4K UHD 電視都已經係街賣左好幾年, 一直都只聞樓梯響的 OPPO UDP-203 在美國各大討論區就有好多不同的流出照可以睇到, 但不嬲香港要買機都要等美國玩左一個月左右先會有機, 係呢個情況下我地香港的影音玩家一直都只係”睇”住人地玩而自己冇得玩, 絕對不是味兒, 但12月頭, 香港代理聲耀方面突然傳來消息, 頭一水的 OPPO UDP-203 4K UHD 藍光機竟然可以同美國差唔多同步地可以係街買到, 雖然第一批次的貨量小到冇朋友, 不過以小瑟所見, 76 的版友又真係好多都預訂左, 而今日 12 月 19 日, 就係首批預訂的買家正式取貨的日子, 小瑟就第一時間同大家來個開箱同寫真照, 等大家都可以見睹為快先哩!!!!
∇ 開封一刻永遠都係最正斗的呢^^”
∇ 如果有買過 OPPO 機的朋友, 呢一刻一定會好有似曾相識既感覺!!!
∇ 機內非常簡單, 一本 UDP-203的說明書, 一張 DVD ALL CODE的破解碟, 同一盒 OPPO 黑盒!!!
∇ 裝著 OPPO 4K UHD的袋, 大家就係為左呢個 4K ULTRAHD的字眼, 等到頸都長呢!!!!@@”
∇ 未開機前, 當然就要睇下呢個 OPPO 黑盒入面仲有咩配件送先啦.
∇ 登登登登………………..
已配備 Premium 認證的 HDMI 線材
基本配置包括 HDMI, 搖控, 電源線, 電池總共四樣野, 大家可能會覺得呢幾樣野我都未必需要, 電源線一定要換, HDMI亦都係一定要換, 當然如果你手上有D靚線的, 當然可以換上去啦, 不過小瑟想講, 就係呢條HDMI線同電源線我就咁睇個 LABLE 都知唔係是是旦旦執入去的, 就以 HDMI線來講, 佢呢條係得到 HDMI 認證的 Premium HDMI Cable Certification Program 認可的線材, 要得到呢個認可需要附合多項條件的, 就如完全支援 HDMI 2.0 規格, 解像度可達 4K@60Hz, 傳輸流量可達 18Gbps(需要傳輸 Dolby Vision必要), 支援 HDR (High Dynamic Range) BT.2020格式, 支持最高 32 條 1536Hz 的音軌輸出…等等, 多到我都講唔哂仲有咩過關先囉到呢個認證, 但最重要一點就係, 因為依家 4K影像的格式與規格種類真係太多, 所以再唔係好似以前咁是旦搵條線就可以出足哂所有的 4K UHD效果, 所以 HDMI 線一環就對相影響好大呢.
∇ 留意每一條得到 HDMI Premium 認證的線材都會有一條三維碼, 而每條三維碼都會有它自己的資料, 大家如果囉上手不妨玩下丫!!!
∇ 跟住就係搖控器一個, 同之前的各版本可以話係一樣, 冇咩分別.
∇ HDR 按鈕就獨立出來, 方便大家轉換.
∇ 係時間到佢真身出場勒!!!!^^”
∇ 今次 UDP-203 的外売再唔係一體化的設計, 反而分開左三件, 開頭都唔知咩原因要分開三件, 但開埋箱之後就知, 原來今代 UDP-203 已經內置了 無線 WiFi 的模組, 換句話說就不要需要外置什麼手指之類去令藍光機可收到無線網絡了, 非常正面的改善呢.
∇ 今代 OPPO UDP-203的光盤都非常唔同, 有了 OPPO 的 LOGO及有自家型號, 聽代理講呢個盤防塵及採用密封式設計, 無論係耐用度同抗震防干擾都做得比上代有不少的進步呢.
∇ 電源處理線路, 就咁睇一睇, 小瑟就覺得今次 OPPO D走線好似企理左, 冇之前的咁求其呢~XDDDD
∇ 雖然好多人都話如果要用 OPPO 聽埋歌, 買 05 系一定唔少得, 不過小瑟家中又唔係真係玩到影音分家, 其實都係用返藍光機來聽歌就算了, 對於呢一點 203雖然係細佬, 不過都照樣係一份數碼模擬轉換方面下了些功夫, 對於我地呢D小玩家來講, 可以用返 RCA 聽歌已經好好了!!!!
∇ 數碼部份就係呢塊版負責, 當然 UDP-203最為人津津樂道的自家影像處理晶片勒, OPPO 聯同 MediaTek 共同開發的 4 核心系統晶片 OP8591 處理解碼及HDR之類的動作, 非常重要, 小瑟本來想試下拆埋螺絲睇下可唔可以見到晶片真身, 點知………………
∇ 拆開之後都係蚊唔到出來的, 非常之咁實, 無謂整爛部機丫, 我又唔係錢多….所以!!!!~_~
睇完機身當然要睇埋開機畫面啦!!
其實係網上都可以睇到好多不同網站已經有 Po 到 UDP-203的新介面, 雖然改動唔算多, 但都叫比到人一種新鮮感啦!! 而當大家第一次開機, OPPO 就會即時提醒返你, 一定要去升級到最新的固件, 先可以得到最好的體驗(我跟佢篇文咁打架炸XDDDD)…… 當然你唔升都可以, 不過如果唔想睇睇下碟出問題既, 都係升左佢啦!!!!!XDDD
∇ 我地呢 D 多多事實既人當然就係走入 Setup Menu 睇下究竟有咩野 SET 架啦, 入去到其實都係同之前既分佈一樣, 有視頻, 音頻, 網絡設定咁, 小瑟就大既咁每個位置都入去影影相比大家睇, 等大家可以預計到呢部 UDP-203 有邊方面可以作設定啦!!!
∇ 來到 WIFI的位置又點可以唔即時設定一下呀????因為要升級個 Firmware 丫麻!!!
∇ 成功升級之後, 現時最新的固件為 UDP20X-29-1290, 唔知大家又係咪呢????
聽我講不如自己試【全港首發 OPPO UDP-203 4K UHD 藍光分享會】見!!
整個升級大既只係用左 2-3分鐘左右, 就已經完成, 非常暢順, 無任何問題, 但究竟佢升級左D咩呢??? 老實講我真係唔知, 不過呢D野升左一定冇死的, 而升左之後, 當然就係去到試機的環節啦, 但呢篇分享內, 小瑟就唔想咁快就分享試感, 因為今次小瑟想花多小小時間去同自己屋企部 Panasonic UB-900 4K UHD 藍光機作出一個小小的比較, 所以希望可以真係二部機都係家中用多D時間去睇睇先再下定論. 但其實大家都唔需要慢慢等小瑟點講部 UDP-203究竟出來的效果係點樣勒, 因為我地黎緊的星期四已經聯同香港OPPO的代理在旺角西洋菜街南 2T 添置商業中心 2 樓「專業影院」同大家來二場首發體驗會, 今次參加人數高達 100人以上, 而參加左又可出席的朋友就可以親身一試在原生 4K 的投影機上播放原生 4K UHD藍光碟的震撼性究竟有幾強呢.
OPPO UDP-203 4K UHD規格及發布詳情
由於小瑟唔擅長於打資訊性的報導, 所以如果大家想睇返 OPPO UDP-203 的一些官方數據及新機的發布資訊的話, 可以到下面我地其他兄弟做的 UDP-203發布的詳文就可以知道更多啦!!!
https://www.post76.com/wordpress/?p=119102
