特別版 AirPods 4 的設計靈感源自傳統中國裝飾藝術，外殼雕刻了蛇纏繞如意的圖案，寓意新年的好運與願望實現。這亦是 Apple 連續第五年推出農曆新年特別版產品。規格方面，AirPods 4 採用 H2 晶片，提供更強大的性能，支援 ANC 主動降噪與空間音訊功能，帶來沉浸式音樂體驗，實用性十足。唔知你又會唔會買來當新年禮物送比朋友呢？
小瑟之前都試玩左 Apple AirPods 4，今次 Apple AirPods 4帶嚟多項革新功能，音質、操作，甚至續航表現，都有顯著提升。全新 AirPods 4 採用低失真驅動單元 同 高動態範圍放大器，音效更清晰細膩。配備強大嘅 H2 晶片，提升運算能力，帶嚟更高效嘅音效處理，支援Dolby Atmos音效。AirPods 4 達到 IP54 防塵防水等級，提供 USB-C 與無線 Qi 充電 支援。續航方面，標準版單次使用可達 5 小時，降噪版則為 4 小時，兩款型號總續航時間均達 30 小時。
AirPods 4 蛇年特別限量版售價不變。分別為標準版 HK$1,099，同降噪版 HK$1,499。
💥小瑟評測 : 第一次試玩 Apple AirPods 4 主動降噪耳機！
