好快2022年已經過左14日了，又到我地一年一度的自 Post76.hk 討論區同會員數據的【科林走勢總結】回顧，希望讓大家都可以了解一下我地會員搜尋產品同討論等數字。先來同大家簡報一下 2021年最高嘅會員搜尋字眼先，「Soundbar」已經係連續三年成為搜尋量的冠軍，而緊追其後的「超低音 Subwoofer」，而第三位就係１１月時正式在香港推出的「Disney+」，而上年第三位的「Netflix」竟然十大不入，可以想像大家都係貪新忘舊呎！！🤣🤣🤣 而今年 「HDMI」，「電源線」，「地盒」同 「Apple TV」等都係我地 2021 年全年搜尋榜既頭 10 位之內呀。今年我地既會員人數增加左 6,389 人，而全年既網站總瀏覽量就有輕微的下降，今年總共有 49,332,641 頁次的網頁瀏覽量，睇來2022年我們都努力啦🙄。今年 Post76玩樂網的 Youtube Channel 訂閱人數就已經突破左八萬大關，去到 85,170訂閱，希望今年真係可以突破 十萬大關，囉返個老人牌先啦。😋 而我地 Channel 在 2021年總共錄得 7,994,367 次。而今年最高瀏覽量的影片就係【Sony HT-A9 革命性360 Spatial Sound無線家庭影院組合 Soundbar評測】而4K / 8K 電視都係我地 Youtube Channel 最多人睇既影片之一，2022 年我地都要更努力去做多啲深入既影音評測比大家睇先得勒！
網頁瀏覽量輕微下跌，男女會員比例以７／３比例作結！
2021年, 我們網站的總會員人數已經提升到 121,059 人, 新會員註冊總數增加就比上年多，有 6,389 新人，男女性的比例反而有戲劇性的轉變，以往我們多數男士版友，2021年有７／３比例之分別，變成 71.35% 是男性, 女性是 28.65%, 相信是同 Disney+的0上線，多左人在家預備煲劇睇戲的相對多了。對相關資訊需要比較多, 所以就會多了上來我們科林討論及分享呢!!!! 我們感到非常鼓舞呀。😁 Post76 的年齡群一直都非常穩定，但今年的情況有小小不同, 今年 18-24 的年齡群比上年輕微增加1%達10.25%，而最大變化的是 65+ 以上的年齡群由上年的 5% 增加到 9.35%，而25-44這個年齡群始終都係佔我們最大多數，總數佔65%之多，希望我們可以用更多加影音話題去招攬更多新人加入影音玩樂這個行列，推動香港新一代可以對影音的要求可以更進一步，大家可見連Mirror都出藍光演唱會，我們更要將高清影音文化加深推廣。為市場出一分力呢！！🤗
網頁瀏覽量上落不大，而夢想同堅持一直沒有放棄！
我們一年的總網頁瀏覽量達 49,332,641 頁次的網頁瀏覽量，以討論區的流量來計算，最多人瀏覽的分別是 「家庭影院」 ，其次是「網站首頁」，之後就有「Hi-Fi音響」同「4k藍光/串流」都有唔錯的排名，而「二手買賣區」都係好多版友愛浦的地方。而相比2019年我們的瀏覽量因為版規指明不可再討論政治之後，其實瀏覽量上落都不算太大，雖然我們現在都有Facebook，IG，Youtube等其他社交平台使用，但我們始終都希望自家的平台可以有更多的自家討論，新加的功能加入。的確小瑟多年的夢想是可以將網頁式討論區進化成手機App的界面，但多年來一直都未能成事。但這個夢想小瑟會一直堅找，希望可以有一天能夠達到吧。到時就可以比到更多應該有的功能給支持我們多年的版友使用呢。
2021年三大分類關鍵字搜尋總計排行
又到我們的戲肉，搜尋排行了，2021 年我們網站搜尋的字眼總結來了, 今次我們就集中於三個分類來讓大家更清楚易明地了解在我們網站上，眾多會員對什麼東西的興趣最大。首先同大家分享我們網站上全年的搜尋次數為 188,118 次. 今次我們收集了三類不同的類別來同大家作一個總結, 以「產品、品牌、型號」區分, 分出最多人搜尋的字頭 10 名。我地可以見到 2021 年最多人搜尋的產品首位, 依然都係「Soundbar」 而第二的就係「 Subwoofer 」，第三位上年之「Netflix」，今年竟然十大不入，取而代之的是「Disney+」，「 HDMI 」 等等, 而電源線同地盒今年都係首次打入十大搜尋楞之列，足見今年由 Disney+ 引發的各式各樣影音產品都針對以聲畫提升為主題。而品牌方面，今年喇叭品牌「B&W」明顯上力，新出８系果然對於品牌的影響力最大，第二及第三排名就由「Denon 」同「 Sony」坐穩, 而AV擴音機品牌「Marantz」今年都由上年的第六位跳升二級，成為第四位。而另一電視品牌「Samsung」就比上年微微下跌至第六位。另一電視品牌「LG 」 都依然保持在十大位置。可見大家在科林上尋找電視的討論都非常之多呢。型號方面, 2021 年第一位同第二位的搜尋都係「Sony Brave XR A90J」及「X90J」電視。第三位就真係估唔到竟然仲係 Denon 旗艦級 AV擴音機「AVC-X8500H 」。足見我們76版友依然對家庭影院的需求還是非常之大，第四位就係 Soundbar「Samsung Q950A」都係我們熱搜的產品型號呀. 未來相信 Soundbar, 4K, 電視, AV 擴音機, 播放器都會係會員經常搜尋的種類呢。
今年網站統計都可算是各映了改朝換代的一個小縮影呢。🥰
2021年都可算係改朝換代的一個年頭，2020都仲係Netflix玩哂的一個年頭，到今年Disney+上線之後，情況完全唔同哂，尤其係我們的藍光討論區上都有成個月的熱鬧氣氛維持著。而 Disney+ 引伸出來的效應的確是可以為傳統的影音市場，帶來了新一批的購買力，而且將眾多的女用家帶入市場，連鎖反應之下，帶動到不同的影音產品亦可以跟隨上升。不過今年已經進入了疫情時代的第三年，我們還未對這個新冠疫情有可控的跡象。而且一個變種之下。香港又好似回到2019年時的狀況，而且因為供應問題，今年可以冇貨的情況比往年更加是比比皆是，究竟2022年我們會有什麼變化，我們 Post76玩樂網 幾時先可以好似以為咁，得嫻又同大家攪下活動，玩下分享會咁呢?？一切都要睇下個天會點安排呢！！
