港產片發威，又點可以唔提《阿媽有咗第二個》呢套電影? 導演「彭秀慧」，演員有「毛舜筠、姜濤、柳應廷（ＪＥＲ）、珈其、麗英」，電影雖然已經在 Disney+上架，不過如果可以保留一隻實體版影碟，未來都一定會拿出來慢慢欣賞！況且屋企都有兩個 Mirror Fans…..雖然唔係正正是「姜糖」，但小瑟對姜濤係有一份唔同的感覺的！！話晒第一次拍電影，點都要支持下呢！😁
故事由多年前，曾一手捧紅多位巨星的歌手經理人美鳳（毛舜筠飾），婚後選擇全面告別職場，專心相夫教子。如今，她的兒子子軒（柳應廷飾）即將到外國升讀大學，美鳳決定重出江湖，以尋回人生的價值。一次偶然機會，美鳳認識了在茶餐廳送外賣的方晴（姜濤飾），發現他在演藝方面極具潛能，於是決心推他走向舞台。果然，短時間內方晴就成功成為大眾偶像，令美鳳在職場上再度發光。然而，方晴的孤苦身世激發了美鳳的母愛照顧，卻令兒子感到被冷落，揭開了母子長年未解的感情裂痕。
首批發售的《阿媽有咗第二個》特別版將附送A3方晴踏上舞台版三順摺海報
這個特別版商品包含以下物品：《阿媽有咗第二個》Become a Star Special Edition藍光影碟（方晴踏上舞台版碟面） x 1，《阿媽有咗第二個》Become a Star Special Edition DVD影碟（方晴踏單車外賣仔造型 x 姜濤簽名版碟面） x 1 -《阿媽有咗第二個》紙版御守連套摺 x 1 -「給方晴的信」啡色信封 x 1，連《阿媽有咗第二個》精美電影劇照咭 x 5 -《阿媽有咗第二個》電影主題曲《風雨不改》歌詞咭 x 1
「姜濤」這個小朋友．．．．
的確小瑟係幾欣賞「姜濤」這個小朋友的。其實就係「造星一」開始，佢既一舉手，一投足。的確係有星味的。雖然中間佢都有錯過，年少輕狂了一點點。不過香港多年的娛樂圈不是由他幫手帶來新景象嗎？如果你覺得唔係，唔關事，咁其實都唔緊要，因為真係冇野好拗的，明星就係咁，當年四大天皇都有人話唔知似乜！依家咁多年之後，華仔，城城，學友，就連話得個樣的黎明，依家都已經係神檯級了！
Blu-Ray藍光影碟規格：
- 語言：粵語、英語（部份）、韓語（部份）/ 國語、粵語（部份）、英語（部份）、韓語（部份）
- 字幕：繁中 / 簡中 / 英文 片長：126 分鐘 + 27 分鐘（特別收錄）
- 光碟數目：1
- 音效：Dolby TureHD 5.1
- 銀幕：Full HD 1080 寬屏
- 片種：劇情 / 溫情
特別收錄內容： 1）預告 2）先行預告 3）Music Video《風雨不改》 4）製作特輯（電影說的話 – 女人的價值 / 演員和角色 – 作為一位演員 / 電影說的話 – 電影對觀眾的話 / Making of teaser 先行預告製作特輯） 5）特別片段–彩蛋 6）首映現場片段
DVD影碟規格： **另特設粵語口述影像聲道
- 語言：粵語、英語（部份）、韓語（部份）/ 國語、粵語（部份）、英語（部份）、韓語（部份）
- 字幕：繁中 / 簡中 / 英文
- 片長：126 分鐘 + 27 分鐘（特別收錄）
- 光碟數目：1
- 音效：Dolby EX
- 銀幕：Anamorphic Widescreen
- DVD種類：DVD-9 區碼：3
- 片種：劇情 / 溫情
特別收錄內容： 1）預告 2）先行預告 3）Music Video《風雨不改》 4）製作特輯（電影說的話 – 女人的價值 / 演員和角色 – 作為一位演員 / 電影說的話 – 電影對觀眾的話 / Making of teaser 先行預告製作特輯） 5）特別片段–彩蛋 6）首映現場片段
「Blu-Ray單碟版」最特別的地方。。。。。
呢隻版本簡單好多。內有一隻《阿媽有咗第二個》藍光影碟，而且有電影主題曲《風雨不改》歌詞咭一張。最特別係**首批影碟更隨機形式附送。《阿媽有咗第二個》御守(乙個) 或《阿媽有咗第二個》茶餐廳落單紙簿(乙本)。今次小瑟就有＂茶餐廳落單紙簿＂，感覺好正呀！
總結 : 『雖然已有串流, 不過…….支持的都總要支持的!』
雖然呢套戲已經在 Disney+ 上架, 不過因為碟內有多款值得收藏的小禮品, 作為姜糖相信都已經入手咗。而呢套戲亦都成為2022年度10大全球電影香港票房排行榜第9位及華語電影第3名。更加獲得第41屆香港電影金像獎四個提名，包括最佳女主角「毛舜筠」、最佳男配角「羅永昌」、最佳新演員「柳應廷」及最佳原創電影歌曲《風雨不改》（姜濤主唱）。已經在多個國家都有參展或得到各樣獎項。
其實呢套戲來講. 姜濤係做得比較青澀的。好明顯佢本人都係一個比較慢熱的人, 不過經過上年同今年年頭的”經歷”, 真心都想佢快D長大嘞, 唔鐘意畀人話”B”, 咁咪做畀人睇唔係”B”囉, 每樣野都默默都收聽左, 接受左, 好快就會收到更多加人的支持。老實講, 姜濤係有星味呢個係”全民造星”時已經見到, 不過當時佢係黎明…..比較得個樣. 不過世界既野, 就算個時代點變, 日久始終都會見人心, 只要初心唔變, 做自己之餘又可以唔洗太自我. 好快大家就會明白, 就會接受。其實佢地成隊 Mirror 都算好好運架勒. 始終都好多 Hater, 不過好好彩支持者數量比更Hater數量要多, 中間的遊離分子(如小瑟), 多數都係睇好佢地的. 只係希望……..佢地可以努力, 爭氣, 比耐性就好了!!!
