不知不覺, 家中部最重要的 Sony A1 OLED 電視已經成為差不多二代前的產物(當然其實小瑟覺得仲好新啦^^”), 但試過部 A9F 之後, 的確係畫汁上真係有一點睇得到的分別, 尤其係個立體感同Detail位的確係令小瑟心痕痕地. 不過老實講部 A1 其實都好靚仔, 呢個時候, 竟然比小瑟得知 Peter哥有條專為『畫面』而生的電源線, 而且價錢都好抵玩…..係未有機會換電視之前, 呢小小錢抵比啦!!XDDD
美國 Harmonic Tech VD-10 影像專用電源線有什麼特別呢??
其實電源對器材影響可以話最大, 因為來源如果做得好, 器材就可以減小多一樣干擾, 無論音色, 畫面都一樣, 尤其是現在 4K TV, 投影機, 藍光機等, 都是大畫面高解像畫汁, 所以電源的重要性就更為重要呢. VD-10在線身的物料上, 特別開發出一種命名為 Conductive PVC 的屏閉物料，此物料是以PVC膠在成型前混合多種特殊金屬再包在線的外圍上, 另PVC都有微導電性, 此舉比一般金屬屏閉網更有效阻隔RF, EMF,等干擾, 而且廠方更是第一次運用此物料在電源線的屏蔽層上, 廠方測試過能有效使畫面層次更細緻，微粒感更少。
換線後感即時體現校果
換左 VD-10之後, 因為測試當日全日都開住部A1 來煲機㗎喇, 所以呢一插線嘅時候, 就已經即時體驗到畫面的改變, 小瑟用了兩隻4K UHD影碟來做測試, 分別係《John Wick 2》 同 《復仇者聯盟 3》, 先講《John Wick 2》, 車站一幕槍戰對打, 一開機明顯見到 John Wick 在水池一幕的窗戶, 白色車站的層次, 都有非常之不錯的立體前後感, 換左 VH-20 之後明顯在畫面的穿透力上, 已經見到有明顯的驚喜位, 水池中噴泉噴出的水中的白位唔好似之前咁, 只係得一團白白瘀瘀的. 白色的對比度有提升呢個係小瑟始料及不的. 再來《復仇者聯盟 3》, 幻視遇襲一幕, 印象中的黑位及其衣服中的紋理, 之前這個章節是比較多雜訊的, 但經過換上 VD-10之後, 黑位中的雜訊明顯減少, 而且當中的黑位的舒服度而且衣服上的紋理亦都 暢順了不少. 整體畫面的進步大概有 15%-20%左右, 不過大家可以放心, 這個絕對是不會誇張到完全沒有任何雜訊出現, 只是雜訊明顯地減少, 從而令畫面的清晰度, 立體感有所提升。
煲埋線係最正的
有時同 Peter 哥入手線材, 最開心的除左有提升之外, 佢地仲可以有埋煲線服務, 就以呢條 VD-10來講, 仲可以用佢地 TELOS V3.1 呢部量子煲線器為線材先做煲練的程序, 免除大家返去仲要經過慢長的煲練過程, 事關銀線真係要煲平時耐多一點點的, 一般來講最小都100小時先會正式出到線材的真正效果, 所以佢地有埋呢個服務比大家, 就真係可以一插即用勒!!!!
Conclusion：「線材都要講配搭，岩線放在岩的地方最緊要！」
小瑟呢幾日都有再睇下電視, 日常中最明顯變化的地方一定係光位, 依家望落整體都係舒服咗, 少咗一種”刺眼”的感覺, 呢點相信應該都係條線既”鍍銀”上出來的卑益呢. 玩電源線其實都唔係話任何一條有銀的線都一定岩所有器材用, 好似之前小瑟都試過用上一種銀元素的補品, 放左落小瑟部 Pioneer BDP-LX800 之後, 畫面雖然係靚咗, 咁聲音方面反而係會薄咗, 因為”銀”呢個原素對訊號中的高頻會作出優化, 在此起彼落的情況下, 就會需要有機會需要用其他設定或線材去就返平衡度, 所以線材既野, 絕對唔係一板一眼, 一本通書睇到老的呢, 小瑟都仲係學習中呢~^^”
◆ 零售價：$200/尺, 新貨首三個月以試用價$150/尺發售
◆ 可因應不同品牌電視代客安裝不同插頭
◆ 查詢: 2677-4722（Labkable）
