Apple SharePlay「同播同享」功能隨iOS 15.1、iPadOS 15.1及tvOS 15.1更新後正式啓用，用家可以在FaceTime通話中，與朋友一齊睇電影、聽歌等，就算身處世界各地都可以一齊觀看討論。
除iPhone和iPad外，Mac用家在年尾亦會正式啓用，簡單來講SharePlay就是可以在FaceTime通話中，同步觀看電影和收聽音樂等，而且每個用家都可以控制播放暫停等，當用家說話時亦會自動降低播放內容的音量。若果大家與家人和另一半分隔兩地，用這個功能一齊邊睇電影邊傾計，就是一個很好的聯繫方法。
除此之外，SharePlay還支援部分的辦公、學習、運動和遊戲App，亦都支援螢幕分享，用途比想象中要多。有Apple TV的話就可以投射到大電視上觀看，電話維持FaceTime對話。
當然，SharePlay亦有要留意的地方，收費服務如Apple TV+和Apple Music，參與用家有訂閱才能同步觀看。目前已支援NBA、Twitch等，Disney+和MasterClass等App亦快將支援。
