依家咩都興細, 用手機聽歌就一早成為生活習慣, 不過聽得耐, 就會開始有D要求, 早前 NuFORCE 就出品左一隻叫NuForce CUBE隨身聽喇叭仔, 呢隻喇叭仔除左可以直擠手機做喇叭之外, 最過引佢仲可以做埋耳擴插耳機聽歌. 咁究竟佢有咩效果呢???
小瑟用緊手上既 SAMSUNG GALAXY NEXUS, 聽歌早就知佢係偏燥聲, 加埋部 Nuforce CUBE 配埋原裝 MIC 線先, 再出耳機之後, 的確係可以解決左燥聲問題, 而DETAIL位亦都出返唔小. 測試就用上 The Bodyguard Original Soundtrack Album 既 I Will Always Love You, 空氣感大幅提升,人聲明顯突出近左好多, 而且帶有甜味, 高音不太突出, 申延未夠盡, 細微音樂既顯現未算明顯, 低頻中性, 未算豐滿, 再聽 I Have Nothing 澎湃位算是有所交代, 但可能始終都係依靠 USB 取電, 力感難免不足, 但大家可以放心, 佢又唔係冇力果隻, 只係感覺低頻方面彈性唔係好夠.
總結-
一開聲, 感覺有點估佢唔到, 事關估唔到佢只係USB 囉電, 但解碼再放大出黎效果OK清喎, 睇佢細細粒, 仲以為冇咩料到, CUBE 聲底係偏向平均取向, 只突出人聲部份, 無論聽邊一類既歌都係一樣, 你會好清楚聽到歌手唱出黎每一個字, 不過如果你想話好似家中既 DAC 咁, 可以聽到哂每粒音樂既定位係邊個位置出, 相信大家都一定係諗多左了, CUBE定價只係HKD$990, 佢既出現係專攻大家手機器材聽歌時, 又想可以方便聽下歌, 又或者用佢來做埋耳擴, 小瑟諗到當平日自己係公司開夜得一個人又要對住部電腦時, 呢粒CUBE都OK岩我用喎, 冇野做時就帶上我既 IE80來欣賞音樂, 如果要做野時, 又可以用佢既附帶喇叭仔去當聽收音機咁聽, 都OK唔錯喎~~~^^”
＞
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=134312&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
