係科林見到有師兄已經入手 A11, 心諗咁快就入到手既…..正喎, 小瑟一直都期待 A11 的雙 HDMI 面世, 雖然話 A10 的聲畫老實講, 睇藍光碟時已經合格有餘, 但係我地呢D身痕玩家, 又點可能會滿足於未到終極的感覺呢??? 所以在年中時同廠方傾計時, 得知原來黎緊會有 A11 的雙 HDMI 的出現, 已經講到明一有機請立即借小瑟來個快速試玩, 見到科林師兄已經入手, 小瑟就第一時間………….^^”
A11 開箱實物圖逐件睇
Egreat 方面反應都超級快, 小瑟一來個 Wechat 了解之後, 完來因廠方第一批的貨量超小, 而且在研發用了非常多的精力, 所以完全忘記了通知我 A11 已經面世, 不過唔緊要, 小瑟當然明白做一件產品需要處理的事項都不少吧. 唔打緊, 最緊要小瑟可以快D有得玩呢….XDDDD 就係咁, 上午大家溝通之後, 下午收工時竟然就已經快遞送到, 真係非常感動呀!!!!!!!!!@@” 昨晚收到 A11 之後, 二話不說就直接拿回家來試玩一番, 難得開苞, 又點會唔同大家分享一下開苞的過程呢!!!!
A11 和 A10 的埋身的比較實物照
小瑟的 A10 一直都服役中, 講到真係要試聲畫當然比用開的 Pioneer LX88 及 OPPO UDP-205 比下去吧, 但平時要睇戲方便及同家人一同睇下戲, A10絕對收貨有餘, 今次 A11 的來臨, 究竟二者有咩大分別呢??? 未正式開機之前, 當然要比大家睇下佢二個外觀上的分別先呢, 機身大細雖然可以話係完全冇什麼大分別, 但見到好多細節位置都有著不同程度的優化, 尤其以機殼的設計及金屬的更度都有強化, 這點都可以係下圖可以睇到呢!!!
升級前的小瑟家庭影院…….A11 正式入櫃開機測試
先同大家更新一下小瑟現在的影院配套先, 因為近來身痕指數都標升, 黎緊都會有D大改動, 希望可以不動聲色地慢慢更新家中器材, 如 4KTV啦, 喇叭啦, 線啦………..(@@”夢想中), 而現在小瑟的器材只係在電源處理及線材部份更新了一點, 小瑟近日加入左 SINE 的 A60-S 及 SINE 的電源線, 黎緊都會同大家分享一下聽感, 不過今次小瑟就先講返 A11 先, 今次接駁 A11 的方式是咁的….!
HDMI 1(畫面) = Kordz LUX 2M HDMI
HDMI 2(聲音) = Kordz EVX 2M HDMI
LAN (網絡線) = Cheap Cheap CAT6 Cable
無線Router = ASUS RT-AC68U
Power Cable(電源線) = 古河Power Evolution 1.8m
而小瑟現在用的都仲係 Sony 49″ X8300C 電視, Pioneer LX-901擴音機行 5.1.2 玩天花的 Atmos 系統, 同各位硬件版上的發燒師兄實在係九牛一毛, 不過小瑟已經盡力爭取, 而近日因為行為良好, 聽聞中央大人有意放寬一下, 讓小瑟升級一下家庭影院, 黎緊會係咩呢??? 大家拭目以待呢!!^^”
開機設定好再嘆戲 終於可以迫部電視行HDR了
唔知大家有冇小瑟呢個問題, 就係部 A10 係設定上, 唔可以 SET 到 A10 以 4K/24p 的解像度下, 以 4:2:0 / 10bit 作輸出, 要改為行 4:2:2先可以, 雖然都可以設定成直接使用 HDR 模式, 但心中始終都係覺得未夠完善, 好彩小瑟睇片都多數係藍光碟多, 4K的都會交返比 205 負責, 所以一直都冇再去研究呢個題課. 但去到 A11 , 今次在設定中第一時間就去設定一個 4K UHD 藍光最完整的規格, 睇下又做唔做到先, 竟然OK哂, 情況就同 OPPO 迫我部 X8300C 行 HDR 的情況一樣, 佢出的 4K HDR 可以完整地”喂”比 X8300C 了, 畫面的提升絕對唔係講笑. 非常滿足呢~^^”
開機測試二套電影 4K藍光一野KO A10……^,^
小瑟晚上 8:00 回家, 正式開箱影好相, 正式插好機測試時都已經係 12:00 零晨了, 聲音就唔可以好認真咁試, 但畫面一開出來都已經完勝 A10 的單HDMI輸出了, 小瑟依家主力都係用 OPPO UDP-205 做主機, Egreat A10 用來日常番睇備份碟時使用, 所以難免會同 205 比較一番, 昨晚小瑟試了幾套電影, 如藍光版的《John Wick 2》, 4K版的 《銀河守護隊 VOL.2》, 真心講, 畫面一出來的效果唔洗講野, 快速直接地將 A10 比下去, 可以用一野 KO 的形容, 整體的畫面顏色, 細節, 光位內有既光澤中含有細節, 需要出得舒服, 而暗位在小瑟的 4K Sony X8300C 內, 竟然都控制得非常唔錯, 呢點在熄哂燈睇戲時尤其明顯, 果一刻真係好感動好感動@@” 而下面的圖片小瑟是在全黑的環境下, 用 Sony A7II 的相機, M mode , 快門 1/125秒 , 光圈 F.5 ISO3200 , 定焦 50mm 鏡影, 再直接 Resize做 1920 X 1080 希望可以比大家感受小瑟見到的畫面(大家可以點擊相片放大), 當然同小瑟肉眼睇係仲有分別, 但盡做啦~XDDDD
聲畫分家後的 A11 的聲音又如何呢????
