曾經小瑟屋企都只可以放到 42″ 電視，以前通常最高規格的電視技術都好難可以在42″的電視之下出現。今天小瑟同大家做評測的這部 LG C2 OLED Evo 就係全球首部 42” OLED 4K電視，小瑟知道好多師兄可能好多年都冇換電視，依家想換一定梗係想換市場上最新最勁技術的4K電視，始終一步到位麻。而呢部 LG C2 42″ OLED Evo 4K電視就已經有齊市場上串流平台程式，仲有埋 Dolby vision IQ + Dolby Atmos 加持，新的處理晶片仲用上 α9 Gen5 AI Processor 4K，加上4個 HDMI 2.1可支援 4K/120hz，eARC、NVIDIA G-Sync、AMD FreeSync、VRR、ALLM、HGiG。HDR制式方面可支援 Dolby Vision IQ、HDR10 Pro、HLG，另外今年仲有 TUV High Gaming Performance Gold 遊戲機的專業認證。官方定價：HK$12,980，不如來睇下小瑟點評價佢啦！
今代 LG C2 OLED 用上 OLED EVO面板，alpha9 Gen5 processor 4K處理晶片，配合 Tone mapping Pro技術，可將畫面分成 5184 區獨立分析及調校，再加上 OLED Self Lit 自發光的真正純黑位置可營造出更優良的立體感，而且制式上支援Dolby Vision IQ with Precision Details，在 Dolby Vision 的影片下可以得到更強的細節。尺寸方面，LG C2有 83″、77″、65″、55″、48、42″，畫面認證有 100% Color Volume, 100% Color Fidelity (Intertek)，TUV 認證，Eye safe之餘，仲要指明係低藍光面板，加埋 UL flicker free certificat 咁長時間當Mon用都唔怕影響眼睛使用。
附上評測影片節錄畫面
