 Post76 大王小瑟打頭陣鎮住個場 (?)，佢講到 Post76 能夠衝出香港，參與日本音樂界既活動，真係 Post76 既一大突破。跟住既程序 (?) 相信有參與過 Post76 活動既師兄都知啦，就係由工作人員到一眾版友做自我介紹既時間啦! 當然亦都要介紹下一力幫手既幾位人士，色括有 KEF 店長 Anthony 同埋 Onkyo 代表 KK。

為求力爭時間，我地亦無謂要藤田小姐久侯，所以 Onkyo 代表 KK 就先介紹今次用既器材，都係時候問估啦。原來今次係用上了 Onkyo 全 R Series 系列，CD 播放器用上了 C-7000R，DAC 解碼前級用上了 P-3000R，後級用上兩隻 M-5000R。而 KEF 店長 Anthony 亦介紹了今次用既神器 (?) 喇叭－一對 KEF 的 Reference 203/2，用上了一高音一中音兩低音同軸單元，聲音特別動人。

都無謂繼續吊下一眾版友既癮呢，亦都唔想要勞煩藤田小姐等禁耐啦。於是係 7 點 55 分 … 藤田惠美小姐入場啦! @@　全場掌聲雷動歡呼，以歡迎藤田惠美小姐，藤田小姐ようこそ！

藤田小姐坐下後，小瑟先向藤田小姐介紹各位版友們，經過翻譯員的傳達，藤田小姐先多謝各位版友們的支持。小瑟先向各位版友開了個頭，將日劇的流行歸功於《同一屋簷下 II》電視劇的插曲《溫暖的詩句》，佢問到藤田惠美對於有咁好既成績，藤田小姐會有什麼感受呢？而藤田小姐則回答道覺得非常開心，她自己都沒想到可以有咁好既成績。小瑟問到藤田小姐被冠上「日本歌姬」既名譽，會否有壓力呢? 藤田小姐點了頭，都認同小瑟既講法，不過藤田小姐更指出，要保養聲帶既問題更加大壓力，藤田小姐分享了一些護聲小 Tips，例如避免食冰凍飲料及辛辣和乾燥食物。不過比較有趣既係藤田小姐記得上兩年係香港開 Concert 的時候，保養嗓子的方法是靠 …… 食京都念慈菴! (賣廣告? XDDDD) 不過講起藤田小姐係香港開 Concert，小瑟就繼續問藤田小姐會否打算何時再來香港開 Concert，藤田小姐表示雖然暫時沒有計劃，不過因為太多粉絲 (包括在場所有版友) 都要求藤田小姐來香港 Encore，故藤田小姐說可以考慮一下。(一笑) 而藤田小姐亦講到上次係 Concert 可以和日本鋼琴家西村由紀江合作，已是一個榮幸。但礙於未有充足準備，藤田小姐故暫時未有機會與香港、台灣歌手合作，雖然藤田小姐都好想有禁好既機會。

小瑟亦問到藤田小姐於專輯中選歌會有什麼標準，藤田小姐坦言在選歌時在 80% 的情況下是選擇自己喜歡的音樂 ^^，當然亦會考慮到該音樂能否適合藤田小姐自己演繹，當然藤田小姐也會考慮其工作團隊及不同地方粉絲的意見，務求打造出一隻人人喜歡既專輯。跟住小瑟問到藤田小姐會否繼續翻唱經典音樂，藤田小姐說起記得上次在上海舉行 Concert 時有翻唱過鄧麗君的一首國語歌 (以國語翻唱!)，藤田小姐表示當掌握更多技巧時便可以考慮挑戰更多的經典國語歌，在場好多版友聽到藤田小姐禁講，立即報以十分期望、雙眼發光既神情 (知你地好期待啦 ~~)。

