據 Bloomberg 報道，由於觀眾訂閱數量唔如預期，Apple 正計劃削減旗下電影投資及相關串流平臺 Apple + 嘅新節目資金。Apple 過去已投入超過 200 億美元製作原創電影及節目，包括《全謊位登月》,《花月殺手》及《拿破崙》等等！
儘管 Apple 旗下嘅電影工作室已獲得多位名導及編劇支持，但總體表現仍不如理想！單係《特工亞皆老》票房唔到 2 億美元，遠不及製作成本嘅一半！勇奪多項提名嘅《花月殺手》嘅票房亦僅得 6,700 萬美元，遠低於 1.5 億美元製作成本。另外串流平台 Apple TV+ 嘅家庭觀看數字及訂閱額都唔如理想，有指 Netflix 嘅日均觀眾數目已經超過 Apple TV+ 嘅月均觀眾數目。未知 Apple 會唔會考慮仿效 HBO，將部分經典片庫轉售或外借，以平衡收支不均情況，相信要進一步觀察！
