早排睇大家D POST都見有人講過呢個 LG BD370性價比好似好高, 尤其係佢5月時初出時都要 3千幾, 依家事隔幾個月, 呢D牌子既機都跌價跌得好快, 風習同百老會就做緊 $22XX, 但有網上店就做緊 $17XX, 而睇大家既回應同網上其他 FORUM既用家REPORT, 呢部野真係好似幾唔錯, 尤其係佢個價已經回左一個非常之合理既水平, 而大家都話佢完全直接一野就可以 KO PANASONIC BD30 三班, 小瑟買 BD30時雖然都係二手價入, 但都要 $3500蚊, 心諗千零蚊既機, 有冇可能 KO到我部 BD30呀??? 話哂我部機既 CHIP都係靚野來架喎……..就係咁, 小瑟知道有網上店岩岩返左大貨, 想搵人攪團購, 就係咁, 小瑟就膽粗粗走上去睇下呢部”話”高BD30二班既野, 究竟係點樣樣既呢 一_一!
上到去, 唔理咁多, 係咁椅介紹大家就轉入直路, 囉左部機影幾張外表比大家睇下先.
機後有8字頭電源線, 一定有既色差同RCA頭, 一個HDMI, 光纖, 同軸, 同一個 RJ45既 NETWORK插頭.
好, 開機睇睇先, 不過果間鋪內得部20吋既LCD TV仔, 畫面細緻度就試唔到真章架勒, 不過佢播左一D日本高清片比小瑟測試過, 的確個白平衡又真係做得幾準, 一定準過 BD30就真既, 事關BD30個畫面既白平衡 DEFAULT都 SET得幾暖, 要SET一輪先可以有比較準既白色出黎, 而以呢部 BD370來講, DEFAULT都有唔錯既白平衡, 都算交到功課架勒. 但畫汁同BITSTREAM就真係試唔到勒, 另外呢部機既功能的確係幾勁, 又可以接LAN線直上 YOUTUBE睇片, 又可以以DVD/USB直駁硬碟, 以讀FILE既形式食到 DIVX呀, X.264呀, H.264呀, 都全部可以食到, 係食唔到 RMVB, MOV果D比較小係網上作交流既檔案, 不過就MOUNT唔到字幕, 但部機既反應又真係快, 開機到可以入碟呢下野最快, 比BD30快2倍以上, 因為佢係可以推住盤咁開機, 同一時間做LOAD碟同BOOT機呢下野真係幾爽, 外型都唔錯, PLAY緊時機外既燈就紅色, 唔PLAY時就籃色, 非常靚仔下, 尋日玩玩下講真, 都真係想換左部 BD30佢, 事關佢仲行埋 PROFILE2.0 仲要價位只係 $17xx, 真係好吸引.
而部機就只可以PLAY到 A區既 BLU-RAY碟既, 而 DVD方面, 網上又或者店方都可以提供到更新 FIRMWARE去將 DVD轉為 ALL CODE, 呢方面估唔到 LG都做得幾快手!!
以下就係成套機內所包既野, 一條 HDMI線(當然係普通線啦), RCA線, 條, 香港行貨保用證, 說明書一本.
REMOTE反應都對辦, 同BD30差唔多, 不過 REMOTE都冇夜光功能勒.
一開機既主選單就係咁, 事關部機SELL多功能, 所以佢比定幾個 ITEM你選擇你想睇既野.
呢個就係我入左隻 x.264既 720p file DVD入去之後, 個 MENU SHOW到出黎既野勒. 而佢仲可以 SUPPORT USB HD讀 FILE, 咁就唔洗下下都燒碟咁煩啦. 而小瑟試過睇呢D HD片, 好正常, 冇窒格, 冇爆音, 一切都正常既.
而睇緊 BLU-RAY時, 一按 REMOTE個 DISPLAY, 就會出哂呢D INFO比大家睇, 老實講, 佢個 MENU真係做得幾好, 又親和, 的確係唔錯既!!!
到依家呢刻, 小瑟其實腦中都有不停諗緊好唔好換呢部 LG BD370, 機能其實我都好滿意, 不過BD30我上年先買, 小弟又家岩岩有左小朋友冇耐, 跟本都唔多時間睇戲……..種種因素之外, 小瑟都係一動不如一靜, 所以都係算把啦…………一_一”
不過小瑟就會以 POST76名義同店舖方面傾左一D團購既優惠比大家, 希望大家岩洗!!
詳細請留意團購專區既安排啦!!!
如果大家都想同其他版友交流一下AV經既, 請到以下網址啦:
http://www.post76.com/discuss/forumdisplay.php?fid=5
