Google 喺剛結束嘅 I/O 大會上發表咗大量新產品和改進，其中包括為 Smart TV 系統嘅升級更新！現時全球已有超過 2.2 億個預載 Android TV 嘅播放裝置，數量非常龐大，按年增長更達到 47%！
至於 Google 日前推出嘅 Android 14 TV 更新主要針對 Smart TV 嘅性能做提升，加速操作介面反應，新增多項無障礙功能，如文本增強選項及功能導航等！畫中畫模式將會引入更多 Smart TV 型號，可以同時兼顧播片及其他應用程式操作需求。新節能模式亦有效控制待機時嘅功耗，更有效延長電視機壽命！再喺環保及耐用度方面達至雙贏！
