老老實實，入場睇的主要原因係想睇 Thirteen 的，唔知邊個係 Thirteen ? 佢09年打贏 Megen Fox 成為最性感女星你都唔知？ 咁平時有無睇開明珠台先？ HOUSE 入面其中一個女角呀，明珠台你又唔睇？ 咁 Tron 你有睇了吧？ 都唔知？唔緊要，自己上網 Search 啦，佢果名叫 Olivia Wilde，今集的女主角，有全裸兩秒咁大把的！
好啦，笑就講完啦，睇西部片，除左睇女，當然主打睇型男，新007 的丹尼爾基克 ，你睇海報都知佢型啦，套戲入面直情型到我好地地一個男人入場睇女，我都覺得佢好鬼型，跟本就係西部版007咁，寸寸貢的反應，一唔出手，一出手三秒KO你，加上老戲骨夏里遜褔，只要你喜歡睇奪寶、007、之類的戲，你都無可能唔入場睇，加上打異型，西部Feel，唔打得都睇得，如果你最近有沉迷過Game界大作Red Dead Redemption的話，入面的西部場境你就更加要入場睇啦！
故事方面，無特別，叫無悶場咁，老老士士一村人入面，有幾個人比外星人捉左去，大家都有自己唔同原因的情況下集合起來去打外星人救人，外星人因睇少地球人而被成功突擊，大團圓結局，中間講下友情、親情、愛情，所以講故事的話，只能用老土來形容，不過老土唔代表唔好睇，起碼戲情合理，除左開頭戲情推進太慢外，之後都無悶場，有笑位，不過頂唔順係唔係都zoom out zoom in睇主角擺 pose的人，可能會有d悶都唔奇，因為都幾多咁的情境的，主角丹尼爾逃走時都要執埋掉左落地果頂帽的，真係貪靚到爆！
聲畫方面，我係銅羅彎MCL睇，戲院本身唔算突出，但勝在大銀幕，坐得舒舒服服，唔會比前面的人阻著，有爆炸位、有飛機位、爆機位一般，唔好太大期待，畫面方面，因為經常都係沙漠位，鏡頭唔係特別高清，異型的CG唔算特別好，屬二線製作，但近鏡造型仍然非常出色，喜歡儲Figure的朋友緊記入場，睇定買幾多隻都好，三位主角加上異形，儲定錢吧！
以暑期尾聲上映的戲，有咁強的氣碼，整套戲我會比75分，不妨入場欣賞，雖未到經典大作，但西部牛仔打異形，感覺真係好新鮮，唔係來來去去打打打咁簡單，係一套非常有趣的西部電影！
天煞西部反擊戰 [HD] (全新港版預告) Cowboy & Aliens (New HK Trailer)
歡迎進入我們的影音玩樂討論區發表意見.
http://www.post76.com/discuss/viewthread.php?tid=83080&highlight
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