講番今次藤田小姐呢隻《Melodic Best》HQCD，小瑟問到藤田小姐最喜歡專輯中邊一首歌。藤田小姐直言要咁樣選擇其實都幾痛苦，因為專輯上的每一首音樂都是藤田小姐的最愛，要即場選擇的話藤田小姐唯有選擇 Disk 1 中的第 4 首《Street Of London》及第 6 首《Longer》。故我地立即安排播放碟中的兩首歌曲，以高質素器材，即時向藤田小姐及現場一眾版友細膩重現藤田小姐那動人的聲音。藤田小姐後來亦直言只嘗試過一次用稍為高級器材重播聆聽自己的錄音，今次可為一次新鮮的體驗! 在場版友在播放音樂時亦顯得十分陶醉，藤田小姐更一直在旁輕唱添! 隨後，藤田小姐亦特別推介 Disk 2 中的第 5 首《Desperado》，因為藤田小姐直言呢首音樂背後有著一段故事。還記得當藤田小姐 19 歲的時候，藤田小姐的媽媽就離開這個世界了，當藤田小姐在家收拾媽媽的遺物時，發現媽媽喜歡的一張 The Carpenters 專輯《Desperado》，藤田小姐覺得媽媽可能想藉著這一首 The Carpenters 的名作來向藤田小姐傳達一些訊息，所以藤田小姐就愛上了這一首音樂。

講到呢度，時間原來已飛快地過去了，差不多到了活動完結的時間，我地為了儘量爭取時間，就去到活動既最後一個活動 – 送獎品! 亦都係各位版友想見到藤田小姐之外第二個伸頸位啦。我地靜悄悄地安排了一個驚喜位，但先由 KEF 代表 Anthony 及 Onkyo 代表 KK 分別發問三條有關器材既簡單問題，所以現場所有版友立即變曬做小朋友 …… 玩鬥快舉手 (童真?)。呢部分問題既禮物係分別有 KEF 代表送出既《KEF 50 Years Of Popular Music》大中華區限量版 CD 套裝，同埋有 Onkyo 代表送出大家公認試機天碟既《Onkyo 發燒純音》非賣品 CD!

不過未拎到獎品既版友，唔緊要，其實仲有個大驚喜俾各位版友，原來係藤田小姐私下有五樣私藏珍品，要拎出黎送俾各位版友啊! 當呢個消息公佈後，各未有得獎既版友立即精神為之一振! 藤田小姐會送出既珍品包括有藤田小姐在她的「關愛之歌」計劃的紀念環保袋一個、一張印有藤田小姐樣子的紀念卡郵票、兩張藤田小姐的紀念相片及一塊藤田小姐出席某電台節目中送出的紀念毛巾。今次既玩法比較特別，由各位版友同藤田小姐來一次 …… 猜枚遊戲! 原來呢個禁好既idea係由藤田小姐諗出黎既 ~~ 哈哈!

所以當五位幸運兒版友誕生的時候，你可想而知佢地會開心到點 ~~ 所以為左留住藤田小姐同各位版友開心既時刻，我地就安排左影相時間啦 ~~ 除左係岩岩既問答環節幸運兒得獎認證照、同埋藤田小姐送出五位「猜枚高手」既紀念品認證照之外，還記得先前我地預備左一件有著一眾版友及工作人員簽名的 Post76 T-Shirt，係時候要送俾藤田小姐啦。我地由小瑟代表一眾版友及工作人員，向藤田小姐簡單而隆重地致送紀念 Post76 T-Shirt，並拍攝照片。不過既然要影相，點少得大合照呢? 所以我地就來一張一眾版友手持專輯與藤田小姐的大合照，故已經買了專輯既版友就好自覺地係旁邊安靜地排隊 (雖然有版友忍不住與其他版友私私竊語。) 未買專輯既版友亦都非常快手，係 Counter 到俾錢買碟。

終於，黎到版友們最最最最最開心既時候啦 – 藤田小姐《Melodic Best》專輯簽名時間。但礎於怕阻礙藤田小姐休息的時間，故每一位索取藤田小姐簽名的版友未能與藤田小姐長時間地影相。但大家可以見到藤田小姐的專業精神絕對非常可敬的，佢簽每隻碟的時間都非常認真，慢慢逐隻簽之餘，還每隻都會寫埋日期同好多花樣，可愛得來又非常之有心，仲寫埋日期，真係另大家永遠都必定會記得 2012 年 7 月 16 日呢個大日子呢!!!