SOULNOTE將會於7月、8月推出兩款新機，分別為第三代兩聲道後級放大器「A-3 Core」。以及專為DS Audio光唱頭專用嘅唱頭放大器「E-3」。
A-3 Core係A-3合拼式擴音機嘅純後級版本，大家知道A-3嘅設計等如將P-3加上M-3兩部，所以A-3 Core視為兩部M-3合拼設計，可想而知佢有幾厲害。
當中包含咗好多同廠嘅成名技術及設計，例如左右聲道地線完全分離技術，全平衡對稱設計，無回輸電路、最小化大電流迴路等等。擴音採用強大嘅TO3電晶體作單端驅動SEPP電路，從最低頻到最高頻都能實現清晰嘅音樂重現。
雖然無前級線路，但仍然配有三個電源變壓器，同是無含浸透式環形電源變壓器，當中擴音線路用兩個700VA輸出，跟A-3係一樣，最高輸出力亦係相同，喺4ohm下每聲道可以達到120W，頻率響應由2Hz到200kHz。
而另外一部E-3係專為DS Audio光電式唱頭設計嘅唱頭放大器，左右聲道完全獨立對稱式設計，專為光電唱頭設計嘅New Type-R無負回輸平衡放大電路，電源系統包括左右獨立嘅大型環型變壓器及為光電唱頭內嘅LED燈用電源變壓器，總輸出可達500W用，但唱頭放大器只耗用19W，只為提供更穩定嘅音樂重現。
E-3支援電源分離式光電唱頭轉專用線嘅設計，配有XLR輸入端子，進一步提升光頭嘅訊噪感同動態感。
A-3 Core同E-3均將於7月和8月分別上市，售價分別為1,408,000日圓和1,650,000日圓。
