今次活動，英國知名音響品牌KEF帶嚟咗全新Q系列喇叭，澳門嘅朋友一齊見證住Q Concerto Meta呢對三路分音書架喇叭，成功以Classic Reborn概念重現1969年嘅經典聲效。而且，新Q系列嘅多款喇叭，包括Q1 Meta、Q3 Meta書架喇叭；Q7 Meta、Q11 Meta座地喇叭；Q6 Meta中置喇叭；Q8 Meta反射喇叭；同埋Q4 Meta掛牆喇叭等等，完全滿足咗大家喺家庭影院同立體聲音樂系統嘅多元需求！
活動中，小瑟除咗解答咗版友哋對新Q系列嘅疑問，仲深入了解澳門版友們多元嘅聽歌習慣，尤其係近年大熱嘅串流平台體驗。配搭Hegel擴音機嘅Q系列喇叭果然冇令大家失望，試聽效果充滿層次感，廣受現場參與者好評！活動尾聲，KEF仲為出席嘅朋友準備咗多款小禮物，而壓軸大抽獎亦成為咗全場高潮！
🥳感謝各位支持同參與，期待下次再同大家分享更多影音新體驗！
