今時今日, 我地新仔買玩具, 都必定會到旺角走一轉, 但自問新加入這個影音毒海的版友們, 又必定會擔心去旺角影音店, 一個唔小心, 行入一間『唔買冇得試, 試左諗下都唔比的影音鋪』會點算呢?? 到時真係「貼錢買難受加換來一肚氣」. 而去得旺角, 影音玩家們都必定行落著名的影音地庫「德發商場」來朝聖一下, 而行落地庫第一間店舖的『Michael’s Audio 名線屋』必定比到大家一個既神秘, 但又好鬼毒的感覺, 因為「Michael’s Audio」門口又多毒品, 但地利環境又比人非常神秘的錯覺, 究竟「Michael’s Audio 名線屋」點樣可以做到『專業服務真誠態度』呢? 不如就等我地影音超新手 Paris 猜大家去買野了解下啦!!!
大家一同來睇下店長 Michael 會為 Paris介紹 D 咩野玩先?.
今時今日要專業及真誠的優質服務方可留住影音玩家的心
平時落德發地庫朝聖, 都會見到不少外國遊客特意到此狩獵筍貨。而德發商場的地址亦都非常就腳, 就係西洋菜南街奶路臣街入口, 行兩步就會見到德發商場的入口, 而多年來的影音旺點正正就是直落第一大鋪 『Michael’s Audio』. 唔講唔知, 原來店長 Michael 不但唔係大家想像中的兇神惡煞, 反而是一位細心又親切的店長, 而且佢會先了解客人的需要後方會推介合適的產品, 而且因為 Michael 在旺角打滾多年, 早已知道只有一個永恆的待客之道, 就係『專業●真誠』方能長做長有, 現在好多在 Michael’s 幫襯過的, 都會由客人變為朋友, 而大家更會將身邊的好友帶來同 Michael 大談影音經, 自己吸毒時又可毒埋老友, 一舉二得.
優質服務，就是『做到的，一定會盡全力去做。』
Michael’s Audio 之所以能成為區內首屈一指的影音店背後的原因除了是貨種齊、店員講解詳盡外，最強的當然就係其將心比已的貼心服務啦, 買影音的朋友通常都會非常心急, 一來家中的中央大臣有時因應心情而批出即日批文, 呢個時候大多數的玩家都會心急地想即時將想念多時的「玩具」盡快接入家中, 呢個時候, Michael’s 就可以為大家提供即日送貨服務. 試過有一次客人下午四時決定購買一部AV擴音機, 之後安排由 Michael 代為送貨, 未到下午六時, 運輸哥哥已經致電客人已到樓下. (當然此服務都需要夾到貨源及地點方可成事) 他們的目的都係希望為大家想多一點, 可以做到的服務都一定會盡力去做就是 Michael’s Audio 對客人貼心服務的最大特色。
影音玩家入門建議
店長 Michael 指他們一般會按客人的預算作考量，並會從客人的聆聽習慣和口味去推介最合適的播放組合。而且，在揀岩了心水播放組合後，一定需要開機慢慢試聽方可以了解自己的真正口味。另外每人家中環境都不盡相同，要知道如何在自己的聆聽環境中得到最大的效果，多跟店員分享自己平時聽什麼音樂，看什麼電影習慣就最易找到岩自己收聽的影音組合，而且最好的當然是帶上平日自己最愛聽的唱片及影碟到店中實試一下心儀器材就更加係最好不過啦。而為讓大家可以更舒適地試聽，店內還有兩個試聽區域可以俾大家慢慢試聽，協調好細節後先下最後決定。
影音播放及擴音機區
Michael’s Audio 的店內可分為四大區域。舖頭門口右手邊的陳列櫃，此櫃陳列了各類播放和擴音機，林林總總的器材在此櫃中上鋪排有致，揀岩心水後就可以到右手邊的試聽區域做開聲實試啦。
影音試聽區
Michael’s Audio內的試聽區域有兩個，一個為於陳列櫃則，另一個就是Hi End發燒房。店方中央位置的 AV 試聽區域，所有的家庭影院，兩聲道喇叭器材都可以在此處駁線開聲，想試咩開句聲就可以了。
∇ 試聽區很多喇叭擺設了很多已駁好線，一聲令下即刻可以作實試。
∇ 店內還有一座「喇叭山」，原來一堆喇叭疊起來可以咁有霸氣。
兩聲道發燒房
除了AV試聽區，店內還有一間兩聲道的 Hi-End發燒房。如果要試真心水器材，或者怕開得太大聲嘈到人，關實門自己慢慢試就最岩啦。
發燒線材區
位於發燒房門口對出的兩個玻璃櫃為線材櫃，有訊號線、喇叭線到電源線等都一應俱全，想一套心水組合發揮出最佳聲畫效果，線材這個環節一定唔可以忽視呀。
堅持專業及真誠的服務態度方為長久之道
Michael’s Audio之所以在旺角這個影音界卧虎藏龍之地能站得住腳多年, 絕非只得一招「價錢平」就能足以取勝，售前之影音意見，售後的交帶服務，方係佢地多年來最為顧客一直支持的最大原因。佢地深明大家買玩具當然都希望可以買到最抵最平之貨品，但如果更平的產品買回家後方發覺不是最杯茶時，反而對店鋪的形象留下一個負面的印記，所以 Michael’s Audio 整間店舖的宗旨多年來都一直以『堅持專業及真誠的服務態度方為長久生存之道』，相信這個永恆不變的宗旨如果有幫襯過他們的顧客一定身同感受呢！！
「Michael’s Audio 名線屋」點去 ?
地址：九龍旺角奶路臣街6E德發商場地庫10號舖 (旺角地鐵站 E2 出口)
電話：(852)2770 0033
營業時間：11:30AM – 9:30PM
