2009年08月呢個炎熱既夏夜, 小瑟終於都家訪到本來7月就應該去既Raphael兄屋企, 點知因為一件轟動整個 AV界既Onkyo 876事件(詳情請CLICK我瞭解), 最後, 成個家訪活動就拖到去8月中先有機會上去, 小瑟今年家訪唔多, 上一次家訪 LEMONSTAR兄既豪華屋苑, 今次又再黎一次, 原因就係, 原來 Raphael兄家住既私人屋苑, 就係正正係 Lemon兄既同一屋苑, 仲要佢地係同一個住宅大堂, 真係世界真係細小小小勒….^^!
我地先黎睇下 Raphael兄器材表先🙂
TV : Sony Z 系 52 吋
Amp : Onkyo 906
BD Player : Pioneer LX-71
Front : Wharfedale EM-91MK4
Center : Monitor-Audio BR-LCR
Surround : JBL CS-600SAT
Sub-woofer : Audica CS-SUB10
Front-Speaker Cable : Accuracy SPS 1525
Power Socket : SINE 白金版 -196 c 美式插頭 X 2, 另外一般牆身英式插頭 X 3
Power Center : Monster Power Center HTS1600
今次既家訪活動, 除左小瑟之外, 其實仲有好多好多既POST76兄弟都有到場架, 今次整個家訪成員名單包括有: 小瑟, 雷因, wil-wil, avmilk, hintel, maner394, lemonstar夫婦, matta722夫婦, 大家睇到呢個陣容都知道, 呢次既家訪難度好高, 難在咩呢?? 難就難在, 咁多攪笑份子係度, 大家都掛住吹水同玩, 又點可能會正經校機呢~~~哈哈…..不過, 我地係非常專業既校機團隊, 我地點都會做返D野既, 呵呵…大家等睇啦…….好戲在後頭呢~~~呵呵!!!!!XDDDDD
一進入Rap既大宅…..譁…….AV友既理想空間呀, 一個長長又夠哂闊既大廳, 放左一張二人梳化, 之後一部 52″ SONY既 LCD FULL HD大電視, 一張玻璃面既大茶機, 一個度身訂做既 HIFI櫃, 當關上時完全將所有既器材都收得密密實實, 真係非常之雅緻整齊, 依家玩 AV既朋友, 大多都已經唔會好似以前玩 HIFI咁, 將器材 SHOW-OFF哂係眾人面前, 而係將整個屋企既設計同影音既器材融入生活, 足見 Rap兄係一位對生活質素非常之有要求既人呢!!!!^_^
大家可以見到 Rap兄既喇叭組合中既 Subwoofer, 係非常之有性格地靈靈舍舍咁放左出黎, 其實原因就係因為個 HIFI櫃既設計係需要搵開度門升塊板上去, 所以, 個 Subwoofer就只可以用呢個方法擺放勒.
當小瑟一入屋, 就比呢張咁正既 OSIM按摩椅深深咁吸引, 難得有個廳可以放左成大張按摩椅係度都仲有咁多空位剩, 真係羨慕死小瑟呢….
大家可能係呢個時間都會問, 個廳咁簡約, 究竟D影碟會放係邊呢???呢個時候, Rap兄手指一陣, 就將整個德發光頭仔既鋪面, 除除咁係眾人面前程現出黎…….大家可能想像到……10幾個人一齊”譁”出黎果下野, 再配合埋呢個咁壯觀既畫面, 係幾咁另人O 哂咀呢!!!!@o@
好勒, 鏡頭一轉, 我地又返返黎前檯位置, 好小可個Subwoofer可以係一個咁易比我影到插線位既位置, 小瑟當然就同佢黎個特寫先啦, 大家唔好睇呢個Subwoofer好似好大咁, 一定好貴, 原來呢個Subwoofer只係需要一個非常之相宜既價錢(平到你唔信呀….XD), 所以話, AV既野, 平有平玩. 貴有貴玩, 如果一下子就買咁貴, 就冇左升級既趣味呢!!!…XD
你睇, 我影完相第一句, 就同Rap兄講……..[Rap兄, 呢個 Subwoofer唔洗開聲住架勒, 我知道有一樣野一定可以做左先, 就係換左條電源線先呀, 哈哈”………呵呵…雖然連聲都未開, 不過一見到呢個原裝香雞8字腳既電源線, 已經知道, 一條 Northwire 18A既電源線, 絕對係 Rap兄第一個必然選擇呢~~~XDDDDDD 請大家原諒我咁黑人憎, 但係, 我真係真心想 Rap兄好呢~~~~^^!
之後就同前置三兄弟影張相仔先!!!!
之後就正式拉開個影音櫃睇睇先, 整整齊齊, 非常之有條理既擺放住一部部既器材, 而一睇就知, Rap兄絕對係一個打機迷, 事關佢有齊哂市場上三部主要既遊戲機WII, PS3, XBOX360都係哂手, 真齊料. 而BLU-RAY機方面, 就係市場上都非常熱門既 Pioneer LX71, 而 Amp方面, 我諗好多人都知道 876 事件之後, Rap兄係換左部頂級型號Onkyo SR-906既, 大家都應該對 906已經十分熟悉呢^_^, 之後就到一對JBL既後置喇叭勒, 成枝香檳杯咁, 真係型仔到呢…..
我地今次先囉左 Rap兄屋企有既三套藍光影碟來試試先, 一開始就先用左蜘蛛俠第三集來測試一下先, 例牌就入一入 AV AMP既 MENU睇一次先, 睇下基本既設定有冇唔妥當既地方.
我地一開始又係用左蜘蛛俠3中小綠魔既一段, 想試下Rap兄部機本身有咩問題先, 之後我地校機專員[avmilk]就先試下將喇叭既位置調校一下先, 將音場做好返小小先……之後就入去LCD既 MENU同 AMP既 MENU調校一番. 而係試戲既中途, 出現左一段小插曲, 話說當蜘蛛俠同小綠魔大戰其間, LCD既畫面無啦啦熄左, 咩聲都冇哂, 而係呢個時間, 就只有 avmilk手上囉住個 906既 Remote, 呢個時間, 眾人10幾對眼都不其然望住 milk兄, 而佢就一幅無耐既樣子…….因為佢咩都冇攪過, 之後經Rap兄解釋, 其實原來係部 SONY既 LCD唔知咩原因有時會無故 HANG機, 所以先會無啦啦咩都冇哂………:-P 真係估佢唔到呢~~~~XDDDDD
好勒, 黎到呢度, 可能大家都已經入哂迷, 而今次我地既家訪活動, 只係黎到一半既旅程, 之後究竟發生左咩事呢?? 點解無啦啦家訪又會一眾兄弟舉杯慶祝呢??? 而線王就係呢次既校機活動上, 表演左一次佢既絕招比大家欣賞, 究竟又係咩來架呢??? 請大家真係比小小耐心小瑟, 等我可以慢慢同大家寫埋下集比大家欣賞呢!!!!!^_^
下集終於起貨, 大家慢慢欣賞!!!
