我地Howard今次同 GadgetGang 阿聰一齊試機一齊玩。實試的就係呢部聲畫硬件配備都非常勁的 ASUS Zenbook Pro 16X OLED。兩個都係當年係蘋果日報科技版同事，有玩開Notebook的，有印象嘅觀眾可能都會記得以前我地會一齊開機評測，今次可以話係寓工作於聚舊嘞。
Zenbook Pro 16X OLED 畫質表現都頗為出色，擁有16吋 16:10 4K OLED HDR 窄邊框觸控螢幕，0.2毫秒反應時間同最高550nits亮度。OLED面板之下，對比度充足亦冇仼何灰階畫面，完全可以突出畫面細節位。聲音方面，配備6個喇叭，包括2高音同4低音，支援Dolby Atmos，全景聲音出色，感覺真係好似360度圍繞你個頭轉咁。