玩 A11 又點可以唔提音效呢??? 今早小瑟就等到家中小朋友全部返哂學, 屋企冇人的時間, 真正來一個聲音測試, 睇返《銀河守護隊 VOL.2》的開頭打怪獸一幕, 分家了就是分家了, 一開出來的背景音樂已經明顯地比 A10 來的幼滑, 高貴, 而且整體的氣氛感同包圍感都比 A10 好好多, 張力強了, 當然同 OPPO UDP-205 是仲有距離的, 但 A11 出來的效果再唔係比人感覺佢只係一部播放器, 而係一部中階價位的藍光影碟機, 呢點尤其在分離度上最以《銀河守護隊 VOL.2》中段飛機追逐戰一段, 數百架飛機左穿右插時全屋喇叭有條不亂的來來往往最明顯, 呢個位置之前小瑟在 A10 都經常試播, 其實效果絕對唔差, 但如果要比較的話, 音效上的餘韻, 空氣感及氣氛分野就明顯的比下去了. 但今次 A11 在音效上的確有絕對明顯進步, 又係果句, 『分家了就是分家了!!!!!XDDDD』!!!!
測試過程中的小插曲
雖然 A11 在表現上真係受惠於聲畫分家的優勢, 不過在軟件上就仲有不善的地方呢, 事緣小瑟第一次開機時, 畫面出到, AV AMP都食到有反應, 但聽唔到聲音, 同埋睇內容都見唔到食到 Atmos 的音效, 咁就好奇之下, 試試將 TV 的輸入轉去 AV AMP 的 HDMI輸入啦, 畫面就是藍色一片, 但竟然就可以有音效可在 AV AMP出得返來, 而小瑟就立即再將 TV 的輸入轉回 A11 的 HDMI 上啦, 咁就一切正常了, 其後再三反覆測試之後, 先知原來要將開機順序先開 AV AMP 和電視, 之後開好哂再開 A11 , 咁就一切正常勒. 就呢個問題小瑟當然要問下廠究竟係咩一回事啦. 佢地原來都發覺有呢個問題, 原來係目前的 Firmware版本程式處理 HDMI 程序上有優先定序的小錯誤, 所以佢地呢個問題已經納入下個版本的更新項目上, 好快就會可以解決呢.
Conclusion : 「雙HDMI的 A11 穩定度及系統成熟度比 A10 更勝一籌!!」
小瑟正式玩左 A11 其實都只係一晚+一個早上咁大把, 你問我部機仲有咩BUG我諗我真係話唔到你聽, 但小瑟都試過唔同 4K 碟係出到 MENU 正常, 轉字幕, 轉音效, 睇藍光, 都唔見到有什麼大問題出現, 穩定度同系統的成熟度比 A10 更勝一籌, 而且聲畫都明顯在 A10 之上, 尤其如果要睇 4K 藍光的訊源係有明顯的優勢, 而且今次 A11 的提升位都唔小, 例如佢無線網絡唔再需要用二條外置天線, A11 已經將天線內置在機箱之內, 仲有支援藍牙搖控, 方便左好多, 而且 Egreat 最為主津津樂道的一定係佢全自動海報牆的功能, 支持 NAS 的 SAMBA/NFS 掛載, 方便大家係網絡上存取電影, 而且今次仲轉埋 IEC 尾插, 係玩電源線時更可以得心應手, 呢D都係小瑟比較注重的主要功能, 因為小瑟買 Media Player, 絕對唔係希望取代任何一部 4K 藍光機, 而係希望將自己心愛的藍光碟 Backup 好, 再方便自己隨時欣賞. 小瑟反而開始想睇下點樣學大家咁, 將部 Media Player 安裝不同的 APPS 去睇埋 Netflix, HBO GO, FOX Player, Now Apps, 等我屋企二個小朋友同中央大臣可以更方便睇到佢地自己想睇的卡通同電影, 呢個將會係我下一步的目標呢. 當然小瑟亦會繼續試玩呢部 A11, 睇下仲有咩可以同大家分享同更新, 到時就會係返科林的帖子分享勒!!!!
