根據日本傳媒報導，Sony 位於日本東北宮城縣多賀市嘅光碟生產工廠，原本大約有 670 名員工。不過，由於近年串流媒體服務嘅普及，以致傳統光碟需求大幅減少，所以 Sony 決定裁員 250 名員工，佔到整體光碟廠員工數嘅 37%。受影響嘅主要範疇係燒錄光碟（CD-R、DVD-R 同 BD-R）。
Sony 是 2000 年時藍光光碟技術創造者之一，但未來可能會將實體媒體業務外包，讓其他數碼媒體逐步接管市場。值得注意的是，今次裁員並不包括電影、音樂同遊戲光碟壓製生產線。
Sony 方面亦計劃提供提早退休方案給受影響員工。曾幾何時，光碟機是每個家庭必備的產品，不過隨著儲存媒體進步及串流媒體嘅興起，整體光碟需求已經大幅減少。現今，多數人備份資料都選擇用USB手指、記憶卡或 雲端等方案。如果仍然使用光碟的朋友，又喜用Sony 日本原廠出品的，可能要儲備多些作庫存了。
