😎最平最抵既剃鬚方案一定係買塊刀片式鬚刨去剃鬚的, 但小瑟一直都用電鬚刨的原因就係因為每次剃鬚之後, 皮膚一定會刺激到唔多舒服什至有時會出現皮膚灼熱、紅腫痕癢等既敏感情況. 所以小瑟依家都係用緊 PHILIPS S9000 電鬚刨. 近日見到 PHILIPS 出左一款新式的 Shaver series 7000 系列, 加入名為 SkinIQ肌感調控科技, 可以配合埋手機 Apps 去追蹤同紀錄你既皮膚狀況和剃鬚習慣, 而且價錢比小瑟依家用緊既 S9000平, 官方定價由 $1598 – $2198, 見平平地, 所以就買左一部比老豆用, 同時又順手同大家開箱分享一下啦!!!
『 刀頭外環其實是防敏微珠塗層 減少刺激皮膚而造成敏感 』
小瑟新入手的係 S7000電鬚刨最具代表性的藍色刀頭外環其實是防敏微珠塗層, 每平方毫米密佈達2000顆順滑微珠, 有效減低電鬚刨與皮膚之間造成的摩擦達25%, 從而減少刺激皮膚而造成敏感。同時, 內置的動作感應器能夠進行智能動作感測, 追蹤用家的剃鬚動作和時間, 並在APP內提供提示, 就好似佢會提小瑟剃鬚時, 請作小幅度的打圈動作, 動作感測反饋提示會亮起綠燈, 對於一直都冇留意點剃鬚的我, 其實都比佢點一點醒的. 而的確用電鬚刨教的方法, 又真係好似剃得比較乾淨一點呢!!
『 用APP教你剃鬚呢下最為實用！』
鬚刨內置鬍鬚密度智能感應功能，官方聲稱每秒偵測鬍鬚密度125次，並根據鬍鬚密度，自動調節刀片的轉速，有效保持剃鬚效能的穩定性。在小瑟的第一次試用來講，的確係做到一個非常乾淨的剃鬚效果。而且小瑟有時都會因為剃鬚的時間同力度不恰當，有時剃完鬚都會有皮膚泛紅、灼熱、紅腫痕癢等敏感症狀。S7000 系列就首次加入 SkinIQ肌感調控科技，透過感應、導向、調控，可讓用家更精準剃淨、減少刺激，加上S7000可讓大家在手機上安裝 GroomTribe APP應用程式，小瑟覺得呢個APP真係可以教到我地點樣先係正確的剃鬚方法，非常實用。
充電時會有 LED 燈光效果，非常靚仔！！！😎😎😎
『 連接 GroomTribe 應用程式 比你最個人化剃鬚指導！！』
當大家安裝好自家 GroomTribe APP之後，S7000可追蹤並紀錄用家皮膚狀況和習慣，取得實時的引導式剃鬚提示，以改善剃鬚技巧並接收個人化的護理建議。除了鬚刨機身的動作感測反饋外，用家亦可以在應用程式內獲取詳細剃鬚動作、時間、技巧分析等數據，更針對性地打造個人化的剃鬚計劃。不過小瑟就覺得最正係佢個APP會記錄你的剃鬚動作同時間，再建議你下次剃鬚時應該點做先岩，就好似原來剃鬚的最好方法係不停地打圈方式去剃，就慢慢好快就可以剃得更乾淨。
『無線清洗座 呢下真係可說重中之重』
S7000最另小瑟覺得正到不得了的，一定要數呢個市場上體積最小的無線快速清洗座，大家只要剃完鬚之後，將鬚刨放入清洗座，只需1分鐘時間便可深層清潔和潤滑電鬚刨，而包裝內亦都附送一盒刀頭專用洗潔劑，一按就可以用佢的三組高壓噴嘴徹底清洗電鬚刨內的鬚碎屑，小瑟依家每日用後都一定會放入去洗得非常乾淨。而一盒刀頭專用洗潔劑可用半年，基本上都唔會洗大家好多錢。但就可以比到大家一個衛生整潔的一盒刀頭專用洗潔的電鬚刨，對小瑟是一個非常好的觀感同體驗呢。
以下係小瑟專登唔剃鬚二日，試比大家睇呢個Ｓ７０００的剃鬚效果！！！😅😅😅😅
Conclusion：「享往高科技人士的一件非常實用的＂新玩具＂」
小瑟一直都用緊Philips的高級版本 S9000系列的電鬚刨，但入手左呢隻S7000之後，都有一點兒衝動想將S7000據為己有，因為小瑟都算係半個＂IT狗＂，其實對於科技既新物都係非常有興趣的，難得依家連電鬚刨都可以玩埋APP，仲可以學埋最好的使用習慣。剃完鬚出來的效果亦都真係比到一個幾好的新鮮感覺自己，當然小瑟都明白新鬚刨一定會剃得更好，更乾淨的。但佢有埋呢個清洗座既配套，無論係使用的體驗及用後的安排，都絕對對於享往高科技人士的一件非常實用的＂新玩具＂。不過當然，S9000都有其強橫之處，就係其刀片的鋒利感始終比S7000更勝一籌，所以S9000系統始終有其獨有的位置。但如果依家你要買新鬚刨的話，相信你都會考慮有新買新，尤其係追新科技的小瑟呢！🤣🤣🤣
