自從換左 Pioneer LX500 之後, 唔知咩原來, 隻SUB仔自己一開著, 但未有訊號進入時, 隻SUB仔都會自己發出 “胡胡” 聲, 雖然非常細聲, 不過絕對影響左小瑟睇戲時的感覺, 尤其係大音壓時, 低音變得非常混亂, 之後係科林搵過好多文章, 原來都有唔小師兄有同小瑟一樣的問題, 不過就一直不得要領, 找唔出解決方法, 最後, 上 Google 先知原來呢種聲係因為唔同器材之間的 “地” 位處於不同的電位差, 之後通過家中的一個交流電源形成一個好大的循環(Ground Loop), 所以就會係 SUB 仔度產生出來, 聽過可以用隔離牛, 又或者逐件有問題的器材找出來, 但因為時間關係, 真係冇時間逐件去找出, 所以最終就用一個最簡單的方法去解決佢. (小瑟呢個方法絕對係危險做法, 情況有如玩美式電源線一樣, 所以大家請三思之後再決定用唔用勒!! Post76不會負起任何直接或間接的損失呢!!^^”)
直接將 SUB 仔地線取走
方法好簡單, 只需要將地線取走, 所以的低頻電流聲即時消失, 呢個方法如果大家都玩開美式電源的話, 應該都唔會有呢個問題!!
改電涉及風險, 請大家自行評估風險呀!!
再一次提醒大家, 地線是英式電源的導線，用以保護在漏電的時候，將絕大部份電流經地線流走。所以小瑟此舉是最方便的做法, 但不代表係最治本的做法, 如果大家都想治本的話, 請嘗試找找你的每一件器材斷電的情況會有否改善, 最大機會出現問題的是線性火牛如 : NAS, ROUTER等等影響。
(*免責聲明 : 小瑟呢個方法絕對係危險做法, 情況有如玩美式電源線一樣, 所以大家請三思使用, Post76或任何人都不會負起任何直接或間接對此做成的任何損失!!)
(*免責聲明 : 小瑟呢個方法絕對係危險做法, 情況有如玩美式電源線一樣, 所以大家請三思使用, Post76或任何人都不會負起任何直接或間接對此做成的任何損失!!)
