有睇我地片既朋友應該都知, 市場上最常見既有綫變無綫耳機互換方案，就係為耳機添加一個藍牙模組，令耳機可直接接收藍牙訊號！不過本文同大家做開箱實試既呢對 Nakamichi Elite Pro TWS 600，就反其道而行，自身已經係一對真無綫耳機，但又可駁返實綫播放！Nakamichi Elite Pro TWS 600 採用混合單元設計，内置一個 1 圈 2 鐵 8mm 混合單元，頻率響應為 20hz-20Khz！佢内置 Qualcomm QCC3040 晶片，支援藍牙 5.2 及 aptX、AAC、SBC 等傳輸！大家可利用 MCCX 實綫將耳機接駁至手機、DAP 甚至係 USB-DAC 等既播放設備！它更搭載 Clear Voice Capture （CVC） 8.0 降噪功能，能將通話中大部分噪音同環境雜音消除！加上每邊耳機僅重 6g，仲有埋 IPX5 抗水功能添，即使落雨帶住佢出街都唔使驚！咁呢對 Nakamichi Elite Pro TWS 600 續航就有大約 8 個鐘頭，而耳機盒子可提供額外 4 次既完整充電！
總括 Nakamichi TWS600 有線同無線接駁既聲音都好大分別，經藍牙直駁手機可聽到聲音較則重於人聲同中低頻，然後中高音未算很圓滑！但耳機自身既推力非常充裕，即使剛才只是開到大約 5-6 成音量，耳機可營造出唔錯動態！以實綫接駁後，音質可謂是一次躍升，如訊源配合得好，出來動態非常悅耳，有種被重低頻鞭撻既感覺，但又唔會失去歌曲應有音樂感！Elite Pro TWS 600 在耳機通話方面既穩定性都唔錯，即使我係係車來車往既街道上環境都可做到一定既通話表現，不過它在 TWS 耳機方面其實仲有發揮空間，如能增加一 D 進階功能就更加正啦！但換個角度來看，官方可能認爲主打音質取勝，加上睇戲無甩嘴同 GAME MODE 都可以做到 90 秒低延遲！如大家衝著佢係真無綫、又可以玩升級綫既 SPEC 黎睇…其實都有唔錯既吸引力！
規格重點
♦ 單元：8mm 單元（1 圈 2 鐵混合）
♦ 藍牙版本 : V5.2
♦ 核心晶片 : QCC 3040
♦ 阻抗: 32ohm +/- 10%
♦ 頻率響應: 20-20Khz
♦ 重量: 6g (單個耳機) + 78g (充電盒)
♦ 零售價：HK$2,200
