原來今年銅鑼灣時代廣場又有高達展舉行，例牌都會成為一時熱話，今次「GUNDAM DOCKS AT HONG KONG III」 x 《機動戰士高達》 第3回展覽已經開始左了，開放時間由8月11日至9月2日，我地就趁佢開了幕，找來小兔同大家介紹一下啦。
今次時代廣場「GUNDAM DOCKS AT HONG KONG III」是以《馬沙之反擊》（機動戦士ガンダム 逆襲のシャア）宇宙世紀U.C.0093為背景，放在時代地下廣場的兩個6米高巨大模型就是阿寶的RX-93 ν GUNDAM（Nu高達）及馬沙的沙煞比（Sazabi），兩機開戰的場景，相信高達迷必定要去打打卡掛。
「GUNDAM DOCKS AT HONG KONG III」打機及精品區
另外二隻六米高達側邊，還有限量特別版模型、精品等等，高達迷必定多多留意呀，另外亦有試玩近期推出的PS4《Mobile Suit Gundam: Battle Operation 2》和《New Gundam Breaker》等遊戲。我們去到當日因為天雨關係就入唔到去呢，你地又有冇去到呢？？
大家打卡之餘，其實會場每晚下午六時都會有燈光匯演活動的，Nu高達及沙煞比的眼睛都加入了發光組件，機背的噴射筒還會發出藍光，配合時代廣場露天廣場的大型LED電視將會播放GUNDAM DOCKS AT HONG KONG III的特別影像，記得留意呀。
日期：2018年 8 月11 日至 9 月 2 日
地點：銅鑼灣時代廣場露天廣場
時間：每天下午6:00至下午10:00（每隔30分鐘播放燈光匯演）
＊燈光匯演會因應天氣情況或技術問題而可能取消。
