近期漫畫英雄片當道，真是一套接一套，雖然到呢一刻仍有個別未看過，但出品多咗，自然會有所比較，究竟近期邊位漫畫英雄當紅呢。呢次就由我，一個從未睇過 DC Comic 原作漫畫既人作少少觀後感，就由早陣子推出既綠燈俠開始。
因為未有3D器材，所以只以2D版本為藍本
2D 版本包括加長版
乜呢位唔係女主角咩
，點解導演咁浪費呀
雖然一眾版友極力推介女主角好靚女，但係比較片頭個位……….，不過佢都係支持我睇足全場既提神丹
開場無耐既空戰場面，聲效定位及包圍感充足
乜唔係所有超級英雄初出場時都要低調Ｄ咩，點解咁張揚
呢隻大怪獸得個大字，全無個性可言
原來綠燈俠有幾千位咁多，應該叫做綠燈軍團先啱
點解要主角單打獨鬥視差怪，其他綠燈俠去咗邊，完場先出黎
觀後感：
故事性～
以往小時候睇超人，雖然一貫戲情公式化及簡單 – 超人未變身前總是豪不起眼小市民，因緣制會下得到異能，堅負起保衛地球責任，當地球被怪獸侵襲時，超人總會變身打敗怪獸，令地球回復和平，每次總會睇得熱 血沸騰。但人長大了，經過很多漫畫英雄片洗禮後，這類公式化電影便不可再滿足自己。可惜，綠燈俠偏偏正是這類題材，全片戲情流於表面，每每可預知下一部份 戲情及方向，反而主角心路歷情描寫不足，大部份都係簡單過場作交待。怪獸視差怪完全等如一隻冇思想既大奸角；悲劇人物漢蒙博士心路歷程交待不足；青梅竹馬 女友嘉露與男主角感情戲青蜓點水；男主角荷爾無啦啦變身大英雄，過程真係咁都得等。全片故事過於平淡及公式化，為可同是漫畫英雄，可解與蝠俠、蜘蛛俠、變 種特攻等相差咁遠。
畫面音效～
相比起故事，呢方面自然優勝得多，因大部份畫面以特別效果為依據，可以天馬行空，雖然未到Ａ級示範作，偶而因技術（或資源）不足，令畫面感覺有假及灰浮感 覺，但整體仍可算合格。聲效方面，開首空戰一幕，速度感及包圍感十足。尾段正邪大戰，大軍壓景，機槍聲，飛入視差怪體人內撞擊聲等，雖然低頻有少少過火， 但偏好者又作別論。
據聞此片會開拍續集，希望到時導演編劇等搞好故事先，始終想睇一個有血有肉又會經歷成長英雄多於平面化又一朝武功高強既超人。
多謝收看
圖/文：SonSon
.
.
.
歡迎進入我們的影音玩樂討論區發表意見.
http://www.post76.com/discuss/viewthread.php?tid=91502
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢！！ ***
