Mission 呢個喇叭品牌由上年開始已經成為左香港影音友一個最有性價比的喇叭代表, 而LX系統更加係抵食又好聲的表表者, 香港POMA(Pioneer & Onkyo)成為代理之後就更加將其 Onkyo 擴音機夾Misson 呢個「忠實的劇院感!!」 以好抵玩呢個形象帶比大家, 呢日我地就同大家攪左個 Mission LX 入門喇叭選購試玩會, 讓版友們自己去感受一下幾千蚊已經有唔錯表現的影音系統係聽歌同睇戲上有咩效果先啦!
Mission LX 系列主打高性價比路線
外觀設計與聲學理念相當「反傳統」的英國喇叭品牌 Mission 近年都十分積極開拓入門 Mission LX 系列。此系列主打高性價比路線，多款人氣座地喇叭型號如 Mission LX-4 都能在萬元内有交易，非常適合有意建立自己人生第一套正規家庭音響組合的玩家作小試牛刀。除了 Mission LX 系列為活動重點，當日在座版友亦有幸成為全港首批搶先體驗到 Onkyo TX-RZ840 擴音機的 IMAX Enhanced 效果的準玩家，在一瞬將大家的期待指數推向高峰。
萬餘元已可入手一對 3 路分音英系座地喇叭
POMA 市場部經理 Desmond 在會上指出，Mission LX 系列共有 6 款成員，價格定為上大走性價比路線，價錢由二千頭的書架喇叭到一萬頭的座地喇叭不等。然而 Mission LX 雖主打入門市場，但在設計理念及造工上毫不馬虎，值得大家花時間好好發掘其真實潛力。
5.1.2 播放系統實試 聲音平衡度有交代
測試環節我地用上 ONKYO TX-RZ840 及 Mission LX 系列建議出 5.1.2 播放系統。以 LX-2 及 LX-C 為前置及中置喇叭，後置及天花喇叭則用上 QX-S 及 B&W CCM665 喇叭。低音方面我地更用上 LX-10 一款 10吋 的超低音喇叭，以確保超低音與其他喇叭的銜接有準確的發揮。試片方面我地分別用上《波希米亞狂想曲：搖滾傳説》4K、《銃夢：戰鬥天使》4K 等作睇戲測試，而音樂方面就用上《Robbie Williams – Live At The Albert》等幾套演示會作演示。就當日系統配置所感，Mission LX 在聲底取向上保留著英系喇叭中性特質，三頻表現力均稱，喇叭間銜接都相當自然，在動態駕馭力及空間定位感展現上都有充分發揮。
Onkyo TX-RZ840 : IMAX Enhanced 首度公開體驗
IMAX Enhanced 模式測試我地就用上《IMAX Ehanced Demo Volume 1》中火箭升空一幕作測試。由於片段中所呈現的動態和量感均屬於頂峰水平，整個 Mission LX 系統面對如此「極端」情況都尚算過關。然而當日系統在應付 IMAX 式超低頻時仍需作進一步手動優化，以應付其嚴苛的超低音需要。
Conclusion：「平衡耐聽 睇戲聽歌兩得宜的高性價比喇叭家族」
Mission LX 在大動態方面駕馭力雖未及中高階型號來得富細節，要應對全新音效格式 IMAX Enhanced 時明顯需要為其超低音的掌控部分作微調或是在硬件配置上作加持。但作爲睇戲及聽歌喇叭而言，LX 系列聲音取向都屬耐聽類型，三頻平衡度有相當均稱。配搭起同為入門級 ONKYO 擴音機時，聲音都有理想分析力和定位感。打算以同一系統作聽歌睇戲「雙食」玩家絕對可將 Mission LX 納入入手名單之列。
