話說上月團購 TaraLabs 左一對 RCA M3 線, 今日先正式拆箱囉出來玩, 事關上星期真係忙都冇哂 D 朋友, 今日的起心肝囉出來插係房內既 DAC MAGIC 再夾埋 AUDIOENGINE A2W上, 睇下究竟有咩反應先!!!
一開頭, 插入去都覺得有 D 難, 因為個頭大左小小, 上下頂住左, 不過都唔理, 插實左之後拿拿林囉隻雪狼湖 K2 RIP 版來開下聲先
聽親呢套 CAS, 唔知點解硬係 LIKE 用 “原來只要共你活一天” 的, 不過鐘意就係咁, 冇得講的, 好勒, 開聲……………..頂……..第一句, A2W 出到來既通透度, 竟然係可以純淨度高成咁, 陳潔儀小姐既 “我知道” 嘩………好正呀, 雖然小瑟既 CAS 系統真係好是但咁擺, 亦都會可以有一個真係好好既位置比我擺出對 A2W 出黎, 但竟然都可以比到我小小陳潔儀小姐去左個 MON 後面唱歌既感覺, 好正, 真係好正, 聽完分零鐘既歌仔之後, 心中已經決定, 將呢對咁珍貴既珍品 (對小瑟來說, 一對千玩身價既RCA 線, 已經係珍品架勒
), 放出聽比 OPPO 93 用先得!!!!!
快快手將部 93 插好左呢對線之後, 係 ONKYO 5507 上, 轉上 CD 聽下劉美君隻新碟先, 呢隻碟最愛就係聽第三首, “你把我灌醉”, 我比較喜歡呢隻碟錄音上, 取得一個幾好的平衡, 高中低都唔會太重, 插好哂開聲…………音樂一響開, 嘩……..好舒服呀, 背景好靜, 音樂出黎聲音線性好滑, 劉美君一開聲, 小瑟真係醉了, 真係想唔到, 一對 RCA 線, 可以另到本來 SETUP 只係 FOR 睇戲既 ONKYO 5507 + EMOTIVE XPA-5 竟然覺得有舒服既感覺, 真係萬萬估唔到, 不過始終喇叭位於都唔可以拉到出黎, 讓中間位空置, 要做出有好立體既音場, 係小瑟呢個情況下, 真係冇咩可能做到了, 不過係呢家呢個環境下, 熄哂燈, 聽下 CD, 真係一大享受呢!!!
本來已經對 TaraLabs 呢個牌子十一分有好感, 依家真真正正可以用過之後, 我只可以講, 我好想換哂手上既 XLR 線做哂 T記, 不過…………..分分鐘貴過部 XPA-5 呢!!!!!!
歡迎進入我們的影音玩樂討論區發表意見.
http://www.post76.com/discuss/viewthread.php?tid=88077
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
