等等等, 小瑟用左條舊既 RCA 真係好耐好耐, 忍忍忍, 忍左條RCA既燥聲好耐勒, 終於團購返來的德國妹Viablue XLR到我手了.
咩都唔好講住, 睇我開箱文先!!!!^.^小瑟總共買左三對, 所以包裝盒全齊!!!!!
呢個牌子呢二年都經常進攻小瑟既影音世界!!!!!
雷射防開貼, 有呢個貼就確保唔會比人開過啦.^_^
大網蛇一卷……………四個頭都有袋仔包好的!!
Viablue頭做功不嬲都有返咁上下的!!!
鍍金端子, 唔打得都一定睇得!XDDDDD
初插聽感
呢條線基本上需要 RUN-IN 30個鐘左右先可以完全發揮性能, 而小瑟依家基本上每日返工前都會開一個鐘左右, 而星期六日就會開夠10個鐘左右, 基本上都已經煲得7788了. 今次轉由 RCA 轉返玩 XLR, 部5009既音壓上又冇之後咁一插就大聲左好多喎, 原因應該就係依家換上左既喇叭比之前既大食所致, 依家基本上只係加左5db左右而且.
所有既基本設定做好哂之後, 先聽下歌仔先, 不過又想一次過試埋5.1既效果, 最好都係以演唱會來作測試, 呢隻LADY GAGA 既 MONSTER BALL LIVE就最好不過, 此碟既聲畫水準絕對似樣, 畫質絕對真高清, 而其音效係有原生Dolby TrueHD 5.1 及 Dolby TrueHD 2.0, 50GB 單碟雙層制式, 絕對係試聲試畫既絕佳之選.
首試用 You and I 測試, 呢首歌係 GAGA 歌曲中的中慢版歌, 而佢既演出係以自彈自唱既方式, 一開聲感覺竟然感覺有D燥, 人聲感覺唔係好乾淨, 而高音亦比較平面同乾涸, 聽左一陣, 決定熄機停止, 因為實在係接受唔到竟然會係咁, 之後既一個星期, 小瑟就每日返工時間上午 7:30開機, 一路不停用 BURN IN CD 呢隻煲機碟, 以 5009 既全開5.1喇叭去循環播放來煲呢5條 XLR(請留意, 此碟的最後一節, 第九首 – 消磁煲機專用訊號, 煲任何器材時請先自行刪除這章節.), 係一星期之後, 再聽返同一首歌曲, 高頻同人聲已經慢慢修返圓滑, 而低頻既線條明顯收緊返唔小, 而最另小瑟欣慰既係, 音場既背景比之前的RCA及未煲線之前的確係靜左好多, GAGA既鋼琴聲亦都有返肉地同真實感.
總結
起初小瑟都有D擔心, 會唔會入錯貨呢?? 但心想所有線材, 點可以一埋牙就有好效果呢?? 除非事先已經用機文武火反覆煲練, 否則都係需要時間去另所有器材先大家互相了解, 之後大家RUN一排先可以漸入佳境, 玩車如是, 玩HIFI如是, 玩AV更如是, 小瑟相信, 呢條線都需要返咁上下時間既煲練, 先可以出到其真正既實力, 所以依定小瑟要做既, 就係多D開機, 煲返百零個鐘之後, 應該就可以真正好好享受一下呢!!!!!
>
歡迎進入我們的影音玩樂討論區發表意見.
http://www.post76.com/discuss/viewthread.php?tid=117606
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
