Apple 喺香港時間 3 月 24 日晚公佈，USB-C 版 AirPods Max 將喺 4 月有全新韌體更新，加入咗好多 Fans 期待嘅 24bit/48kHz Hi-Res音訊同超低延遲功能。呢次更新會同 iOS 18.4、iPadOS 18.4 同 macOS Sequoia 15.4 一齊出，免費提供比現有用家，無論係音樂製作人定音樂愛好者，都可以享受到錄音室級音質同即時影音體驗。
今次升級大家只需要用 USB-C 線連接 AirPods Max就可以 保留到音訊細節同動態範圍，喺 Apple Music 聽歌會有更豐富層次同清晰度，好似用緊有線監聽耳機咁。超低延遲技術仲提升咗影音同步同遊戲音效反應，睇劇、打機同開視訊會議都啱晒。更新仲有「個人化空間音訊」，配合頭部追蹤同 Dolby Atmos，音場更立體，不過要用有 Face ID 嘅 iPhone 設定先可以用到。而且暫時只有USB-C版本支持有線 Hi-Res接收，之前的Lightning版本就應該不在更新的範圍了!
AirPods Max USB-C版本目前有午夜暗色、星光色、藍色、紫色、橙色。共有九個咪高風，用上Apple H1 耳筒晶片，支援Adaptive EQ 功能、ANC主動降噪、Transparent mode與Spatial Audio功能，再配備 40mm大動圈驅動單元同獨特的雙釹環形磁鐵。香港官方售價為HK$4,599。相信大家都會期待升級後的表現！
