圖/文:rc1
,呢個係小弟喺POST76 第一個開既POST話說咁既,小弟兩個多月前上香討,睇到有個帖,裡面D人話上大陸買電視,裡面有條HYPERLINK,跟住我就開始走進POST 76既毒海
註冊短短兩個月零兩日,差唔多日日都有上嚟睇吓帖
,同埋運吓吉,順便學習一下AV呢方面既智識,漸漸地亦被各師兄放既毒慢慢感染
,希望擁有人生既第一套AV.其實小弟好鍾意睇戲,因個廳乜器材都冇,所以只可以躲埋喺房,用電腦隻23寸MON睇戲,同一套用咗成10年既HIFI仔睇.
由於小弟並唔係咩富貴人家,所以對部份師兄放既高純度毒物,並未有嚴重影響,大開眼界之餘,只能夠暗中為各師兄高興
經過短短既兩個月,小弟爬文又爬文.最後於12月24日正式開始吸毒.先買speaker,再買十仔,跟住就amp同各樣既線材,再跟住就買個2TB hardisk 同Media player.
最後,今日終於就忍唔住闖咗關.帶埋短期內最後一樣嘢返屋企(其實今朝9點登上皇崗巴,行幾間後11點已經比咗錢,下午一點幾已經返到屋企).同好多既師兄一樣,經過一輪放血後
,短期內應該要靠清水
同樹皮維生.
行咗幾間大型連鎖店後,最後緊係捒最平果間毒品代理喇
分享幾幅小弟既劣圖.
最後選擇既地方
由於佢要聽日先送到貨落鋪,我又唔想行多轉,所以比完錢去佢個大倉攞貨
果度好大,當然唔係得呢張相咁細啦
等咗大約5分鐘,呢幾位毒品拆家推佢出嚟
驗毒,但係由於佢呢度冇嘢比我插嚟試,所以都係著吓機,去SETUP睇吓,咁就算,冇雞會比我試死點,光點 … … .. …
由於在貨倉已開過箱,所以唔再慢慢嚟開箱,又影相,比住上星期AMP開箱既圖算啦 … … … …
SET完,播返套TRON先正
電視機個架放唔到隻中置,我諗部電視最後要上牆,隻中置先唔駛放地下,至於前後置,遲D會鑽埋上牆 … … … …
歡迎進入我們的影音玩樂討論區發表意見.
http://www.post76.com/discuss/viewthread.php?tid=100140
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
