早係2004年, 小瑟已經知道有 Maksim呢位, 彈鋼琴飛一般快的鋼琴家既出現, 而係呢幾年, 一路都有留意開佢既新碟面世, 但一直都只係以小FANS心態去睇呢位偶像, 今次佢新碟推出, 環球方面就為一眾粉絲們, 在香港大學內, 舉行左一場 Showcase, 而當日, 我地亦都得到大會安排預留二十個座位供我地版友可以免費到 Showcase 現場欣賞 Maksim 既精彩演奏 (詳情請點我), 而活動之後的一天, 環球方面仲安排左一個時段, 讓小瑟有機會可以同 Maksim 本人, 作一個面對面的訪問, 而此刻, 小瑟感覺真係尤如發緊夢一般呢!!!
先講小小歷史, 點解小瑟當年, 會走去買佢既唱片呢?? 識小瑟既人都知, 小瑟一向都係鐘意玩Cross Over, 試下新野, 對新鮮玩意非常感興趣的, 而 Maksim 就正正係岩哂小瑟既口味, 將鋼琴呢個本來非常一本正經既樂器, 玩到出神入化, 另鋼琴變得非常之好玩, 有趣, 可以另到鋼鐵彈奏時有結他一樣的ROCK味, 呢點就正正係 Maksim 的魅力, 而係呢個世界上, 可能佢唔係第一個, 但一定現今世界上, 玩得最出色, 又最出眾的其中一位表表姐, 所以當年小瑟就係比 Maksim 呢種神奇既魔力吸引左, 成為 FANS了!!!!
好勒, 想完當年, 係時候返返現在, 呢日, 小瑟就同歐陽峰二個, 來到位於尖沙咀的 The Mira Hong Kong 酒店一個非常之靚既貴賓樓層, 非常之緊張地為 Maksim 既訪問, 作出準備勒!!!!
而係小瑟同歐陽峰到場之際, 原來 Maksim 岩岩同緊另一個媒體做緊訪問, 所以, 小瑟就周圍去影左呢間, 設計咁特別既酒店呢!!
Maksim 同人家做完訪問之後, 就見到我地又開腳架又剩, 佢就即時問我地是什麼的媒體呢? 經過介紹之後, 知道左我地係香港Post76影音網站, 就好攪笑地問左一個問題…….”呢個唔會係一個即場LIVE出街的訪問嗎??” 呢個時間, 大家都笑起上來, 我地就答佢當然唔係啦, 而小瑟呢個時間心想, 我都好希望有一天可以做到即時為網友直播出專訪報導呢………..^_^
好勒, 講完笑, 快D黎同大家分享一下, 究竟我地問左 Maksim 咩問題呢??? 而佢呢隻新碟, 又會有咩新原素加入呢?? 好, 去片!!!
