去到三樓呢個非常之大的展區雅詠音響, 佢地都展示左好多不同的產品, 包括有 Soulnote SC300 CD機及 SA300合併式的擴音機, 都係會場做緊特價優惠. 另外 SD300 座枱解碼連耳擴, USB 仲可以支援 DSD128, 支援無線接收, 出面街賣 HKD$7490, 會場特惠價 HKD$4888, 真係抵到冇哂朋友呀, 另外亦有其他品牌例如 Ansuz Acoustic Cable X-Series, 丹麥 High End 線材首次推入門級型號等等, 都係HiFi發燒友必入的展區之一呀!!!
∇ 3A呢間房內, 放出了 Raidho Acoustics D-3.1 呢對人咁高既喇叭, 以MC MONO推動, 小瑟之前係佢地中環 ShowRoom聽過, 果次得二個人係房仲要坐係皇帝位聽鄧麗君香港伊利沙伯體育館演唱會, 真係好難忘, 雖然鄧麗君只係係度講野, 但就真係好似有個人企係小瑟面前, 真係企係面前果隻, 小瑟想像到一套真 Hi End的系統, 係點樣另到你舒服到訓著…..@@”∇
∇ 呢對 ATD Admonitor Premiere 又係一聽難忘, 話說有次有機會上雅詠搵 Bird哥仔傾計, 上得去當然唔會放過機會聽下有咩好野啦, 咁岩佢就放左對 ATD 係度, 二話不說就是旦選左幾首爆棚野來聽, 有一段又係好深刻, 因為一對咁細既書架喇叭, 估唔到佢量感可以咁大, 定位同空間感可以出到大喇叭出來的氣勢, 尤其鼓聲由左至右拍打出來時的效果, 真係非常之咁正…….當然佢又係同 MC MONO做後級推佢啦, 不過雖然話用MC推, 但出到咁大既音壓都唔走樣呢對ATD 都算勁!!!
