大家由細到大入戲院都係用大銀幕及投影系統睇戲，你又有無諗過世界上仲有其他選擇？繼Samsung之後，LG近年都開始將其LED屏幕技術「Micrclass」擴展至戲院，美國、法國、台灣後，今年將進軍西班牙，為包括馬德里和巴塞羅那在內10多家戲院安裝 Miraclass LED屏幕！
Miraclass現時擁有不同尺寸及解像度選擇，與一般戲院使用的投影放映系統不同，LED屏幕自體發光的特性擁有更出色的對比度、色彩準確度、均勻的亮度表現，可以為觀眾帶來更出色視覺享受，加上最高300nit的亮度，顯示3D內容更有優勢，亦可因應用途在開燈的環境下使用。不過目前香港就未見有院線引入LG Miraclass，想睇睇同傳統放映系統的分別，下次去旅行不妨plan下！
